Znajści
Ałharytmičny łacinski varyjant
05.12.2023 / 19:42RusŁacBieł

Azierbajdžan pačaŭ vyrablać snarady dla Ukrainy — miedyja

Častka bojeprypasaŭ dla ŭkrainskaj armii, vierahodna, vyrablajecca na terytoryi Azierbajdžana. Infarmacyju pra pačatak hetaj vytvorčaści raspaŭsiudzili telekanał RTVI i vajskovyja błohiery.

Raman Bačkała ŭ cechu pa vytvorčaści bojeprypasaŭ dla Ukrainy

Napiaredadni ŭkrainski vajskovy žurnalist Raman Bačkała apublikavaŭ u svaim kanale fatahrafii i videa z vytvorčaści snaradaŭ dyjamietram 122 mm dla haŭbic D-30. Bačkała adznačyŭ, što bojeprypasy vyrablajucca «ŭ adnoj z krain-partnioraŭ», nie ŭdakładniŭšy, u jakoj mienavita.

Na adnoj z fatahrafij RTVI vyjaviŭ šyldu z łahatypam kampanii Palladium Defence and Security Solutions, zasnavanaj u 2014 hodzie. Ofis kampanii raźmieščany ŭ Baku.

Niahledziačy na toje, što hetaja kampanija nie źviazanaja ź Ministerstvam abaronnaj pramysłovaści Azierbajdžana, jana rehularna vyjhravała tendery ad miascovych MUS, Asobaj słužby dziaržaŭnaj achovy i Pienitencyjarnaj słužby Miniusta.

Kampanija Palladium Defence and Security Solutions LLC, adnak, asprečyła infarmacyju, što vyrablaje snarady dla Ukrainy. Pra heta pres-słužba kampanii zajaviła ŭ kamientary RBK.

«Kampanija Palladium choča zaśviedčyć, što fota i videa, na jakich nibyta namalavanaja vytvorčaść snaradaŭ 122 mm dla Ukrainy, raspaŭsiudžanyja ŭ ŚMI i sacyjalnych sietkach, nie majuć nijakaha dačynieńnia da našaj kampanii», — havorycca ŭ paviedamleńni.

Čytajcie taksama:

Zialenski zajaviŭ, što z-za vajny ŭ Izraili skaracilisia pastaŭki artyleryjskich snaradaŭ va Ukrainu

Zachodnija ekśpierty zaklikali pierajści da «doŭhaterminovaj stratehii strymlivańnia Rasii». «Ciarplivaj, ale ćviordaj»

Hiermanija vyrašyła padvoić vajennuju dapamohu Ukrainie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera