Znajści
Ałharytmičny łacinski varyjant
06.12.2023 / 15:1325RusŁacBieł

Skandał vakoł pieradačy «Biełsat» — padrabiaznaści

Stvaralnica prajektaŭ «Dzikaje palavańnie» i «Karniki Biełarusi» Janina Sazanovič paŭdzielničała ŭ šou «Ščyra kažučy» telekanała «Biełsat». Padčas pieradačy jana zrabiła niekalki rezanansnych zajaŭ. Nieŭzabavie kanał vydaliŭ videa i viarnuŭ jaho tolki na nastupny dzień, dadaŭšy subcitr. Voś što kažuć baki kanfliktu.

Janina Sazanovič. Fota: skrynšot z prahramy «Ščyra kažučy»

Što adbyłosia?

U efir vyjšła pieradača «Ščyra kažučy», kudy prajści palihraf zaprasili Janinu Sazanovič. Jaje raspytvali pra skandał z Čornaj knihaj Biełarusi, kudy pranik hubazikaviec, pra toje, chto za heta adkazny, pra staŭleńnie da roznych pradstaŭnikoŭ apazicyi. Siarod inšaha Janina vykazała mierkavańnie, što Franak Viačorka i Alaksandr Azaraŭ źjaŭlajucca ahientami łukašenkaŭskich śpiecsłužbaŭ (ale dadała, što dokazaŭ nie maje).

Praź niekalki hadzin videa było vydalena z sacsietak «Biełsata», što tolki dadało ŭvahi da vypusku. Mnohija pabačyli ŭ hetym cenzuru.

Aficyjnaja pazicyja «Biełsata»

Telekanał «Biełsat» apublikavaŭ aficyjnuju zajavu pa situacyi. 

U joj havorycca, što redakcyja dapuściła pamyłku i rašyła časova źniać vypusk z publikacyi.

«U čym była hetaja pamyłka? Hościa prahramy, jakoha praviarajuć palihrafam, niamožna pytać pra asabistyja mierkavańni ci padazreńni ŭ dačynieńni da inšych asobaŭ. Heta supiarečyć etycy i moža ŭvieści ŭ zman hledača, bo palihraf paćviardžaje ci źniapraŭdžvaje vyklučna pierakanańni hieroja ŭ svaim mierkavańni, a nie fakt učynkaŭ inšych asobaŭ.

U toj ža čas inšaja asoba, jakoj tyčycca pytańnie, u farmacie prahramy nie maje mahčymaści adkazać na mierkavańnie abo abvinavačańnie, što moža nanieści joj maralnyja pakuty. U suviazi z hetym videa musiła źmiaščać nadpis, jaki nahadvaje pra śpiecyfiku pracy palihrafa.

Telekanał «Biełsat» prynosić prabačeńni ŭsim datyčnym asobam, jakim hetaje vydańnie mahło nanieści maralnuju škodu.

Vydańnie nieŭzabavie znoŭ źjavicca na našych ličbavych płatformach», — havorycca ŭ kamientary «Biełsata».

Viersija Janiny Sazanovič

Pieradaču zapisvali ŭ siaredzinie listapada. U kamientary «Našaj Nivie» Janina Sazanovič adznačaje, što ź joj zahadzia nie abmiarkoŭvali pytańniaŭ, jakija buduć zadavać. Taksama nie było nijakaha śpisa zabaronienych tem abo asob, pra jakich niamožna budzie kazać. Prajavaŭ cenzury jana nie zaŭvažyła i padčas zdymak prahramy.

Na dumku Janiny, telekanał «Biełsat» vydaliŭ videa ź jaje ŭdziełam nie z ułasnaj inicyjatyvy.

«Choć Franak Viačorka i napisaŭ, što nie maje da hetaha nijakaha dačynieńnia i pałovu dnia pravioŭ bieź internetu, ja na 99% upeŭnienaja, što heta adbyłosia na zapyt Viačorki», — ličyć Janina Sazanovič.

U aficyjnuju viersiju, jakuju apublikavaŭ telekanał «Biełsat», Sazanovič taksama nie vieryć.

«Ja nie dumaju, što pierad tym, jak vypuścić prahramu ŭ efir, kožny vypusk nie prahladaje vialikaja kolkaść ludziej, kab dapuścić tuju «pamyłku», pra jakuju ŭ aficyjnaj zajavie kaža «Biełsat».

U inšych vypuskach «Ščyra kažučy» nikoli nie było pytańniaŭ da inšych haściej, jakija vykazvali svajo mierkavańnie pra inšych ludziej. Hości prachodziacca pa niekatorych asobach vielmi dobra, ale tolki ŭ maim vypadku paśla słoŭ u adras peŭnych ludziej adbyłasia takaja situacyja», — kaža Sazanovič.

Staršy daradca Franak Viačorka raniej adreahavaŭ na abvinavačańni ŭ svoj bok. Jon napisaŭ u fejsbuku, što ceły dzień pravioŭ bieź internetu, a kali adkryŭ, to žachnuŭsia.

Viačorka paviedamiŭ, što nie maje dačynieńnia da vydaleńnia videa ź jutub-kanała «Biełsata». I dadaŭ, što ličyć cenzuru škodnaj, a vydaleńnie kantentu ŭ epochu internetu — biessensoŭnym.

Vypusk pieradačy ź Janinaj Sazanovič urešcie viarnuŭsia na jutub. Videa pierazahruzilisia na kanał «Biełsata», u kadry źjaviŭsia subcitr: «Palihraf pakazvaje tolki pierakanańni haściej. Adkaz testavanaj nie varta ŭsprymać jak fakt».

Čytajcie taksama:

Hubazikaviec dzieviać miesiacaŭ byŭ u kamandzie Čornaj knihi Biełarusi. I ŭrešcie ŭznačaliŭ jaje

Hod tamu ČKB i Bajpoł raskazvali pra ahienta — ale voś što

Što takoje Infopoint, dostup da jakoha atrymaŭ ahient HUBAZiKa?

Prakuror, supracoŭnik banka, načalnik adździeła Life. Kaho mahli zatrymlivać pa spravie «Čornaj knihi Biełarusi», dzie pracavaŭ ahient HUBAZiKa

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Janka/adkazać/
07.12.2023
Ščyhielski ŭ Bałahanava ŭžo paśpieŭ nakinucca na Biełsat z zajavami "Cenzura u styli vosieni 1994!" i "Łukašenka-2!". Voś tolki jon zabyŭsia, što cenzura - heta administracyjny cisk na svabodu słova. Miž tym svaboda słova nijak nie pieraškadžaje kankretnaj redakcyi nie raspaŭsiudžvać kantent, jaki nie adpaviadaje razumieńniam hetaj redakcyi ab žurnalisckaj etycy. To bok kali Biełsat ličyć niedapuščalnym tranślacyju u svaim etery aburalnych skandalnych biezdokaznych zajavaŭ - heta jahonaja sprava, bo tyčycca pytańnia zachavańnia albo razbureńnia jahonaj reputacyi ŭ vačach patencyjnaj aŭdytoryi.
0
Pravda voči koleť/adkazać/
08.12.2023
Pusť łučšie Janočka rasskažiet kak ona vmiestie s Hajko ludiej ślivała nasiłovikam
1
Koko/adkazać/
08.12.2023
Pravda voči koleť, a ona rasskazała kak vsie było, eto tvoj šief Viečierko, staryj hrantosos, otmałčivajetsia i duru vrubajet 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera