Znajści
Ałharytmičny łacinski varyjant
27.12.2023 / 19:14RusŁacBieł

U Minsku adkryvajecca fotavystava, dzie pakazanyja biełaruskija litaratary na adpačynku

U Nacyjanalnym centry sučasnych mastactvaŭ 28 śniežnia adkryvajecca vystava «Mory realnyja i vydumanyja. Biełaruskija litaratary na vakacyjach».

Fota: ncsm.by/calendar

Nieparadnyja zdymki Edzi Ahniaćviet, Janki Bryla, Uładzimira Duboŭki, Uładzimira Karatkieviča, Jakuba Kołasa, Janki Kupały i Maksima Tanka ŭ časie letniaha adpačynku Centr sučasnych mastactvaŭ pazyčyŭ u fondach Biełaruskaha dziaržaŭnaha archiva-muzieja litaratury i mastactva.

Natchnialnymi dla arhanizataraŭ vystavy akazalisia słovy Maksima Tanka: 

«Čytaju bijahrafii našych kłasikaŭ. Mnohich ja znaŭ asabista. Jak ich zalizanyja i pryčasanyja partrety roźniacca ad tych, jakimi jany byli ŭ sapraŭdnaści ludźmi, u mieru śviatymi i ŭ mieru hrešnikami, a nie niejkimi maniekienami?».

«Kali ŭbačyć fota maładych Janki Bryla ŭ Nieapali ci Uładzimira Duboŭki i Janki Kupały na plažy ŭ Jałcie, ci heta pamianiaje ŭjaŭleńnie pra ich?» — zapytvajuć u svaju čarhu kuratary.

U naźvie vystavy zakładziena niekalki sensaŭ.

«Mora» biełarusa (mora realnaje — z «pacałunkami sałonaj marskoj vady» (Uładzimir Karatkievič) — ci vydumanaje, mietafaryčnaje — «zialonaje mora ržanych kałasoŭ» (Jakub Kołas) — heta mara ci ŭspamin pra leta, prastoru, zapoŭnienuju soncam i jarkimi kolerami, pryjemny adpačynak», — paviedamlaje anatacyja.

Adkryćcio vystavy adbudziecca 28 śniežnia ŭ 17:30 u budynku NCSM na Niakrasava, 3.

Čytajcie taksama:

Paet u hałubinym nimbie, jakoha pierakładała Hanna Achmatava

«Vyjšli strojnymi radami zaharełyja kascy. U kašulach jarka-biełych, u čyrvonych pajasach…». Vam jašče nie zachaciełasia pieračytać Piatra Hlebku?

«Nie viadziciesia na pavieŭnuju modu — padhladać za kłasikami ŭ zamočnuju adtulinu»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera