Znajści
Ałharytmičny łacinski varyjant
07.12.2023 / 23:193RusŁacBieł

«Pahladzieŭ kartu pad svajoj lampaj mahičnaj i pažadaŭ ščaślivaj darohi». Ci sapraŭdy pamiežniki nie vypuskajuć ź Biełarusi, kali čałaviek nie paviedamiŭ pra zamiežny DNŽ?

U kancy listapada pačali raspaŭsiudžvacca čutki pra toje, jak hramadzianina Biełarusi nie vypuścili z krainy, bo jon nie mieŭ ni vizy, ni paviedamleńnia ź biełaruskaha adździeła pa hramadzianstvie i mihracyi ab tym, što apaviaściŭ ułady ab zamiežnym DNŽ. Kab paćvierdzić ci abvierhnuć hetuju infarmacyju, telehram-kanał biełaruskich ajcišnikaŭ za miažoj DzikPic raspytaŭ svaich čytačoŭ, jak jany prachodzili miažu z «utojenymi» ad dziaržavy DNŽ apošnim časam, piša Devby.io.

Pra samu situacyju ź nibyta zabaronaj na vyjezd raskazaŭ u tyktoku vizavy pasiarednik, ahienctva Tutvisa, a tyčyłasia jana nibyta ichniaha klijenta. Adnak apytańnie kanała DzikPic, na jakoje adhuknułasia ź dziasiatak čałaviek, infarmacyju nie paćvierdziła, bo ŭ anivodnym vypadku adsutnaść vizy dy najaŭnaść DNŽ biez apaviaščeńnia nie stała pryčynaj admovy ŭ vyjeździe ź Biełarusi.

  1. «Muž jechaŭ na minułym tydni ź Biełarusi praź litoŭskuju miažu, nijakich pytańniaŭ nie było. U jaho vizy daŭno niama, ale jość DNŽ, pra jaki jon nikoha nie apaviaščaŭ».

  2. «Z 2 na 3 śniežnia prachodzili polskuju miažu. U aŭtobusie było šmat ludziej z DNŽ, bolš za dziesiać dakładna. Ale ni ŭ kaho ničoha nie spytali, choć chvalavańni byli paśla naviny ŭ tyktoku. U nas z mužam nie było viz, u mianie naohuł pašpart bieź viz, tolki z adznakami ad minułych pierasiačeńniaŭ — nichto ničoha nie skazaŭ».

  3. «Ja vyjazdžaŭ u Polšču ź Biełarusi ŭ subotu, ani pra jaki DNŽ nikoha nie apaviaščaŭ. Pamiežnik tolki paprasiŭ kartu pobytu (viza praterminavanaja), daviedak nijakich nie prasiŭ. Pahladzieŭ kartu pad svajoj lampaj mahičnaj, niešta chutka nacisnuŭ u kampjutary (moža, čekboks jaki kłacnuŭ), pažadaŭ ščaślivaj darohi. Voś i ŭsio».

  4. «Vyjazdžała tydzień tamu, nijakich pytańniaŭ nie ŭźnikała, kartu pobytu ŭ minułym miesiacy atrymała».

  5. «Jeździła na tydzień u Biełaruś z Polščy, nie vyjazdžajučy datul bolš za hod. Vyjazdžała z DNŽ, jaki atrymała za dva tydni da pajezdki. Pytańniaŭ na miažy ni ŭ adzin, ni ŭ druhi bok nie zadavali».

  6. «Ja jeździła 20 listapada ŭ Biełaruś z Polščy i 1 śniežnia nazad, z polskim DNŽ bieź vizy. MUS pra najaŭnaść DNŽ ja nie apaviaščała. Usio było spakojna: ni ŭ kaho nie praviarali pryčyny pajezdki, choć u aŭtobusie było jašče niekalki čałaviek, jakija jeździli z DNŽ, i jany taksama paśpiachova prajšli miažu».

  7. «U Polščy my ad viasny 2022 hoda, u abaich DNŽ. 19 listapada vyjazdžali z žonkaj ź Biełarusi ŭ Polšču aŭtobusam. U žonki byŭ absalutna čysty pašpart (jeździli mianiać) — u vyniku vyjechali biez pytańniaŭ, u mianie taksama nie pytalisia pra vizu».

  8. «Žonka niadaŭna pryjechała ź Biełarusi ŭ Polšču. Usio cicha, biełarusy nie pytalisia navat pra kartu pobytu. Heta ŭžo palaki hladziać padstavy dla ŭjezdu».

Pavodle patrabavańniaŭ źmienienaha zakona ab hramadzianstvie, jaki nabyŭ moc 11 lipienia 2023 hoda, čałaviek musić paviedamić pra najaŭnaść u siabie zamiežnaha DNŽ, hramadzianstva ci karty palaka ciaham troch miesiacaŭ z času ich atrymańnia, a tyja, jakija atrymali raniej — ciaham troch miesiacaŭ ad ustupleńnia źmienienych normaŭ u siłu. 

Pakul što nijakaj adkaznaści za niepaviedamleńnie ab najaŭnaści dakumientaŭ, jak zapeŭniŭ dniami načalnik Departamienta pa hramadzianstvie i mihracyi MUS Alaksiej Biahun, nie praduhledžana, ale «heta pytańnie prapracoŭvajecca adpaviednymi orhanami».

Pavodle słoŭ hetaha čynoŭnika, na hety momant ułady nibyta atrymali ŭžo 58 tysiač takich paviedamleńniaŭ: 36,5 tysiač dasłali ŭ orhany ŭnutranych spraŭ i 22 tysiačy — u dyppradstaŭnictvy i konsulskija ŭstanovy. 

Čytajcie taksama:

Dazvoł na pastajannaje pražyvańnie za miažoj nie abaviazkovy, ale dla čaho jon? I što, kali nie afarmlać jaho? Tłumačyć adździeł mihracyi

Najaŭnaść u biełarusaŭ «karty palaka» ciapier nie buduć paznačać na vizie

Nijakich DNŽ u blizkich svajakoŭ i palihraf. Dla dypłamataŭ uviali novyja praviły pryjomu na słužbu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
4
Ха-ха
5
Ого
5
Сумна
1
Абуральна
12
2
Satan/adkazać/
07.12.2023
Kohda nikuda ničieho nie otpravlał, a prosto nie jezdiš v RB. A začiem mnie tuda? Mienia i zdieś niepłocho kormiat.
1
Vasia/adkazać/
07.12.2023
Treba razumieć, što u ahienctvie "Tutviza" zasieú pravakatar? Moža, lepiej heta ahienctva abychodzić bokam?
0
źbieh/adkazać/
08.12.2023
Štości ŭsio hładka pišuć. Mo durni paviaducca.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031