HUBAZiK vykłaŭ videa z muzykami Nizkiz, pahražajuć piaćciu hadami
U telehram-kanale HUBAZiKa apublikavali videa z muzykami Nizkiz. Siłaviki zajavili, što im pahražaje da piaci hadoŭ kałonii.
Skrynšot ź videa
«My, hurt Nizkiz, vyjšli na vulicy dla ŭdziełu ŭ biesparadkach, śpiavali pieśni dla pratestoŭcaŭ, u tym liku dla «Biełsata». Ciapier my budziem śpiavać najbližejšyja piać hadoŭ u miescach pazbaŭleńnia voli», — takija słovy siłaviki ŭkłali ŭ vusny salistu hurta.
U čym mienavita abvinavačvajuć muzykaŭ i pa jakich artykułach, pakul nie kažuć, siłaviki tolki adznačajuć, što im pahražaje da piaci hadoŭ pazbaŭleńnia voli.
Pra zatrymańnie traich udzielnikaŭ hurta Nizkiz stała viadoma 6 studzienia. U Mahilovie byli zatrymanyja vakalist i aŭtar piesień Alaksandr Iljin, bas-hitaryst Siarhiej Kulša i bubnač Źmicier Chalaŭkin. Paźniej usich traich abvinavacili ŭ «raspaŭsiudzie, vyrabie, zachoŭvańni, pieravozcy infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść» (č. 2 art. 19.11 KaAP) i pryznačyli aryšt.
Čytajcie taksama:
U Mahilovie druhi raz zapar asudzili salista Nizkiz
Udzielnikaŭ hurta Nizkiz asudzili za raspaŭsiud «ekstremisckich» materyjałaŭ
Lavon Volski: Ja vydatna razumieju chłopcaŭ z Nizkiz, bo žyŭ takim žyćciom nie adzin hod
Što za hurt Nizkiz, jaki amal u poŭnym składzie zatrymali ŭ Mahilovie
