Znajści
Ałharytmičny łacinski varyjant
11.12.2023 / 13:105RusŁacBieł

Syny Hałoŭčanki i Valfoviča, dočki Sierhiejenki i Kačanavaj. Čym zajmajucca dzieci biełaruskich top-čynoŭnikaŭ

Biełaruskaja ŭładnaja viertykal dastatkova zakrytaja. U dziaržaŭnych ŚMI i aficyjnych krynicach redka možna znajści infarmacyju pra siemji čynoŭnikaŭ. «Svaboda» pahladzieła, što robiać dzieci niekatorych ź ich.

Syn Hałoŭčanki piša vieršy pa-biełarusku

U premjer-ministra Biełarusi dvoje dziaciej. Dačce Volzie ad druhoha šlubu ŭsiaho vosiem hadoŭ, jana školnica.

Ad pieršaha šlubu ŭ Hałoŭčanki syn Hieorhi. Ciapier jamu 28 hadoŭ. U sacyjalnych sietkach syn premjera padpisany pa-biełarusku «Hieorhij Jackoŭski». Pavodle źviestak BelPol, Jackoŭski — dziavočaje proźvišča jahonaj maci.

Paśla škoły Hieorhi Hałoŭčanka pastupiŭ u Maskoŭski dziaržaŭny techničny ŭniversystet imia Baŭmana na katedru kaśmičnych aparataŭ i rakietaŭ-nośbitaŭ. Skončyŭ VNU ŭ 2020 hodzie. Padčas vučoby padpracoŭvaŭ repetytaram u matematycy i fizycy.

Jak vynikaje z sacyjalnych sietak Hałoŭčanki-małodšaha, to jon praciahvaje žyć u Maskvie. Praŭda, zajmajecca zusim nie rakietami, a muzykaj. Hieorhi — basist u hurcie ETERNAL STASIS. Sam jon žartaŭliva nazyvaje hurt «VIA Viečny spakoj».

Hurt hraje ŭ styli, jaki nazyvajecca «Atmasferyk-błek-metał». Jon charaktaryzujecca marudnym tempam, hukami syntezatara, akustyčnymi ŭstaŭkami. U asnoŭnym hurt Hałoŭčanki-małodšaha śpiavaje na anhielskaj movie, ale jość i pieśni pa-rasiejsku.

Sam Hieorhi ŭ sacyjalnych sietkach časam pakidaje dopisy pa-biełarusku. Na jaho staroncy «ŬKantakcie» možna znajści biełaruskamoŭnyja vieršy, jakija jon piša sam.

Syn Valfoviča — najlepšy kamandzir mechanizavanych bryhad

U dziaržaŭnaha sakratara Savietu biaśpieki Alaksandra Valfoviča adzin syn Maksim. Jak i baćka, jon vyrašyŭ stać vajskoŭcam.

Maksim Valfovič

U 2020 hodzie kamandujučy vojskami Zachodniaha aperatyŭnaha kamandavańnia Viktar Hulevič u interviju hazecie rasiejskaha Ministerstva abarony «Krasnaja źviezda» raskazvaŭ:

«Hvardyi major Maksim Valfovič sioleta staŭ najlepšym kamandziram mechanizavanaha bataljonu našaj armii, paśla čaho pastupiŭ na fakultet Hieneralnaha štabu ŭzbrojenych siłaŭ. Atrymaŭšy novyja viedy, jon jak mocny praktyk najlepšym čynam budzie ŭžyvać ich u svajoj słužbovaj dziejnaści», — kazaŭ Hulevič.

U 2022 hodzie na telekanale STB była natatka pra toje, što Maksim Valfovič zakončyŭ fakultet Hieneralnaha štabu Vajskovaj akademii.

«Fakultet vychoŭvaje patryjotaŭ svajoj radzimy, jakija patrebnyja kožnaj dziaržavie», — kazaŭ Valfovič-małodšy.

Da pastupleńnia Maksim Valfovič uznačalvaŭ mechanizavany bataljon šostaj asobnaj hvardziejskaj bryhady, jakaja bazujecca ŭ Horadni. Maładoha majora nia raz chvalili ŭ dziaržaŭnaj presie.

Syn Tertela źjechaŭ u Maskvu

U kiraŭnika KDB Ivana Tertela taksama adzin syn, Mirasłaŭ. Viadoma, što jamu 30 hadoŭ.

Da apošniaha času Mirasłaŭ, jak i baćka, pracavaŭ u KDB. Byŭ supracoŭnikam upraŭleńnia ŭ Miensku i Mienskaj vobłaści. Byŭ prapisany ŭ Maładečnie.

Sioleta vialiki rozhałas mieła historyja, kali ŭ turystyčnuju pajezdku ŭ ZŠA źbirałasia žonka Mirasłava. Lizavieta Tertel pracavała ŭ Biełteleradyjokampanii «redaktaram adździełu kryminalnych navinaŭ ATN». Žančyna sprabavała atrymać vizu ŭ pasolstvie ZŠA ŭ Astanie.

Ciapier ža Mirasłaŭ Tertel pierajšoŭ na pracu ŭ MZS. Na hety momant jon słužyć druhim sakratarom ambasady Biełarusi ŭ Rasiei.

Syn Švieda taksama staŭ sudova-medyčnym ekspertam

U hieneralnaha prakurora, a taksama kiraŭnika «kamisii viartańnia» Andreja Švieda troje dziaciej. Synu Siamionu vosiem hadoŭ, dačce Maryi — dzieviatnaccać.

Starejšamu synu Kiryłu 29 hadoŭ. U 2016 hodzie jon skončyŭ jurydyčny fakultet BDU. Jahonaja dyplomnaja praca na katedry kryminalistyki nazyvałasia «Daktylaskapija: paniaćcie, pradmiet, mahčymaści».

Dyplomnuju pracu ŭ Švieda-małodšaha prymaŭ Alaksandar Hučok, jaki litaralna praz dva hady paśla taho byŭ pryznačany na pasadu staršyni Vyšejšaj atestacyjnaj kamisii.

Jak i baćka, pracavać Kiryła pajšoŭ u sudovuju ekspertyzu. Spačatku jon pracavaŭ načalnikam adździełu sudovaj ekspertyzy na vulicy Kižavatava ŭ Miensku. Potym staŭ starejšym sudova-medyčnym ekspertam u centralnym aparacie Kamitetu sudovych ekspertyzaŭ (hety kamitet uznačalvaŭ Andrej Švied da pryznačeńnia ŭ Hieneralnuju prakuraturu).

Akaŭnt «UKantakcie» Kiryła Švied zakryŭ. Raniej jon vykładaŭ tut šmat zdymkaŭ z padarožžaŭ pa Eŭropie.

Syn Kubrakova papracavaŭ u HUBAZiKu

U ministra ŭnutranych spravaŭ Ivana Kubrakova dačka i syn. Dačce Lizaviecie piatnaccać hadoŭ, jana školnica.

Uładzimier Kubrakoŭ

U interviju rasiejskamu ahienctvu «Sputnik» Kubrakoŭ raskazvaŭ, jak u žniŭni 2020 hodu prapanoŭvaŭ dačce supravadžać jaje ŭ škołu, ale taja admoviłasia. Navošta dziaŭčyncy treba było ŭ žniŭni ŭ škołu, ministar pramaŭčaŭ.

Starejšamu synu Ŭładzimieru 27 hadoŭ. I jon taksama milicyjant. I taksama zusim nie šarahovy. Na hety momant Uładzimier słužyć namieśnikam načalnika Centralnaha RUUS Miensku, načalnikam kryminalnaj milicyi.

Pavodle źviestak «Kiberpartyzanaŭ», Kubrakoŭ-małodšy pracavaŭ u HUBAZiKu staršym operupaŭnavažanym. Z aktualnych zdymkaŭ vynikaje, što Ŭładzimier ciapier maje zvańnie kapitana.

Dačka Sierhiejenki — aktyvistka BRSM

Hanna Sierhiejenka — dačka kiraŭnika administracyi prezydenta Ihara Sierhiejenki. Dziaŭčyna dva hady tamu skončyła škołu, a ciapier pastupiła na jurydyčny fakultet BDU. Ciapier jana druhakurśnica.

U kastryčniku 2022 hodu Hannu abrali kiraŭnicaj studenckaj rady jurfaku. Jana šmat fatahrafujecca z dekanam fakultetu, rektaram universytetu i inšymi haściami BDU.

U debatach na fakultecie dziaŭčyna vystupaje za toje, kab zachavać u krainie śmiarotnaje pakarańnie. Aktyŭničaje jana i ŭ BRSM, na svaim adzieńni jana nosić čyrvona-zialony ściažok.

Jak pisała «Naša Niva», u sacyjalnych sietkach Hanna vykładaje stories z naviedvańniem zapisaŭ pieradačy Hryhoryja Azaronka, była ŭdzielnicaj «respublikanskaha balu» ŭ pałacy Niezaležnaści. Lubić darahija restarany pobač z Drazdami.

Syn Snapkova pracuje namieśnikam źbiehłaha premjera Kirhizstana

U pieršaha vice-premjera Mikałaja Snapkova dva syny — Illa i Zachar. Pra małodšaha Zachara viadoma, što jašče z školnaj łavy jon samastojna vyvučaŭ kitajskuju movu. Ciapier na jaho staroncy ŭ Instagram napisana, što jon studentam universytetu Tunczi ŭ kitajskim Šanchai. Specyjalnaść — architektar.

Pra starejšaha syna Illu viadoma bolš. Raniej jon pracavaŭ hałoŭnym specyjalistam adździełu zakupak centru tyłavoha zabieśpiačeńnia MNS.

Potym Illa Snapkoŭ staŭ kamercyjnym dyrektaram Biełaruskaj nacyjanalnaj bijatechnalahičnaj karparacyi, što mieścicca pad Rudzienskam.

BNBK źviazvajuć z byłym eks-premjeram Kirhizstanu Danijaram Usienavym, jaki na radzimie byŭ asudžany da pažyćciovaha źniavoleńnia i ŭciok. Praŭda, u Biełarusi Usienaŭ byŭ viadomy pad inšym imiem — Daniił Urycki: ułady Kirhizstanu śćviardžali, što ŭ Biełarusi jamu vydali pašpart na novaje imia. Siarod namieśnikaŭ dyrektara BNBK była i viadomaja Nadzieja Katkaviec.

U Karajeva adzin syn karatyst, druhi pisaŭ biełaruskija pieśni

U pamočnika Łukašenki ŭ Horadzienskaj vobłaści, byłoha ministra ŭnutranych spravaŭ Juryja Karajeva dvoje synoŭ — Hierman i Aleh. Sam Karajeŭ kazaŭ, što «z peŭnych pryčynaŭ chłopcy słužyć nie mahli».

Starejšy syn Hierman pracuje zvyčajnym treneram karate ŭ klubie «Tasaj». Trenuje dziaciej. Staronka Hiermana ŭ instahramie śviedčyć, što jon maje šmat zadavalnieńnia ad svajoj pracy.

Małodšy syn Aleh vučyŭsia ŭ Kitai pa nakiravańni MUS. Kali viarnuŭsia z Padniabiesnaj, to staŭ pracavać u muzei ŭnutranych vojskaŭ MUS.

Cikava, što kaliści Aleh Karajeŭ sprabavaŭ siabie jak muzyka. Jon vystupaŭ pad tvorčym imiem Ahdam. Pisaŭ teksty piesień, u tym liku na biełaruskaj movie, pryčym taraškievicaj. U sacyjalnaj sietcy «ŬKantakcie» jašče možna znajści «Pieśniu raki», jakuju vykonvaje Karajeŭ-małodšy.

Syny Kałavura ŭ bankaŭskaj sfery

U kiraŭnika Nacyjanalnaha banku Paŭła Kałavura dvoje synoŭ. Starejšy Alaksiej siońnia niezaležny dyrektar u «Centry bankaŭskich technalohijaŭ». Na hetaj pasadzie mužčyna z 2022 hodu.

Raniej Alaksiej pracavaŭ u bankach — VTB i «Śbierbanku». Pieradapošnim miescam pracy była IT-kampanija EIS Ltd, tam Kałavur byŭ «pradukt-menedžaram».

Uładzimier Kałavur taksama źmianiŭ miesca pracy ŭ 2022 hodzie. Z banku BiełVEB, dzie Ŭładzimier byŭ vykanaŭčym dyrektaram, mužčyna pierajšoŭ u «Alfa-bank». Ciapier jon zajmajecca menedžarskaj pracaj u raźvićci banku.

U Juryja Nazarava dačka lekarka

U kiraŭnika spravami Łukašenki byłoha vice-premjera Juryja Nazarava adna dačka Viktoryja. Jana, jak i maci, skončyła medyčny ŭniversytet.

Ciapier Viktoryja pracuje anestezijolaham-reanimatolaham u RNPC dziciačaj chirurhii ŭ Miensku, joj 29 hadoŭ. Admietna, što svoj instahram jana apošnim časam pieravažna viadzie pa-biełarusku. Viktoryja šmat padarožničaje — jak pa Biełarusi, hetak i pa eŭrapiejskich i azijackich krainach. Pra palityčnyja padziei ŭ krainie nie vykazvajecca.

Dačka Chrenina pracuje ŭ banku

U ministra abarony Viktara Chrenina adna dačka Maryna. Joj 30 hadoŭ. Proźvišča pa mužu Čarniašova. Skončyła jurydyčny fakultet Horadzienskaha dziaržaŭnaha ŭniversytetu imia Janki Kupały. Ciapier pracuje ŭ adnym z adździaleńniaŭ «Biełarusbanku» ŭ Horadni.

Dočki Kačanavaj małapubličnyja

U śpikierki Savietu Respubliki Natalli Kačanavaj dźvie dački. Starejšaja Volha skončyła Mienski medyčny ŭniversytet. Potym viarnułasia ŭ rodny Navapołacak pracavać lekaram-pedyjatram u miascovaj radzilni, tam ža pracavaŭ i jaje muž. Apošnija hady pracuje ŭ minskim centry «Maci i dzicia» ŭ piedyjatryčnym adździaleńni dla navanarodžanych.

Małodšaja Alena skončyła historyka-filalahičny fakultet Połackaha dziaržaŭnaha ŭniversytetu, čym jana zajmałasia paśla, nieviadoma.

Čytajcie taksama:

«A što ty zrabiŭ dla Radzimy?» Dačka Ihara Sierhiejenki stanovicca publičnaj asobaj i chodzić u masoŭku da Azaronka

Dačka dyrektara «Linii Stalina» i ŭnučka zasnavalnika «Hardservisa» pierajechała ŭ Polšču. A voś na čym zarablaje ich siamja

«Atačyŭ siabie danosčykami». Raskazvajem pra dekana jurfaka BDU, sa studentam jakoha dvojčy zapisali videa ŭ duchu siłavikoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
očieriednoj kruh/adkazać/
11.12.2023
formirujetsia "zołotaja" łukašenkavskaja mołodiož... Prochodili užie eto v 70-chchch
0
Alejnik/adkazać/
11.12.2023
očieriednoj kruh, da....no eta mołolež u žie je navozna. Oni umiejut tolko krasť.
0
daviedka /adkazać/
12.12.2023
Do čieho tałantlivyj syn u ministra Kubrakova, čto včierašnieho staršieho lejtienanta užie v dvadcať siem let postavili srazu na połkovničju dołžnosť rukovodiť uhołovnym rozyskom, boŕboj s kibier- i ekonomičieskimi priestuplenijami, narkokontrolem i nravami... Chotia sam jeho papka sidieł by do samoj piensii v svojej oporkie učastkovym, kak jeho byvšije sosłuživcy, jeśli by kohda-to diemokratičieski izbrannyj Łukašienko nie riešił pierieviesti stranu na rielsy diktatury i okružiť siebia poleznymi idiotami.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera