Znajści
Ałharytmičny łacinski varyjant
12.12.2023 / 18:2039RusŁacBieł

Ukraina i Łukašenka damovilisia pa Pałku Kalinoŭskaha? Hipoteza Šrajbmana

U novym vypusku šou «Hadziničak cikaje» palityčny analityk Arciom Šrajbman razvažaje, čamu Połk Kalinoŭskaha nie zachodzić na terytoryju Biełarusi i čamu siłavoje vyrašeńnie biełaruskaha pytańnia źnikaje z dyskursu.

Łukašenka i Zialenski padčas sustrečy ŭ Žytomiry 4 kastryčnika 2019 hoda. Fota: Ukrainian Presidential Press Office via AP

Jak zaŭvažyŭ Šrajbman, Ukraina razhladaje Biełaruś jak suviarennuju dziaržavu. Pa jaho mierkavańni, razmovy pra toje, što naša kraina akupavanaja, nie majuć pad saboju nijakich padstavaŭ.

Šrajbman zhadvaje pra niadaŭnija słuchańni Kaardynacyjnaj rady pa palitźniavolenych, što adbylisia ŭ Varšavie. Na ich prysutničaŭ pradstaŭnik Pałka Kalinoŭskaha.

«Jon ahučvaŭ daŭniuju pazicyju pra toje, što Biełaruś de-fakta akupavanaja. Tamu da palitźniavolenych my pavinny padychodzić, jak da pałonnych. Voś jość pałonnyja ŭ našaha praciŭnika. Nam nieabchodny pałonnyja, kab ich mianiać. Jamu z zały zadali vielmi važkaje pytańnie: «Kali dla Pałka Kalinoŭskaha terytoryja Biełarusi akupavanaja, to čamu vam nichto nie dazvalaje tam pravodzić apieracyi, jak, naprykład, u Krymie?» Adkaz byŭ: «Biez kamientaroŭ».

Arciom Šrajbman vykazaŭ hipotezu, što Ukraina mahła damovicca z Łukašenkam adnosna Pałka Kalinoŭskaha. Skryn videa chasiki_ / YouTube

«U hetuju siekundu ty razumieješ zavieršanaść dyskursu pra akupavanuju Biełaruś. Kali b hetaja terytoryja była akupavanaj, to ŭ Pałka Kalinoŭskaha nie było b abmiežavańniaŭ», — miarkuje analityk.

Dla Ukrainy terytoryja Biełarusi zastajecca niedatykalnaj. I kali treba budzie dla narmalizacyi, to, jak ličyć Šrajbman, ukrainski bok «pryhłušyć publičnuju kamunikacyju, u tym liku i Pałka Kalinoŭskaha».

Na dumku Šrajbmana, usia palityčnaja identyčnaść Pałka Kalinoŭskaha i inšych dobraachvotnikaŭ spačatku hruntavałasia na takim mierkavańni. Ale pa vynikach kontrnastupu, kali «ŭkrainskaja pieramoha vidavočna syšła za haryzont», ideja pra toje, jak budzie vyrašacca biełaruskaje pytańnie siłaju, źnikaje z dyskursu.

Ukraina damoviłasia z Łukašenkam?

Šrajbman vykazvaje zdahadku: pytańnie pałka Kalinoŭskaha było abhavorana ŭkrainskim bokam z Łukašenkam.

Analityk tłumačyć: «Na heta pakazvaje, pa-pieršaje, toje, što kamunikataram z Łukašenkam z ukrainskaha boku źjaŭlajecca Hałoŭnaje ŭpraŭleńnie raźviedki. Pra heta havaryŭ Łukašenka. Na heta namiakaŭ sam kiraŭnik upraŭleńnia Budanaŭ. Mienavita heta viedamstva i kuryruje połk Kalinoŭskaha, jak i inšyja zamiežnyja padraździaleńni.

Było b zrazumieła, kab jany prahavaryli, što jość niejkija «čyrvonyja linii». «My jak by ź imi palityčna hulajemsia. Ale nie pieražyvajcie. My ich da miažy, umoŭna kažučy, nie padpuścim. Ni ŭ jakim razie nie damo im nikudy pajechać u pryvatnym paradku». I hetak dalej.

Ja ŭpeŭnieny, što heta prahavorvajecca. Inakš było b supierdziŭnym, kab viedamstva, jakoje ŭ vačach Łukašenki rychtuje biełaruskich bajevikoŭ, ź im pastajanna kamunikavała. Łukašenka sam havoryć, što Budanaŭ pavinien stać prezidentam».

Tamu, praciahvaje Šrajbman, kali śpikiery Pałka Kalinoŭskaha havorać pra pierśpiektyvy siłavoha vyzvaleńnia Biełarusi, to heta «vidavočnaja samadziejnaść».

«Upeŭnieny, što va Ukrainie, asabliva siarod kiraŭnictva, nichto nie sankcyjanavaŭ takija ambicyi», — dadaje Šrajbman.

Čytajcie jašče:

«Albo vialiki honar, albo vialikaja hańba». Što adbyvałasia na kanfierencyi pałka Kalinoŭskaha pa stratehijach vyzvaleńnia Biełarusi

Budanaŭ zaklikaŭ «addać naležnaje» Łukašenku

Šrajbman nazvaŭ asnoŭnyja pamyłki demakratyčnych sił Biełarusi

Arciom Šrajbman pierajšoŭ na biełaruskuju movu

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
35
Панылы сорам
18
Ха-ха
12
Ого
10
Сумна
20
Абуральна
69
0
Usio paniatna!/adkazać/
17.12.2023
Gorliwy Litwin, heta nie instrumient šantažu, a instrumient uzajemadziejańnia. Dziela minułych i budučych hiešeftaŭ. Źniščeńnie usiaho biełaruskaha, zabarona Vasila Bykava, aryšt rachunkaŭ biełaruskich patryjotaŭ, nievydača dakumientaŭ, niepryznańnie Cichanoŭskaj - heta ŭsio adna paśladoŭnaja "reałpalityka" na pierśpiektyvu: biełarusy - heta russkije so znakam kačiestva, zabirajcie ich ŭ Rasiju, tolki nas adpuścicie. Choć durniu zrazumieła - kali nie budzie mocnaha Bałtyjska-Čarnamorskaha Sajuzu, to nichto ŭ Jeŭropie nie budzie ŭ biaśpiecy.
0
Jaś/adkazać/
17.12.2023
Jaśka, ja ŭ nijakim razie nie krytykuju zmahańnie biełaruskich dabraachvotnikaŭ za Ŭkrainu. Biełarusy na nuli - heta sapraŭdnyja hieroi i honar Biełarusi. Ale ničoha nie zaminaje krytykavać nizkuju efiektyŭnaść ich vykarystańnia z boku ichnaha kamandavańnia, u t.ł. i ŭkrainskaha, a mienavita HUR MOU, kiraŭnik jakoha i bujny amatar samapijaru spadar Budanaŭ užo paśpieŭ admiecicca skandalnymi kamplimientami na adras łukašenki. Ŭ biełaruskich dabraachvotnikaŭ jość prykłady Svabodnaj Francyi i armii Andersa. I nažal, ni spadar Kabančuk, ni spadar Ščyhielski vidavočna nie ciahnuć na rolu de Hola, adnosiny jakoha z brytancami pad čas WW2 byli vielmi składanymi. Ja nia viedaju, ci ciahnie na de Hola Sachaščyk, ale pavodziny jaho našmat bolš padobnyja.
0
Janka/adkazać/
19.12.2023
babrujčanin , padobnyja damovy zaŭsiody zdiejśniajucca vusna, bo pravakujuć masavaje hramadskaje abureńnie, i nie isnuje arbitražu, jaki zdolny vyrašyć mahčymyja sprečki ŭ vypadku ich parušeńnia. Jany vykonvajucca roŭna da taho momantu, pakul baki ličać heta metazhodnym. Jakim čynam padćvierdžajucca paŭnamostvy asobaŭ, jakija udzielničajuć ŭ pieramovach - sprava druhasnaja. Ale publičny charaktar palityki ŭ demakratyčnych krainach vielmi abmiažoŭvaje ŭžyvańnie tajemnych damovaŭ. I naadvarot, dyktatarskija režymy robiać hety styl damoŭleńnia ledź nie hałoŭnym.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930