Znajści
Ałharytmičny łacinski varyjant
09.12.2023 / 10:216RusŁacBieł

Vystup Azaranka i Sabalenka na Alimpijadzie-2024 pad pahrozaj: pavodle praviłaŭ alimpijskaha adboru jany ŭ Paryž nie traplajuć

Mienavita heta niejtralnaść, na asnovie jakoj biełarusaŭ i rasijan dapuściać da Alimpijady ŭ Paryžy, stanovicca barjeram u alimpijskaj kvalifikacyi.

Viktoryja Azaranka i Aryna Sabalenka. Kałaž z fota: Robert Prange i Andy Cheun / Getty Images

Viadučyja biełaruskija tenisistki, chutčej za ŭsio, nie zmohuć vystupić na Alimpijadzie ŭ Paryžy — navat niahledziačy na ​​dopusk MAK dla biełarusaŭ u jakaści niejtralnych atletaŭ.

Mienavita hetaja niejtralnaść stanovicca barjeram u alimpijskaj kvalifikacyi, zaćvierdžanaj Mižnarodnaj fiederacyjaj tenisa (ITF), piša Priessboł.

Zhodna z praviłami adboru na Hulni, asnoŭnym kryteryjem budzie suśvietny rejtynh ATP i WTA, apublikavany 10 červienia 2024 hoda. I tady 56 lepšych u mužčyn i žančyn zmohuć pačać pakavać valizki ŭ Paryž.

Z hetaj umovaj u Aryny Sabalenki (N 2) i Viktoryi Azaranki (N 22) prablem być nie pavinna, ale ŭ ich uźnikajuć vialikija prablemy z druhim alimpijskim kryteram.

U praviłach alimpijskaj kvalifikacyi dakładna skazana, što suiskalniki miescaŭ na Hulni pavinny pradstaŭlać mienavita krainu. Kab mieć prava vystupać na Alimpijadzie, tenisisty pavinny być minimum u dźviuch zajaŭkach na turniry Kubka Devisa abo Kubka Bili Džyn Kinh za svaje kamandy ŭ pramiežku pamiž Tokia-2021 i Paryžam-2024.

Pryčym adzin z hetych udziełaŭ abaviazkova pavinien vypadać na 2023 ci 2024 hady.

U Sabalenki i Azaranki takich vystupleńniaŭ u kamandnym farmacie pa zrazumiełaj pryčynie niama ŭvohule. U sakaviku 2022 hoda ITF adchiliła Biełaruś ad usich kamandnych farmataŭ pad svajoj ehidaj.

Takim čynam, kali Sabalenka i Azaranka chočuć patrapić u Paryž-2024, im zastajecca spadziavacca tolki na dźvie wild card, jakija ITF zvyčajna bieraže na kancoŭku adboru i rasparadžajecca imi pa svaim mierkavańni.

Jak praviła, adnu sa «svabodnych kart» ITF dajuć krainie-haspadyni Alimpijady, a druhuju reziervujuć za alimpijskaj čempijonkaj abo pieramožcaj turniru «Vialikaha šlema», jakaja pa tych ci inšych pryčynach nie zmahła kvalifikavacca na Hulni pa zaćvierdžanych kryteryjach.

Učora MAK dapuściŭ biełaruskich i rasijskich spartoŭcaŭ da Letniaj Alimpijady ŭ Paryžy ŭ 2024 hodzie ŭ niejtralnym statusie. Adnak kiraŭnik fiederacyi lohkaj atletyki zajaviŭ, što biełaruskija i rasijskija lohkaatlety nie buduć dapuščanyja da Alimpijady navat u niejtralnym statusie.

Viktoryja Azaranka na Alimpijadzie ŭ Łondanie ŭ 2012 hodzie stała alimpijskaj čempijonkaj razam z Maksimam Mirnym u mikście, a ŭ žanočym turniry zavajavała bronzu.

Čytajcie taksama:

Lohkaatletaŭ ź Biełarusi i Rasii na Alimpijadzie nie budzie — prezident World Athletics

MAK dapuściŭ biełaruskich i rasijskich spartoŭcaŭ da Alimpijady-2024

Zimovaj Alimpijady-2030 u Łatvii nie budzie. Mižnarodny alimpijski kamitet pačaŭ pieramovy z Francyjaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
kluška/adkazać/
09.12.2023
Ničevo strašnava, zato ŭ Aryny budziet uremia apiać prylacieć na šabaš da Łukašenki, pahulać ź im u chakiej, aprakinuć čarku ŭ Lebiažym, padpisać jašče adno piśmo za ivo.
0
KostikKolcov/adkazać/
09.12.2023
Žvir, idiot imienno ty, a oni-pro pravdu razumnoho bolšinstva.
6
Žvir/adkazać/
09.12.2023
KostikKolcov, kto-to profieśsionalno vodit trollejbus, kto-to virtuozno prišivajet puhovicy, kto-to samozabvienno krasit, inyje sosriedotočienno strohajut, filihranno krutiat šurupy, diemoničieski obučajut v škołach, niekotoryje uśpiešno zanimajutsia sportom, naprimier tieńnisom. Čto ž ich vsiech objediniajet ? Oni zanimajutsia svoim diełom i nikomu ničieho nie dołžny. Otviańtie užie so svoimi durackimi prietienzijami, bołvany, łučšie lišnij raz podmietitie pod dvieriami sobstviennych kvartir da ludiam pod nohi nie plujtie. No vy i na eto nie sposobny...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera