Znajści
Ałharytmičny łacinski varyjant
05.12.2023 / 09:577RusŁacBieł

Cichanoŭskaja vystupiła ŭ Jelskim univiersitecie

Śviatłana Cichanoŭskaja 4 śniežnia vystupiła ŭ Jelskim univiersitecie z dakładam «Biełaruś, Ukraina i budučynia Jeŭropy».

 Usie fota: Ofis Cichanoŭskaj

Cichanoŭskaja taksama praviała hutarku ź miascovymi studentami, maderataram jakoj staŭ viadomy amierykanski historyk Cimaci Snajdar.

«Dla mianie było honaram vystupić u Jelskim univiersitecie pobač ź Cimaci Snajdaram. My abmierkavali histaryčnuju rolu Biełarusi ŭ rehijonie, jaje jeŭrapiejskija karani i budučyniu ŭ Jeŭropie. Mnie było pryjemna bačyć na mierapryjemstvie šmat biełarusaŭ i ŭkraincaŭ. Razam my pieramožam!» — napisała Cichanoŭskaja ŭ sacsietcy Ch.

 

6-7 śniežnia biełaruskaja lidarka dałučycca da stratehičnaha dyjałohu «Biełaruś — ZŠA», jaki projdzie ŭ Vašynhtonie. U im taksama prymuć udzieł ź biełaruskaha boku pradstaŭniki Ofisa Śviatłany Cichanoŭskaj, Abjadnanaha Pierachodnaha Kabinieta, Kaardynacyjnaj Rady, pravaabarončaj arhanizacyi «Viasna», centra BEROC, Biełaruskaha pres-kłuba, arhanizacyi «JeŭraBiełaruś», Rabočaha Ruchu, Asacyjacyi biełarusaŭ u Amierycy (ABBA), Kibierpartyzanaŭ, a taksama niezaležnych miedyja.

Padčas stratehičnaha dyjałohu buduć abmiarkoŭvacca pytańni pravoŭ čałavieka i šlachi vyzvaleńnia palitźniavolenych, raźvićcio pryvatnaha siektara Biełarusi, a taksama pahrozy suvierenitetu našaj krainy z boku Rasii. Asobnym punktam pieramovaŭ značycca abmierkavańnie vizavaj i mihracyjnaj prablematyki dla biełarusaŭ.

Śviatłana Cichanoŭskaja nazvała stratehičny dyjałoh u Vašynhtonie «novym uzroŭniem supracoŭnictva pamiž demakratyčnymi siłami i ZŠA».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
2
Ха-ха
0
Ого
1
Сумна
0
Абуральна
0
0
Alek. Ru/adkazać/
05.12.2023
Na imhnieńnie úiaviú sabie siniapałaha na miescy Śviatłany. Film žachaú z elemientami tannaha ahrahumaru. A Śviatłana małajec!!!
1
Janka/adkazać/
05.12.2023
;)),Tym, što Yale Jackson School of Global Affairs naležyć da šerahu bujniejšych instytutaŭ ZŠA, jaki zajmajucca akademičnymi daśledvańniami i rychtujuć budučuju elitu ZŠA ŭ śfiery mižnarodnych znosinaŭ. I ŭ budučyni mienavita hetyja ludzi prymajuć rašeńni. Farmavańnie suviaziaŭ miž zachodnimi elitami i biełaruskimi demakratyčnymi siłami stvaraje padmurak daŭhaterminovaj zachodniaj padtrymki demakratyi ŭ Biełarusi i supraciva ŭpłyvu ŭschodniaj tyranii na Biełaruś. Darečy, zachodniaj ŭvahi katastrafična mocna nie chapała dla pieramohi biełaruskaj revalucyi ŭžo ŭ 2020. Kali nie stvarać hetych suviaziaŭ, to biełaruskuju elitu buduć rychtavać Kreml i Rossupracoŭnictva. Z adpaviednaj aryjentacyjaj.
1
Janka/adkazać/
05.12.2023
Jaśnieńka , Pytańni deakupacyi Biełarusi i dapamohi pałku Kalinoŭskaha padčas stratehičnaha dyjałohu abmiarkoŭvacca nia buduć
Heytia pytańni ŭzdymajucca niaspynna. Vy taksama možacie paŭdzielničać u pierakanańni zachodnich palitykaŭ vyłučyć padtrymku asobnamu padrazdialeńniu PKK ZSU z ahulnaha abjoma dapamohi Ŭkrainie. Z ulikam taho, što anijakich niepasrednych zadač pa vyzvaleńniu Biełarusi ŭkrainskaje kamandavańnie PKK u vyhladzie HUR MAU Budanava (jaki sypaŭ kamplimienty Łukašenku) zaraz pierad PKK nie stavić i nie dazvalaje. Darečy, taja ž samaja "Volnaja Francyja" była našmat bolš aŭtanomnaj ad brytanskaha kamandavańnia i navat zdiejśniała asobnyja apieracyi suprać kałabaracyjanistaŭ-višystaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031