Znajści
Ałharytmičny łacinski varyjant
09.12.2023 / 12:591RusŁacBieł

U Biełastoku vynieśli prysud dziaŭčynie, jakaja źbiła na aŭtamabili biełaruskaha chłopčyka

Avaryja adbyłasia 17 studzienia 2023 hoda ŭ centry Biełastoka ŭviečary ŭ składanych umovach nadvorja.

Miša ŭ balnicy. Fota: instagram.com/abramenia_viktoryia/

22-hadovaja kiroŭca Toyota na piešachodnym pierachodzie źbiła šaścihadovaje dzicia, jakoje ź ciažkimi traŭmami trapiła ŭ balnicu, paviedamlaje Radyjo Biełastok.

Śviedčačy pierad sudom, dziaŭčyna patłumačyła, što było ciomna, ślizka, išoŭ doždž, a bačnaść uskładniałasia kaladnymi ŭpryhožvańniami.

Jana taksama skazała, što ź jaje punktu hledžańnia heta vyhladała tak, jak byccam chłopčyk trapiŭ źleva prosta pad koły mašyny.

Hetyja tłumačeńni nie pierakanali sud, jaki pryznaŭ jaje vinavataj u nienaŭmysnym parušeńni praviłaŭ biaśpieki darožnaha ruchu, u vyniku čaho jana pryčyniła ciažkija traŭmy chłopčyku, za što pryznačyŭ joj 10 miesiacaŭ pazbaŭleńnia voli ŭmoŭna z adterminoŭkaj na 2 hady, a taksama na try hady zabaraniŭ joj kiravać transpartnymi srodkami i abaviazaŭ vypłacić 5 tysiač złotych (1250 dalaraŭ).

Nahadajem, što paśla avaryi šaścihadovaha Mišu advieźli ŭ reanimacyju, dzie ŭviali ŭ štučnuju komu. Siamja sabrała na lačeńnie kraŭndfandynham 300 tysiač jeŭra. Adnak paśla vyśvietliłasia, što ŭ Mišy była karta palaka i jamu mahła być akazanaja biaspłatna ekstrannaja dapamoha. Siamja častku hrošaj pieraličyła na dabračynny zbor inšamu dziciaci.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Nara /adkazać/
09.12.2023
Nic tylko się cieszyć , że „sprawiedliwości stało się zadość”. Pozostaje tylko życzyć sędziom podobnych przeżyć jak i wyroków..
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera