Znajści
Ałharytmičny łacinski varyjant
04.12.2023 / 22:141RusŁacBieł

U Lachavičach z-za avaryi miescami adklučyli aciapleńnie i haz

U sacyjalnych sietkach 4 śniežnia źjaviłasia infarmacyja ab avaryjnaj situacyi na hazapravodzie-advodzie da hazaraźmierkavalnaj stancyi «Darava» Lachavickaha rajona. U vyniku hetaha ŭ niekatorych miascovaściach horada i rajona adklučyli aciapleńnie i hazazabieśpiačeńnie, paviedamlaje miascovy resurs Bar24.

Fota: Lachavicki vieśnik

Namieśnik hałoŭnaha inžyniera AAT «Hazpramtranshaz Biełaruś» Michaił Babko najaŭnaść prablem paćvierdziŭ, ale śćviardžaje, što situacyja ŭźnikła ŭ vyniku płanavych rabot. Jany, maŭlaŭ, «pravodziacca dla analizu stanu trubapravoda i vyjaŭleńnia jaho defiektaŭ». Pravodziačy hetyja raboty pačynajučy ad Ivacevičaŭ, urešcie, pa słovach Babko, padyšli da ŭčastka hazapravoda-advoda HRS «Darava», i «ŭ hetym miescy pry ŭskryćci hazapravoda vyjaŭlena, što stan defiektu truby źjaŭlajecca krytyčnym».

Dva mietry truby ŭ suviazi z hetym treba było zamianić, dla čaho «spatrebiłasia pamianšeńnie abjomu zabieśpiačeńnia hazaspažyŭcoŭ na niekatory čas». Zaviaršyć raboty płanavałasia da 19.30, pry hetym «hazazabieśpiačeńnie nie spyniałasia — haz dastaŭlajecca ad pierasoŭnych aŭtazapraŭščykaŭ».

Tym nie mienš, u Lachavickaj ŽKH papiaredzili pra mahčymyja pieraboi ŭ padačy aciapleńnia ŭ adnym ź mikrarajonaŭ Lachavič, niekalkich vioskach i ŭ kacielni rajonnaj balnicy. Kamunalnyja słužby śćviardžajuć, što ŭ najbližejšyja hadziny pytańnie budzie vyrašana. Paźniej źjaviłasia infarmacyja ab časovym abmiežavańni hazazabieśpiačeńnia Lachavickaha małočnaha zavoda, Lachavickaha kansiervavaha zavoda i kacielniaŭ.

Žychary Lachavičaŭ paviedamlajuć, što 4 śniežnia ŭ ich kvaterach «pierabojaŭ z hazam niama. Batarei chałodnyja, ale tempieratura ŭ kvatery pakul prymalnaja». U balnicy aciapleńnia taksama niama, ale, jak zapeŭniŭ hałoŭny lekar Hieorhij Chlabovič: «Tempieratura ŭ pałatach na dadzieny momant kamfortnaja, kala 21-22 hradusaŭ ciapła. Užo ŭ najbližejšy čas batarei znoŭ stanuć haračymi».

Čytajcie taksama:

Tracina rahačoŭcaŭ ceły dzień prasiadzieła biez aciapleńnia

Novy dom u «Minsk Śviecie» ad Dana pryvodzić budučych žycharoŭ u žach

Enierhietyki likvidavali avaryju na ciepłasietkach pad Minskam. Biez aciapleńnia nočyli ŭ Śvisłačy i Družnym

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka /adkazać/
05.12.2023
Rohačiov (Rohačiovskij MKK), Lachoviči (Lachovičok)... Nieužieli mołočnaja mafija načała po-žestačajšemu mstiť?!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031