Jakimi niezvyčajnymi i niestandartnymi imionami nazyvali dziaciej u Minsku ŭ minułym hodzie
Adnyja baćki addajuć pieravahu standartnym imionam, a voś inšyja nie bajacca ekśpierymientavać.
U stalicy nazirajecca cikavaja tendencyja pry vybary imionaŭ dla novanarodžanych. Tak, mnohija žychary horada zastajucca viernymi tradycyjam i addajuć pieravahu raspaŭsiudžanym imionam dla svaich dziaciej. Ale ŭ apošnija hady niamała mam i tat prajaŭlajuć kreatyŭnaść, niezvyčajna nazyvajučy synoŭ i dačok, — raskazała Minsk-navinam načalnik adździeła nataryjatu, ZAHSaŭ i licenzijataŭ ŭ śfiery jurydyčnych pasłuh Hałoŭnaha ŭpraŭleńnia justycyi Minharvykankama Julija Michałap.
— U 2023 hodzie byli zarehistravanyja Śviatahor, Uścin, Tamaš, Patap, Lavon, Jeramiej, Ahafja, Aksinija, Vasilisa, Iłaryja, Matrona, Łukieryja, Słaviana i nie tolki, — adznačyła Ju.Michałap.
— Dzieciam možna dać nie bolš za dva imieni, pry hetym pieršaje ź ich ličycca asnoŭnym. Naprykład, u minułym hodzie dziaŭčynak nazyvali Hanna-Maryja, Ahata-Alaksandra, Jeva-Jaŭhienija, Jeva-Kanstancyja, Jeŭdakija-Maryja, Iłaryja-Mirasłava. Chłopčykaŭ — Aleś-Jelisiej, Vadzim-Mir, Francysk-Iosif, Evan-Leon, Leŭ-Mikałaj, Leŭ-Teador.
Što tyčycca bolš raspaŭsiudžanych imionaŭ, to siarod žanočych na praciahu niekalkich hadoŭ lidzirujučuju pazicyju zajmaje imia Safija. Taksama papularnymi imionami stali Jeva, Hanna, Maryja i Alisa.
U 2023 hodzie chłopčykam časta davali imiony Michaił, Maćviej, Mark, Cimafiej i Raman.
Čytajcie taksama:
Nazvanyja samyja papularnyja imiony dzietak u Biełarusi za minuły hod
