Znajści
Ałharytmičny łacinski varyjant
10.12.2023 / 16:4718RusŁacBieł

Adnu z hałoŭnych rolaŭ u sieryjale «Słova pacana» vykonvaje biełaruska. Voś chto heta takaja

U papularnym rasijskim sieryjale «Słova pacana» zaśviaciłasia biełaruskaja aktrysa Nastaśsia Krasoŭskaja. «Naša Niva» raskazvaje, čym jana viadomaja.

Fota: nastitasti / Instagram

«Słova pacana. Kroŭ na asfalcie» — rasijski sieryjał pra moładzievyja hrupiroŭki, što isnavali ŭ savieckim Tatarstanie ŭ kancy 1980-ch. Heta historyja 14-hadovaha Andreja, jaki pahružajecca ŭ vuličnaje žyćcio i adnačasova sprabuje zbudavać adnosiny ź Irynaj Siarhiejeŭnaj, małodšaj lejtenantkaj milicyi.

Biełaruska Nasta Krasoŭskaja jakraz i hraje rolu Iryny. Joj 24 hady, dziaŭčyna rodam ź Minska, dzie i vyrasła. Vučyłasia na jurystku-mižnarodnicu, ale ŭ 2017-m pasprabavała siabie ŭ madelnym biznesie i navat paśpieła papracavać u Kitai. Supracoŭničała z bujnymi mižnarodnymi brendami, i, akramia kitajskich podyumaŭ, udzielničała ŭ pakazach va Ukrainie, Karei i Italii.

U 2019-m Krasoŭskaja atrymała rolu ŭ klipie Cimy Biełaruskich «Vitaminka». Jaje kinadebiut — rasijski mastacki film 2021-ha pad nazvaj «Hierda», dzie biełaruska syhrała rolu pravincyjnaj studentki sacfaka, jakaja padpracoŭvaje stryptyziorkaj, kab dapamahać chvoraj maci. Nasta dasłała svaje foty režysiorcy Natalli Kudrašovaj, chacia i nie raźličvała na stanoŭčy adkaz, a potym daviedałasia — taja hod šukała aktrysu na hałoŭnuju rolu.

Krasoŭskaja ŭ «Hierdzie». Fota: nastitasti / Instagram

Ale ž Krasoŭskaja paśpieła admovicca ad prapanovy zdymacca ŭ «Hierdzie» — maŭlaŭ, bajałasia adkaznaści. Potym, adnak, paśla doŭhich uhavoraŭ usio ž dała zhodu na zdymki.

Na kinafiestyvali ŭ šviejcarskim Łakarna Nastaśsiu adznačyli pryzam za najlepšuju žanočuju rolu. Dziaŭčyna raskazvała, što jaje praca ŭ «Hierdzie» ŭraziła viadomaha arhiencinskaha režysiora Haspara Nae: «Hetaja karcina zakranuła jaho, jon napisaŭ pra heta asabista».

Fota: nastitasti / Instagram

Z tych časoŭ Krasoŭskaja astaloŭvajecca ŭ rasijskim kino. U 2022-m jana atrymała hałoŭnuju žanočuju rolu ŭ spartovaj dramie «Bulterjer» pra bai biez pravił, ale ŭ hetym vypadku kamplimientami ad bujnych režysioraŭ nie pachnie. Na IMDB, adnym z najvialikšych suśvietnych kinapartałaŭ, stužka maje sumnyja 4,8 bała rejtynhu z 10. Što da krytykaŭ, siarod ich vodhukaŭ jość frazy nakštałt «spartovaja drama, dzie sabaka pierajhraje akcioraŭ» ci «96-chvilinnaje nieparazumieńnie sa źbitym siužetam, nievyraznymi akciorskimi pracami i siurpryzam u kancy».

Fota: nastitasti / Instagram

Adnačasova z poŭnamietražkami Krasoŭskaja sprabuje siabie ŭ rasijskich sieryjałach. Jana źjaviłasia ŭ trecim siezonie dramy «Składanyja padletki» (darečy, znoŭ u roli stryptyziorki), pryhodnickich sieryjałach «Zhraja» i «Čornaja viasna», a taksama ŭ dramie «Aktrysy». Ciapier u pracy jašče dva sieryjały z udziełam biełaruski — «Unutry zabojcy» i «Dajcie šou». Mierkavana jany vyjduć u 2024 hodzie. 

Fota: nastitasti / Instagram

U instahramie Nastaśsia na dziva niešmatsłoŭnaja — publikuje šmat prafiesijnych fota, ale nie imkniecca dzialicca asabistymi dumkami. Časam, adnak, jana moža napisać niešta nakštałt «Sens žyćcia — u žyćci, sens mianie — a voś ja pakul nie viedaju» abo padzialicca dumkami nakont pracy kałajdara: «Nu, cipa jak, stvaryć suśviet, ale nie dakładna».

«Naša Niva» — bastyjon biełaruščyny

PADTRYMAĆ

Bandy 90-ch. Jak vyhladali ŭdzielniki biełaruskich złačynnych hrupovak ŠMAT FOTA

Bitvy, seks i Baradzino. Raskazvajem, ci varta hladzieć novy «Napaleon»

Dziesiać novych sieryjałaŭ: voś što možna pahladzieć

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Pomocnyj /adkazać/
10.12.2023
Adkaz na prapanovu,pusť ukraina ostanoviť korrupciju i vorovstvo, a potom pohovorim pro pomoŝ.  
0
hierdzień /adkazać/
10.12.2023
mabyć krytykavać serył i jašče pry hetym pa-rasiejsku kryvadušna
2
Čeś/adkazać/
11.12.2023
Pomocnyj , niachaj Amieryka spynić linčavać svaich čornych- tady budziem kuplać ichnija dalary, prauda?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031