Znajści
Ałharytmičny łacinski varyjant
07.12.2023 / 11:002RusŁacBieł

Premijaj Buša — Tetčer uznaharodzili dvuch biełaruskich palitviaźniaŭ i Cichanoŭskuju

Atrymlivajučy premiju ŭ Vašynhtonie, biełaruskaja lidarka adznačyła, što pryśviačaje premiju tym, u kaho adniali svabodu.

Demakratyčnaja lidarka Biełarusi Śviatłana Cichanoŭskaja i dva palitźniavolenyja lidary dźviuch partyj krainy atrymali premiju imia prezidenta ZŠA Džordža Buša-starejšaha i premjer-ministarki Vialikaj Brytanii Marharet Tetčer «Za svabodu» Mižnarodnaha demakratyčnaha sajuza (IDU).

Ab prysudžeńni traim biełarusam prestyžnaj premii paviedamiŭ Radyjo Svaboda hałoŭny daradca Śviatłany Cichanoŭskaj Franak Viačorka.

Pravacentrysckija partyi Biełaruski narodny front (BNF) i Abjadnanaja hramadzianskaja partyja (AHP), jakija da svajho turemnaha źniavoleńnia ačolvali Ryhor Kastusioŭ i Mikałaj Kazłoŭ adpaviedna, uvachodziać u Mižnarodny demakratyčny sajuz.

Atrymlivajučy premiju ŭ Vašynhtonie, Cichanoŭskaja adznačyła, što pryśviačaje premiju tym, u kaho adniali svabodu: biełaruskim palitviaźniam, u tym liku Alesiu Bialackamu, Maryi Kaleśnikavaj, Mikałaju Statkieviču, Arciomu Labiedźku. Jana dadała, što ŭznaharoda pakazvaje biełaruskim palitviaźniam, što pra ich pamiatajuć.

Palityk padkreśliła, što na biełarusaŭ «palujuć za ich palityčnyja pohlady, luboŭ da svajoj krainy, luboŭ da demakratyi i svabody», adznačyŭšy, što heta adbyvajecca ŭ centry Jeŭropy i heta žudasna.

Uznaharodu Buša — Tetčer «Za svabodu» ŭručajuć za asablivy ŭniosak u prasoŭvańnie kaštoŭnaściaŭ demakratyi i pravoŭ čałavieka.

Mikałaj Kazłoŭ za kratami z 27 lipienia 2022 hoda. U lutym 2023 hoda jaho asudzili na 2,5 hoda turmy. Ryhor Kastusioŭ byŭ zatrymany 12 krasavika 2021 hoda, jon adbyvaje 10-hadovy turemny termin, sutykajučysia ź nieakazańniem miedyčnaj dapamohi za kratami (palityk maje ankałahičnuju chvarobu). 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Andruś/adkazać/
07.12.2023
Bolš arhaničnaj była b nazva imia Rejhana-Tetčer, bo spadar Buš-starejšy naležyŭ da prychilnikaŭ pasłableńnia, ale zachavańnia SSSR. Ŭsie pamiatajuć jahonuju nieŭdałuju pramovu ŭ byłym VS USSR, u jakoj jon zaklikaŭ deputataŭ niezaležnaści pakinuć Ukrainu ŭ składzie SSSR. Pra padobny cisk z Vašynhtonu ŭzhadvaŭ taksama spadar Paźniak. Ale ŭsio roŭna lubaja uvaha i pavaha da demakratyčnaj Biełarusi z boku suśvietnaj demakratyčnaj supolnaści zastajecca vielmi zvažnajj.
0
daviedka /adkazać/
07.12.2023
I po čistoj słučajnosti priemiju połučili v osnovnom rodstvieńnički politikov, vklučaja mładšieho Lebied́ko.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera