Znajści
Ałharytmičny łacinski varyjant
05.12.2023 / 16:266RusŁacBieł

Pačaŭsia sud nad byłym kiraŭnikom Bielinviestbanka. Bankiry raskazali, na čym prakałoŭsia Bryšcieleŭ

Sudziać dvuch bankiraŭ i biznesmiena. U čym byŭ sens schiemy? 

U krasaviku 2022 hoda «Naša Niva» paviedamlała ab zatrymańni staršyni praŭleńnia dziaržaŭnaha «Bielinviestbanka» Andreja Bryšcieleva.

Čytajcie taksama: Pa abvinavačvańni ŭ atrymańni chabaru zatrymany kiraŭnik Bielinviestbanka Andrej Bryšcieleŭ

Praz paŭtara hoda jaho pačali sudzić. Praces idzie ŭ Minskim haradskim sudzie. Abvinavačvańnie — atrymańnie chabaru (maksimalnaje pakarańnie — 15 hadoŭ) i złoŭžyvańnie ŭładaj (da 6 hadoŭ źniavoleńnia). 

Razam z byłym kiraŭnikom banka sudziać taksama Andreja Ramanienku — vykanaŭčaha dyrektara «Bielinviestbanka», jaki kuryravaŭ karparatyŭnyja finansy i, pa infarmacyi našych surazmoŭcaŭ, uznačalvaŭ kredytny kamitet banka.

 Andrej Ramanienka

Kredytny kamitet — heta rada ź niekalkich (da 10, jak praviła) čałaviek, jakija kalehijalna prymajuć rašeńni ab metazhodnaści vydačy kredyta toj ci inšaj arhanizacyi.

Razumiejučy śfiery adkaznaści fihurantaŭ, a taksama najaŭnaść treciaha abvinavačanaha — kamiersanta Ihara Piskunova, jaki prachodzić pa artykule «Dača chabara», — stanoviacca jasnyja abrysy spravy.

Detalami ich dapaŭniajuć surazmoŭcy «Našaj Nivy» u bankaŭskim siektary. 

«Bryšcieleŭ prakałoŭsia tolki ŭ tym momancie, što ŭziali jaho z paličnym. Było b inačaj — ničoha b dakazać nie ŭdałosia, tamu što sprava kredytavańnia vielmi tonkaja.

Pryčyna spravy Bryšcieleva — žadańnie kamiersanta atrymać kredyt, jaki jon nie pavinien byŭ atrymlivać zhodna z bankaŭskimi pratakołami.

Čamu nie pavinien? Naprykład, u arhanizacyi kiepski finansavy stan, abo finansavy stan dobry, ale jana patrabuje zavialikuju dla jaje sumu, abo ŭ kampanii patencyjna niebiaśpiečnyja zakłady. U takim razie bank nikoli nie budzie brać na siabie nieabhruntavanyja ryzyki. Vydaču kredyta pry najaŭnaści niejkich z hetych faktaraŭ prosta nie ŭzhodniać.

U takich vypadkach biznesmieny mohuć šukać vychady na ludziej z paŭnamoctvami, kab nacisnuć na kredytny kamitet. Tak adbyłosia z Bryšcielevym i Ramanienkam. 

Bryšcieleŭ moža nacisnuć na Ramanienku, a Ramanienka — na kredytny kamitet. Heta ŭ pryncypie kiepskaja historyja, kali ad načalnika kredytnaha kamiteta zaležać pracoŭnyja kantrakty inšych udzielnikaŭ. U pryvatnych bankach, jak praviła, takoje nie praktykujecca. 

Ličycca, što tak rašeńni ŭ dziaržaŭnych bankach časam prymajucca, ale nie pašancavała mienavita Bryšcielevu, jaki padstaviŭsia z paličnym. U inšych vypadkach dakazać namier i cisk vielmi składana, tamu što rašeńnie kalehijalnaje i adkaznaść razmytaja».

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
(7)/adkazać/
05.12.2023
daviedka , a syn jeho Biełazy tołkajet.
0
Sumniavajusia/adkazać/
05.12.2023
Usie vyvady artykuła pabudavany na padstavie vystaŭlennaha abvinavačvańnia.
Surjozna? Ź jakoha momantu my pačali vieryć, što abvinavačvańni hetaj sistemu sapraŭdy majuć pad saboj niejkuju padstavu?

Trymali 1.5 hoda kab vystavić takoje "vidavočnaje" abvinavačvańnie? Dy prosta abvinavačannyja nie pahadzilisia pryznać vinu dy adkupicca.

A nakont taho, što "ciažka dakazać"... Kaho heta chvaluje? Nie damovilisia sa śledstvam - pasadzim. A dokazy - pakazańni ananimnaha supracoŭnika, čym nie dokaz?
0
daviedka /adkazać/
05.12.2023
Syn Łukašienko tožie Biełazy tołkajet... i nieviestka Łukašienko.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031