Znajści
Ałharytmičny łacinski varyjant
07.12.2023 / 17:201RusŁacBieł

ZŠA praciahnuli sankcyi suprać «Biełavija»

Biuro pramysłovaści i biaśpieki (BIS) Ministerstva handlu ZŠA praciahnuła abmiežavańni ŭ dačynieńni da biełaruskaj avijakampanii «Biełavija». Heta patłumačyli tym, što biełaruski pieravozčyk, «niahledziačy na zabaronu, usio jašče praciahvaje ekspłuatavać samaloty, vyrablenyja ŭ ZŠA abo z vykarystańniem miascovych kamplektujučych, na rejsach ź Biełarusi ŭ Rasiju, Turcyju, Jehipiet i AAE». Adpaviedny dakumient apublikavali na sajcie BIS.

Fota: Belavia

Pry hetym termin dziejańnia sankcyj pavialičyli. Hetym razam pytańnie adnosna ich źbirajucca pierahladać nie praz šeść miesiacaŭ, jak raniej, a praz hod, to-bok u śniežni 2024-ha.

Pra sankcyi suprać «Biełavija» amierykancy ŭpieršyniu abjavili ŭ červieni 2022 hoda. Ich patłumačyli «vykarystańniem vyrablenych u ZŠA samalotaŭ u abychod abmiežavańniaŭ, ustanoŭlenych na fonie vajennych dziejańniaŭ Rasii na terytoryi Ukrainy».

Z taho momantu «Biełavija» straciła mahčymaść atrymlivać dla svaich mašyn vytvorčaści kampanij Boeing i Embraer zapčastki, a taksama karystacca pasłuhami pa ramoncie i absłuhoŭvańni z užyvańniem amierykanskaha abstalavańnia.

Apošni raz pierad ciapierašnim rašeńniem sankcyi praciahvali ŭ červieni hetaha hoda.

Čytajcie taksama:

U biełaruskim Mintransie raskazali, čamu nie kuplajuć rasijskich samalotaŭ

Roźnica — da 2000 rubloŭ. Paraŭnoŭvajem ceny na pieraloty ź Minska i susiednich stalic

U Jeŭropie źbirajucca navieści paradak z pravozam ručnoj pakłažy ŭ samalotach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Symon/adkazać/
07.12.2023
U Rasiei kolkaść avijaincydentaŭ z-za niesvaječasovaj zamieny zapčastak chutka raście. Sumniajusia, što ŭ Biełavija situacyja lepš, prosta hebnia žorstka kantraluje, kab infarmacyja nie vyjšła. Ŭ lubym vypadku, latać rasiejskimi i biełaruskimi kampanijami ŭžo realna niebiaśpiečna.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera