Znajści
Ałharytmičny łacinski varyjant
05.12.2023 / 19:524RusŁacBieł

«Vielmi prasiŭ pra sustreču». Čamu Łukašenka raptoŭna sarvaŭsia ŭ Kitaj

Učora samalot Alaksandra Łukašenki viarnuŭsia z Kitaja ŭ AAE. Spytali ŭ analitykaŭ, čamu palityk pierapyniŭ vizit u Dubaj dziela karotkaj sustrečy ŭ Kitai.

Łukašenka i Si Czińpin. Fota: BiełTA

«Situacyja absalutna nie zadavalniaje Kitaj»

Palityčny ahladalnik «Radyjo Svaboda» Valer Karbalevič adznačaje, što vizit Łukašenki ŭ Padniabiesnuju byŭ niezapłanavany.

«Jon sam nie chavaŭ, što heta byŭ nadzvyčajny, apieratyŭny vizit. Pra sustreču prasiŭ mienavita biełaruski bok i tak atrymałasia, što kitajski bok pahadziŭsia na jaje mienavita tady, kali Łukašenka znachodziŭsia ŭ Dubai», — kaža palitołah.

Karbalevič adznačaje, što vizit u Kitaj byŭ niečakanym navat dla Łukašenki, tamu biełaruskija ŭłady hetaha nie admaŭlali, a sam Łukašenka dziakavaŭ Si Czińpinu, što toj pahadziŭsia jaho pryniać.

Valer Karbalevič. Fota: «Naša Niva»

Na sustrečy ź Si Czińpinam Łukašenka moh abmiarkoŭvać pytańni tranzitu kitajskich hruzaŭ praź Biełaruś.

«Biełaruś cikavaja dla Kitaja pierš za ŭsio jak tranzitny chab na šlachu ŭ ES. Pa stanie na 2019 hod, praz našu krainu išło kala 80-90% hruzaŭ, jakija pastaŭlalisia z Kitaja ŭ krainy Jeŭropy», — adznačaje Karbalevič.

Taksama, na dumku palitołaha, na hetaj sustrečy mahli abmiarkoŭvacca pytańni pracy sumiesnaha biełaruska-kitajskaha industryjalnaha parka «Vialiki kamień».

«Ideja była takoj, što kitajskija kampanii, atrymaŭšy vialikija padatkovyja lhoty, buduć vypuskać pradukcyju, jakaja budzie nižejšaj pa sabiekošcie, a značyć bolš kankurentazdolnaj. Hetaja pradukcyja musiła iści ŭ Jeŭropu, jakaja razhladałasia hałoŭnym rynkam.

Dla taho, kab hetaja madel zapracavała, nieabchodnyja dobryja adnosiny pamiž Biełaruśsiu i ES. U realnaści atrymałasia ŭsio naadvarot. Adnosiny sapsavalisia, suprać Biełarusi ŭviedzieny ekanamičnyja sankcyi, u adkaz na stvorany režymam mihrancki kryzis zakryli šerah punktaŭ propusku».

Na dumku Karbaleviča, takaja situacyja absalutna nie zadavalniaje Kitaj. Adsutnaść Łukašenki na forumie «Adzin pojas, adzin šlach» jon nazyvaje demanstracyjaj hetaha niezadavalnieńnia z boku Kitaja.

«Biełaruś faktyčna straciła toj tranzitny status, jaki źjaŭlajecca važnym ekanamičnym i palityčnym kapitałam. Tamu, jak ja razumieju, biełaruski bok vielmi mocna prasiŭ kitajskaje kiraŭnictva, kab heta sustreča adbyłasia, kab niešta rastłumačyć abo niešta paabiacać».

Pry hetym Karbalevič ciažka ŭjaŭlaje, što Łukašenka moh paabiacać Si Czińpinu, a hałoŭnaje jakim čynam jon moža naładzić stasunki ź ES, kab Biełaruś znoŭ mahła stać tym łahistyčnym chabam, dziela jakoha i pačałasia historyja biełaruska-kitajskaha siabroŭstva.

«Łukašenka sam prasiŭ Si Czińpina, kab takaja sustreča adbyłasia»

Palityčny ahladalnik prajekta «Pozirk» Alaksandr Kłaskoŭski taksama ličyć vizit Łukašenki ŭ Kitaj u pieršyja dni śniežnia niezapłanavanym.

Alaksandr Kłaskoŭski. Fota: «Naša Niva»

«Na niadaŭniaj naradzie pa źniešniepalityčnych pytańniach jon kazaŭ pra mierkavanyja vizity ŭ Emiraty, Turcyju, Ekvataryjalnuju Hvinieju, ale pra pajezdku ŭ Kitaj havorki nie było. Inšy momant, jaki ŭkazvaje na niezapłanavanaść hetaha vizitu — sam fakt vyletu ŭ Kitaj z Emirataŭ», — kaža ekśpiert.

Karotkaja praciahłaść i rabočy status vizitu padkreślivajuć toj fakt, što jon nie byŭ zapłanavany, razvažaje Kłaskoŭski.

Pry hetym jon adznačaje: šmat jakija momanty pakazvajuć na toje, što Łukašenka sam prasiŭ Si Czińpina, kab takaja sustreča adbyłasia.

«Łukašenka rassypaŭsia pierad Si ŭ kamplimientach, vykazvaŭ padziaku za apieratyŭnaść, za toje, što Si Czińpin znajšoŭ čas dla hetaj sustrečy. Z hetaha možna pryjści da vysnovy, što Łukašenka prasiŭ hetaj aŭdyjencyi, tamu kali jamu dali sihnał, to jon sarvaŭsia z samitu ŭ Emiratach i palacieŭ u Kitaj».

Łukašenka padčas samitu ŭ Dubai. Fota: AP/Rafiq Maqbool

Asnoŭnaj viersijaj, čamu takaja sustreča adbyłasia, Kłaskoŭski nazyvaje adsutnaść Łukašenki na forumie «Adzin pojas, adzin šlach» i niezadavolenaść Kitaja tym, što Łukašenka svarkami z susiednimi krainami ES pastaviŭ pad udar kitajskija tranzitnyja intaresy. Praz heta jamu treba było sustrecca z kitajskim lidaram, kab rastłumačyć svaje pazicyi i ahučyć arhumienty, čamu skłałasia takaja situacyja.

«Vierahodna, jon moh abiacać, što budzie namahacca razradzić situacyju, kab jana prynamsi nie pahoršyłasia. Mahčyma, padčas vizitu ŭ Piekin jon davodziŭ Si, što ŭ jaho na nosie pieradvybarčaja kampanija, što jon pakul nie moža adkručvać hajki i rabić niejkija surjoznyja kroki ŭ stasunkach ź ES.

Ale niešta ŭžo robić. Z taho, što my možam nazirać siońnia, heta toje, jak źmienšyŭsia mihracyjny cisk na miažy».

«Mahčyma, jon pojdzie na vyzvaleńnie Andžeja Pačobuta»

Pakolki Kitaj dla Łukašenki sapraŭdy źjaŭlajecca vielmi važnym ekanamičnym i hieapalityčnym partnioram, to jon moža pajści na niejkija kroki, kab palepšyć situacyju.

«Napeŭna, Łukašenka jak minimum pastarajecca nie abvastrać mihracyjnuju prablemu, mahčyma, jon pojdzie na vyzvaleńnie Andžeja Pačobuta, pakolki ŭ adkaz Polšča abiacała adkryć adzin z pamiežnych punktaŭ propusku», — kaža analityk.

Ale čakać bolš surjoznych, sistemnych krokaŭ nie varta.

«Dla hetaha treba pačać adkručvać hajki, vypuskać palitviaźniaŭ, pravodzić svabodnyja vybary. Naturalna, što Łukašenka zrabić hetaha nie moža. Tamu kali niejkija kroki ŭ kirunku libieralizacyi i buduć zroblenyja, to tolki paśla vybaraŭ. Adnak heta buduć vielmi abmiežavanyja kroki», — ličyć analityk.

«Naša Niva» — bastyjon biełaruščyny

PADTRYMAĆ

Čytajcie taksama:

Łukašenka aktyŭna prasoŭvaje Biełaruś na afrykanskim kantyniencie. Ale ci zacikaŭlena Afryka ŭ Biełarusi? Tłumačyć ekanamist

Daniła Łuckievič

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
4
Ха-ха
8
Ого
7
Сумна
7
Абуральна
26
0
Josik/adkazać/
05.12.2023
Usio heta zdahadki, nie bolej. Liču, što mihranty ŭzhadniali sia z pucinym, kab niejak ad Ukrainy adciahnuć uvahu JEZ. Kali b Łukašenka choć troški mieŭ samastojnaści, anijakich pišulinych, abchazaŭ dy inšych zdradnikaŭ nie było b na biełaruskaj ziamli.
0
Josik/adkazać/
05.12.2023
CRU, kali ŭ SSSR sahnali ŭsich, choć niejak padtrymlivali nacyjanalnaści (u toj čas było šmat čaho pa-biełarusku), to zaraz rasiejskaja impierskaść admaŭlaje ŭsim u identyčnaści - usie pastsavieckija krainy stvaryŭ lenin, a rasieja, jak naščadak sssr, maje prava na hetyja krainy. Tamu anijakaha sssr nie budzie, nielha stvaryć niejki chaŭrus, źniščajučy nasielnictva hetych terytoryj.
0
sensej /adkazać/
06.12.2023
Kitajcy užie nie sčitajut jeho buduŝim pravitielem Biełarusi, da i voobŝie suvierienom.  Vyzvali na kovior kak namiestnika pohraničnoj zastavy na dalnich rubiežach Vielikoj Impierii. V kitajskoj dipłomatii očień važien simvolizm. I vot eta podariennaja sałfietka, a Kole sportivnyj kostium, o mnohom hovoriat. Nu a nieprihłašienije na sammit ŠOS eto łučšieje tomu podtvierždienije. Kitajciev u nieho nie połučitsia vodiť za nos kak Pu naobieŝav s tri koroba sidia s błoknotikom i staratielno v nieho zapisyvaja, kitajcy sami mastaki po etoj časti. Dali jemu vriemia vozmožno do leta, a tam budut prinimať radikalnyje miery. Vychodki biełorusskoho satrapa im doroho obchodiatsia, a kitajcy nikakije nie idiejnyje borcy s SŠA i Zapadom, čtoby puskať na vietier takije dieńhi radi poddieržki kakoho-to tam biełorusskoho diktatora. Im na Biełaruś voobŝie plevať, biźnies prieždie vsieho. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031