Znajści
Ałharytmičny łacinski varyjant
11.12.2023 / 08:458RusŁacBieł

Novy prezident Arhienciny pačaŭ kiravańnie krainaj sa słovaŭ «Hrošaj niama»

Ekanamist Chaŭjer Milej, jaki pieramoh na prezidenckich vybarach u Arhiencinie i nazyvaje siabie anarcha-kapitalistam i libiertaryjancam, učora ŭstupiŭ na pasadu padčas cyrymonii inaŭhuracyi ŭ Buenas-Ajresie.

Chaŭjer Milej i jaho siabroŭka Facima Fłores pakidajuć Kałon-teatr paśla ŭračystaha pryniaćcia cyrymonii inaŭhuracyi. Fota: Matilde Campodonico / AP

U niadzielu ranicaj Milej byŭ pryviedzieny da prysiahi ŭ budynku Nacyjanalnaha kanhresa, i ŭžo eks-prezident Albierta Fiernandes uskłaŭ na jaho prezidenckuju stužku cieraź plačo. Niekatoryja z prysutnych zakanadaŭcaŭ skandavali słova «Svaboda!», piša Bi-bi-si.

Padčas pieradvybarčaj kampanii Milej abiacaŭ ačyścić palityčny isteblišmient ad karupcyi, likvidavać Centralny bank, jaki jon abvinavačvaŭ u drukavańni hrošaj i raździmańni inflacyi, i zamianić piesa dalaram ZŠA.

Adnak padčas inaŭhuracyjnaj pramovy Milej zajaviŭ, što krainu čakajuć žorstkija miery ekanomii.

«Na žal, ja pavinien vam znoŭ skazać: hrošaj niama. Hałoŭnaje — u zachadaŭ ekanomii niama alternatyvy i niama alternatyvy šokavaj terapii, — skazaŭ jon. — My viedajem, što ŭ karotkaj pierśpiektyvie situacyja pahoršycca. Ale potym my ŭbačym plon našych namahańniaŭ».

53-hadovuju zorku tyktoka, muzykanta, ekanamista i televiadučaha z uskudłačanymi vałasami i hustymi bakienbardami paraŭnoŭvali z byłymi prezidentami ZŠA i Brazilii — Donaldam Trampam i Žairam Bałsanaru adpaviedna. Takuju reputacyju jon zasłužyŭ svaim rezkim stylem i supiarečlivymi vykazvańniami.

Adnak padčas niadaŭniaha vizitu ŭ ZŠA Milej sustreŭsia nie z Trampam, a paabiedaŭ ź inšym eks-prezidentam — Biłam Klintanam, paśla čaho sustreŭsia z adnym z pamočnikaŭ Džo Bajdena ŭ pytańniach biaśpieki.

Mienavita abied z Klintanam, jaki amal pa ŭsich pytańniach znachodzicca na supraćlehłym ad Mileja baku palityčnaha śpiektru, staŭ hałoŭnaj niečakanaściu pieršaj zamiežnaj pajezdki novaabranaha prezidenta Arhienciny, jakaja adbyłasia jašče da jaho ŭstupleńnia na pasadu.

Ale paśla pieršaha tura prezidenckich vybaraŭ, na jakich jon zaniaŭ druhoje miesca, Milej niekalki «źmienšyŭ abaroty» i pastaraŭsia padnieści krainie vobraz niekalki bolš strymanaha palityka.

Ciapier, zrabiŭšy svoj vybar, arhiencincy, amal napeŭna, zadajucca pytańniem: jak mienavita budzie pavodzić siabie novy prezident.

Jaho ŭmieranaść moža tłumačycca prahmatyčnymi mierkavańniami, uličvajučy maštab vielizarnaj zadačy, jaho palityčnuju niespraktykavanaść i nieabchodnaść niejak supracoŭničać ź inšymi partyjami dla realizacyi svajoj prahramy ŭ Kanhresie, dzie jaho partyja znachodzicca ŭsiaho na trecim miescy pa kolkaści zajmanych miescaŭ.

Na inaŭhuracyi prysutničaŭ prezident Ukrainy Uładzimir Zialenski.

Chaŭjer Milej pieršym ukazam skaraciŭ kolkaść ministerstvaŭ z 18 da 9.

U krainie buduć dziejničać ministerstvy abarony, zamiežnych spraŭ, ekanomiki, unutranych spraŭ, biaśpieki, infrastruktury, justycyi, mižnarodnaha handlu i kultury, achovy zdaroŭja i čałaviečaha kapitału.

Čytajcie taksama:

Chaŭjer Milej prapanavaŭ Zialenskamu pravieści ŭ Arhiencinie kanfierencyju pa Ukrainie

Novy prezident Arhienciny choča vyjści z BRIKS, kudy kraina tolki što ŭstupiła

Zialenski ŭpieršyniu ź vizitam u Łacinskaj Amierycy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
hoblen/adkazać/
11.12.2023
Bdrynz, baby :)
1
Anfisa/adkazać/
12.12.2023
V kotoryj raz na tie žie hrabli.... Fłah v ruki.
0
U katory raz?/adkazać/
12.12.2023
Anfisa, navat cikava, u katory raz u suśvietnaj historyi libiertaryjaniec stanovicca prezidentam?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera