Znajści
Ałharytmičny łacinski varyjant
12.12.2023 / 16:29RusŁacBieł

«Iržavy most» u Minsku ŭsio ž taki ačyścili ad śniehu. Pytańnie, ci nadoŭha

Ranicaj 12 śniežnia ŭ Minsku ačyścili ad śniehu «Iržavy most» praź Śvisłač, paviedamili «Minsk-Naviny». Heta adbyłosia na nastupny dzień paśla taho, jak na situacyju ź im źviarnuli ŭvahu ŚMI.

Fota: Hardarbud

Na pradpryjemstvie «Haraŭtamost», jakoje absłuhoŭvaje abjekt, adznačyli, što prybirańnie było praviedziena «ŭ adpaviednaści z hrafikam».

«U nas na bałansie 109 mastoŭ i puciepravodaŭ, 45 tys. kv. m piešachodnaj i tratuarnaj častki… Heta vialikaja płošča, i jość čarhovaść prybirańnia. Zbudavańni ź vialikaj prachodnaściu prybiralščyki terytoryi čyściać u pieršuju čarhu, a zatym biarucca za mienš papularnyja abjekty», — prakamientavaŭ «Minsk-Navinam situacyju dyrektar pradpryjemstva Pavieł Važnik.

Fota: Hardarbud

Most ačyścili ad śniehu, pasypali supraćhałalodnymi reahientami, ale śnieh u Minsku praciahvaje iści, a data nastupnaha prybirańnia nie nazyvajecca.

«Iržavy most» — adzin z najnoŭšych mastoŭ Minska. Uźviadzieńnie mosta ad vulicy Zybickaj da byłoj Druhoj haradskoj balnicy było zapłanavana ŭ ramkach budaŭnictva hatela Hilton. Užo na etapie prajektavańnia da jaho prylapiłasia nazva «Ržavy», bo aharodža vykanana z kartenavaj stali, koler jakoj nahadvaje ržu.

Most atrymaŭsia davoli stromkim pa ŭzdymie, kab haradskija słužby mahli čyścić pojmu Śvisłačy i spakojna prapłyvać pad mostam. Adkryli jaho ŭ siaredzinie kastryčnika 2022 hoda, ale ŭžo litaralna praź niekalki dzion prachod pa moście pierakryli na čas budaŭniča-mantažnych rabot hatela pa susiedstvie. Potym most pracavaŭ jašče niejki čas, a ŭ lutym hetaha hoda na jaho znoŭ stała nielha zachodzić, i znoŭ z toj samaj pryčyny. Znoŭ jon adkryŭsia ŭ krasaviku 2023 hoda.

Kali most adkryvali, to abiacali, što ŭzimku jahonaha zamiatańnia śnieham nie zdarycca: maŭlaŭ, pakryćcio budzie abstalavanaje sistemaj suprać ślizhańnia i budzie navat z padahrevam.

Ciapier «Haraaŭtamost» zapeŭnivaje, što hetaja sistema sapraŭdy praduhledžanaja, ale zabudoŭščyk jašče nie pieradaŭ pradpryjemstvu, jakoje absłuhoŭvaje abjekt, kabielnuju liniju elektrazabieśpiačeńnia dla ŭklučeńnia «ciopłaj padłohi».

Pa słovach Paŭła Važnika, «ciapier hetyja pieraškody likvidujucca» i čakajecca, što sistema zapracuje da kanca hoda.

Čytajcie taksama:

Most cieraz Prypiać na darozie Kalinkavičy — Mazyr zakryjuć na dva hady

Architektary pakazali, jak budzie vyhladać most na bulvary Šaŭčenki ŭ Breście paśla rekanstrukcyi

Dva puciepravody na Daŭhabrodskaj i dva ŭ centry horada. Jakija masty ŭ Minsku čakaje ramont

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
4
Ха-ха
1
Ого
2
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930