Znajści
Ałharytmičny łacinski varyjant
08.12.2023 / 14:44RusŁacBieł

Sabaka hulaŭ biez haspadyni i pakusaŭ dziaŭčynku. Sud prysudziŭ 7000 rubloŭ kampiensacyi

Z-za ŭkusaŭ sabaki dzicia atrymała traŭmy tvaru. Dziaŭčyncy spatrebiłasia lačeńnie ŭ balnicy i doŭhaje adnaŭleńnie. Ale z pamieram vypłaty kampiensacyi haspadynia žyvioły nie pahadziłasia.

Ilustracyjnaje fota Onliner.by

Usio adbyłosia viasnoj. Na vulicy dziaŭčynku ŭkusiŭ sabaka bujnoj parody — žyvioła była biez supravadžeńnia haspadyni, piša Onliner.by.

Z ranami na tvary dzicia dastavili ŭ balnicu. Tam dziaŭčyncy spatrebiłasia balučaje lačeńnie, pry hetym praces reabilitacyi byŭ pavolnym. Paśla vypiski joj taksama patrebnyja byli leki i kansultacyi daktaroŭ.

Z-za pieražytaha dzicia stała zamknionym i tryvožnym, źjavilisia prablemy sa snom. Na tvary dziaŭčynki zastalisia šnary.

Uletku sud Pružanskaha rajona pryciahnuŭ haspadyniu žyvioły da adkaznaści i pryznačyŭ štraf 15 bazavych vieličyń (555 rubloŭ). Taksama mama paciarpiełaj dziaŭčynki zajaviła ab kampiensacyi maralnaj škody 15 000 rubloŭ, ale pa rašeńni suda vypłata skłała 7000 rubloŭ. U rašeńni taksama skazana, što pryniata pad uvahu siamiejnaje stanovišča haspadyni sabaki — u žančyny troje dziaciej.

Ale z pamieram vypłaty ŭładalnica žyvioły nie pahadziłasia i padała apielacyju. Cud pakinuŭ rašeńnie bieź źmienaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031