Znajści
Ałharytmičny łacinski varyjant
11.01.2024 / 14:291RusŁacBieł

Šmatpakutny «Mieha Park» u Minsku narešcie pradali

Siońnia ŭ Minskim haradskim centry nieruchomaści prajšoŭ aŭkcyjon, na jakim narešcie kupili amal dabudavany HRC «Mieha Park» na skryžavańni Kazimiraŭskaj i Kamiennahorskaj vulic. Pra heta Realt paviedamili krynicy na rynku kamiercyjnaj nieruchomaści. 

Fota: Realt.by

Historyja HRC «Mieha Park»

HRC pačali budavać pa inviestdamovie jašče ŭ 2012 hodzie i pieršapačatkova chacieli adkryć u 2017 hodzie. «Mieha Park» płanavaŭsia jak vialiki i sučasny kompleks ź ladovaj arenaj i kinateatram. Potym adkryćcio pieranieśli na 2020-y hod, ale tady jano znoŭ nie adbyłosia. Choć budynak praktyčna dabudavali, ale ŭ niejki momant pracy spynilisia i vonkava HRC nie mianiajecca ŭžo niekalki hadoŭ.

Zakazčykam budaŭnictva było TAA «Vinterainviest» z zamiežnym kapitałam. U Minharvykankamie potym raspaviali, što inviestar źbieh, i dabudoŭvać abjekt źbiraŭsia horad. Ale ŭ vyniku ŭłady vyrašyli vystavić jaho na aŭkcyjon.

Historyja prodažu

Pieršy aŭkcyjon pa prodažy kompleksu pavinien byŭ prajści 27 kastryčnika. Pačatkovy košt byŭ 121 073 360 rubloŭ (bolš za 37 miljona dalaraŭ). Ale achvotnych nie znajšłosia. Taksama nie adbyŭsia i aŭkcyjon 17 listapada.

Potym aŭkcyjon pa prodažy «Mieha Parku» byŭ pryznačany na 12 śniežnia. Pieršapačatkovaja cana była źnižana prykładna 50%. Jana składała 60,8 młn rubloŭ (kala 20 młn dalaraŭ). Ale i tut achvotnych nie znajšłosia.

Aŭkcyjon i pierśpiektyvy

U vyniku «Mieha Park» vystavili na siońniašni aŭkcyjon z dyskontam 80%. Pačatkovy byŭ košt 24,67 młn rubloŭ (blizu 7,7 młn dalaraŭ). Jak adznačali ekśpierty na rynku kamiercyjnaj nieruchomaści, z takim dyskontam kompleks całkam mohuć kupić. Tak jano i adbyłosia.

Jak stała viadoma Realt, na tarhi zajaviłasia niekalki ŭdzielnikaŭ. U vyniku cana vyrasła, ale nienašmat.

Darečy, sabiekošt «Mieha Parku» ŭ 2021 hodzie aceńvaŭsia bolš čym u 40 młn dalaraŭ. Na toj momant u HRC zastavałasia ŭkłaści jašče paru miljonaŭ dalaraŭ — i možna było adkryvacca. Ale ciapier ŭkłaści ŭ jaho treba bolš, bo jon niekalki hadoŭ stajaŭ biez aciapleńnia, plus niekatory čas da jaho byŭ adkryty dostup (a značyć, adtul niešta mahli skraści).

Što tyčycca pierśpiektyŭ hetaha HRC, to jany niadrennyja. Bo ŭ Minsku ciapier budujecca nie šmat handlovych centraŭ, a rynak handlovaj nieruchomaści adčuvaje siabie dobra, plus raście pakupnickaja aktyŭnaść.

Čytajcie taksama:

Stała viadoma, što budzie na miescy «Karony» na Instytucie kultury ŭ Minsku

Stała viadoma, dzie ŭ Minsku adkryjecca krama brenda «Łetual»

U Minsku adkryli Pieršy nacyjanalny handlovy dom. Na šopinh tudy pajechali Łukašenka z Kačanavaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
1
Ха-ха
1
Ого
0
Сумна
0
Абуральна
1
0
riełtor/adkazać/
11.01.2024
"Niepłochije pierśpiektivy..." Nu-nu... Jeŝio skažitie kakuju-nibud́ hłuposť.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930