Znajści
Ałharytmičny łacinski varyjant
09.12.2023 / 10:352RusŁacBieł

Sud u Omsku aryštavaŭ na 53 dni biełarusa, jakoha abvinavačvajuć u terakcie na BAMie

Siarhiej Jeramiejeŭ pryznaŭ u sudzie, što chacieŭ paralizavać ruch na čyhuncy, kab pieraškodzić pieravozcy vajennych hruzaŭ.

Centralny rajonny sud Omska aryštavaŭ da 30 studzienia 2024 hoda hramadzianina Biełarusi Siarhieja Jeramiejeva, jaki abvinavačvajecca ŭ padryvie dvuch ciahnikoŭ na Bajkała-Amurskaj mahistrali (BAM) u Buracii, piša TASS.

«Abrać Jeramiejevu Siarhieju Viktaraviču (…) mieru strymańnia ŭ vyhladzie zaklučeńnia pad vartu na termin 1 miesiac 23 sutak, heta značyć da 30 studzienia 2024 hoda (…). Utrymlivać Jeramiejeva ŭ SIZA horada Omska», — skazaŭ sudździa Alaksiej Pališčuk.

Siarhiej Jeramiejeŭ pryznaŭ u sudzie, što chacieŭ paralizavać ruch na čyhuncy, kab pieraškodzić pieravozcy vajskovych hruzaŭ. «Ja napisaŭ u tłumačeńni, što praz BAM ciapier viazuć bojeprypasy <…>. Hałoŭnaja meta była — pieraškodzić ruchu», — skazaŭ abvinavačany.

Pa materyjałach spravy, Jeramiejeŭ — hramadzianin Biełarusi 1971 hoda naradžeńnia biez pastajannaha miesca rehistracyi ŭ RF, indyvidualny pradprymalnik, maje dvuch małych dziaciej, raniej nie sudzimy.

Paviedamlajecca, što jamu pieradali jamu nie mienš za siem nieŭstanoŭlenych vybuchovych pryład — vybuchoŭku jon atrymaŭ u Biełarusi i pravioz na Daloki Uschod. Za heta jon atrymaŭ hrašovuju ŭznaharodu.

U vyniku padryvaŭ 29 i 30 listapada dvuch ciahnikoŭ z naftapraduktami, jakija ruchalisia z Tajšetu ŭ Tyndu i Nierunhry pa Bajkała-Amurskaj mahistrali, adbyłosia ŭzharańnie cysternaŭ z haruča-zmazačnymi materyjałami, što časova błakavała ruch pa mahistrali. Paśla hetaha Jeramiejeŭ taksama atrymaŭ hrošy.

Byli raspačatyja dźvie kryminalnyja spravy. Jon daŭ pryznalnyja pakazańni nibyta ab pracy pad kantrolem ukrainskich śpiecsłužbaŭ. Vinu pryznaŭ.

Čytajcie taksama:

Za padryŭ ciahnikoŭ na BAMie zatrymany biełarus — FSB Rasii

«Heta mahnitnyja miny». Što raspavioŭ biełarus, zatrymany ŭ Rasii pa spravie terakta na BAMie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Vołat/adkazać/
09.12.2023
I nivodnaj navat zajavy ŭ padtrymku našaha ziemlaka ad Łatušak-Cichanoŭskich! Nie kažučy ŭžo pra toje, što nichto i nie dumaŭ inicyjavać razam z ukraincami praceduru abmienu našaha vajennapałonnaha na zachoplennych vajennych złačyncaŭ rasiei.
Napeŭna, "stratyhičny dyjaloh" niedzie ŭ Vašynhtonie važniej za losy našych hierojaŭ. Ćchu!
0
128/adkazać/
09.12.2023
Vołat, mutnaja istorija, vozmožno nikakoho ariestovannoho niet, jeśli nie nazvana familija, to nacionalnosť tožie vriad li by ukazali, tiem boleje biełorusa.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera