Znajści
Ałharytmičny łacinski varyjant
06.12.2023 / 23:5721RusŁacBieł

«Taki los napatkaje inšych zdradnikaŭ Ukrainy». Što viadoma pra zabojstva ŭkrainskaha prarasijskaha palityka Kivy

Siońnia ŭ Padmaskoŭi byŭ zabity były deputat ukrainskaj Viarchoŭnaj Rady Illa Kiva, jaki za apošnija dziesiać hadoŭ prajšoŭ šlach ad dziejača nacyjanalistyčnaha «Pravaha siektara» i ŭdzielnika ŭkrainskaj antyterarystyčnaj apieracyi na Danbasie da adnoj z zaŭvažnych fihur u adkryta prarasijskim kryle ŭkrainskaj palityki. I kaniec jahonaha žyćciovaha šlachu dla prarasijskich kałabarantaŭ z Ukrainy robicca dastatkova typovym. 

Illa Kiva. Fota: Volodymyr Tarasov/ Ukrinform/Future Publishing via Getty Images

Cieła Illi Kivy 6 śniežnia ŭdzień znajšła supracoŭnica hatela ŭ vioscy Supanieva Adzincoŭskaha rajona Maskoŭskaj vobłaści.

Pavodle infarmacyi telehram-kanała «VČK-OHPU», były ŭkrainski palityk atrymaŭ ahniastrelnaje ranieńnie ŭ lesaparku, paśla čaho, ściakajučy kryvioj, išoŭ pa ściežcy ŭ bok asnoŭnaha budynka hatela.

Śledčy kamitet Rasii paviedamiŭ, što raspačaŭ kryminalnuju spravu «pa fakcie zabojstva» Illi Kivy. Pavodle papiarednich źviestak, zabojstva adbyłosia z vykarystańniem «nieŭstanoŭlenaj strałkovaj zbroi». Telehram-kanały vykazvajuć viersiju, što jaho zastrelili ź pistaleta, a strełaŭ było dva: adzin u hałavu, druhi ŭ hrudzi.

Paśla zabojstva Kivy ŭ maskoŭskich aeraportach i na čyhunačnych vakzałach uviali ŭzmocnienyja miery pravierki pasažyraŭ. Asablivuju ŭvahu źviartajuć na inšaziemcaŭ i hramadzian z prapiskaj u paŭdniovych rehijonach Rasii.

Rasijski telehram-kanał Mash śćviardžaje, što za Kivam sačyli jak minimum try apošnija tydni:

«Za hety čas kileru ŭdałosia dobra vyvučyć zvyčki byłoha ŭkrainskaha palityka. 2,5 miesiaca tamu jon pierajechaŭ u hatel «Vielič' Country Club». Niadaŭna eks-deputat paviedamlaŭ pra mahčymaje sačeńnie za im», — havorycca ŭ publikacyi.

Pavodle źviestak pablika, Kiva žyŭ nie adzin, a z sužycielkaj:

«Štodnia jon vychodziŭ na viačernija prahułki pa parku. Siońnia jon paŭtaryŭ toj ža maršrut, ale nie viarnuŭsia. Pieršym jaho ŭžo adubiełaje cieła vyjaviła miascovaja žycharka — trup Kivy pralažaŭ na marozie nie mienš za hadzinu z momantu zabojstva».

Pa adnoj ź viersij, na śled Kivy mahła navieści jahonaja sužycielka, adnak heta pakul nie paćvierdžana. Asoba žančyny nie raskryvajecca: jak śćviardžajecca, «dla jaje ž biaśpieki». 

Illa Kiva (źleva) z kumam Pucina Viktaram Miedviedčukom. Fota: Olena Khudiakova / Ukrinform/Future Publishing via Getty Images

Ukrainskija ŚMI śćviardžajuć na padstavie svaich krynic u śpiecsłužbach, što Kivu zabili ŭ vyniku śpiecapieracyi Słužby biaśpieki Ukrainy. Adnak sami śpiecsłužby i ŭkrainskija ŭłady hetaha pakul nie kamientujuć.

Adno što tolki pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ nieŭzabavie paśla źjaŭleńnia pieršaj infarmacyi pra śmierć kałabaranta paćvierdziŭ sam fakt hibieli: 

«Možam paćvierdzić, što Kiva — usio. I taki los napatkaje inšych zdradnikaŭ Ukrainy, a taksama pasłuhačoŭ pucinskaha režymu».

Treba skazać, što heta nie prosta pustyja pahrozy. Za amal dva hady raźvitalisia z žyćciom niekalki zaŭvažnych fihur ź liku prarasijskich kałabarantaŭ: deputat ad Chiersonščyny Alaksiej Kavaloŭ, adzin z kiraŭnikoŭ prarasijskaj administracyi akupavanaj častki Chiersonskaj vobłaści Kiryła Stremavusaŭ, były deputat Alaksiej Žuraŭko, byŭ paranieny, ale vyžyŭ kolišni deputat i adzin z aktyvistaŭ «Navarosii» Juryj Caroŭ. A kolkaść źniščanych drabniejšych zdradnikaŭ idzie na dziasiatki. 

Čytajcie taksama:

U Łuhansku padarvali mašynu ź miascovym «deputatam»

SBU likvidavała charkaŭskaha kałabaranta, jaki ŭciok u Rasiju — miedyja

Ukraina maje prava likvidavać Pucina pry pieršaj ža mahčymaści — Zialenski

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
spoko spoko spoko/adkazać/
07.12.2023
Biełarus,hłavnoje otśleživať KOMU Vienhrija vydajot šienhien-vizy i mhnovienno rieahirovať.. Nie mnie otśleživať i nie VAm , a komu nado.
0
Jj/adkazać/
08.12.2023
John Smith, zychodziačy z vašaha prykładu, raju vam daryć kvietački hvałtaŭnikam.
0
Biełarus/adkazać/
08.12.2023
John Smith, Kiva - nie niejkaja vypadkovaja achviara, jon śviadoma abraŭ svoj šlach i atrymaŭ za jaho całkam zasłužanaje pakarańnie. Nie varta škadavać jaŭnych padonkaŭ. 

Takija ludzi (dakładniej, nieludzi) znoŭ taki całkam śviadoma paspryjali raźviazvańniu kryvavaj vajny, jakaja zabrała žyćci jak minimum dziasiatkaŭ tysiač sapraŭdy ni ŭ čym nie vinavatych ludziej, a pazbaviła zdaroŭja, majomaści i ŭvohule narmalnaha žyćcia miljony. I, na žal, miechanizmaŭ pryciahnieńnia ich da adkaznaści niama, pakolki jany znachodziacca na terytoryi krainy, jakaja vyklučyła siabie z cyvilizavanaj pravavoj sistemy i stała žyć "pa paniaćciach". "Paniaćci" - zrazumiełaja dla ich mova, a zakony - chimiera. Voś na zrazumiełaj im movie ź imi i razmaŭlajuć, bo tolki heta moža ź ich źbić nachabstva i samaŭpeŭnienaść. I va ŭmovach vajny heta apraŭdana. U mirny čas, viadoma, nie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera