Znajści
Ałharytmičny łacinski varyjant
20.01.2024 / 10:159RusŁacBieł

Viadomaha budynka ŭ centry Minska bolš niama. Jaho źnieśli dziela mietro

Jašče ŭvosień minčuki źviarnuli ŭvahu, što na vulicy Maksima Bahdanoviča pierastaŭ pracavać supiermarkiet «Santa». Akazałasia, vialiki administracyjny budynak, u jakim byli ofisy i supiermarkiet, vyznačyli pad znos. Pryčyna — prakładka treciaj linii mietro.

Fota: Realt.by

Praca nad razboram budynka zakipieła ź pieršych rabočych dzion studzienia. Siońnia bolšaj častki doma ŭžo niama. Realt.by pahladzieŭ, jak znosiać znajomy mnohim bardovy budynak.

Kaliści hety budynak pa vulicy Viery Charužaj, 25/1 byŭ častkaj Minskaj meblevaj fabryki. U nulavych i dziasiatych hadach byłyja vytvorčyja pamiaškańni rekanstrujavali pad ofisy, a ŭ 2019-m hodzie na pieršym paviersie budynka adkryli kramu. Fłahmanski supiermarkiet «Santa» płoščaj kala 1000 kvadrataŭ prapracavaŭ čatyry hady. Akramia praduktovaj kramy ŭ budynku na skryžavańni dvuch transpartnych arteryj pracavali kafe, šaurma, nievialikija kramki i ofisy.

Fota: Realt.by

Nu, a z pačatkam 2024-ha historyja bardovaha doma padyšła da kanca. Pryčyna — pašyreńnie Zielenałužskaj linii mietro. Zhodna z płanami horadabudaŭnikoŭ stancyja «Kamaroŭskaja» raźmieścicca jakraz na skryžavańni vulic Viery Charužaj i Maksima Bahdanoviča.

Ciapier rabočyja ŭžo razabrali dźvie častki budynka. Paśla buduć demantavać pamiaškańni byłoha supiermarkieta.

Fota: Realt.by

Darečy, pad znos vyznačany tolki pieršy korpus pabudovy — kryło, jakoje znachodzicca bližej da vulicy Staravilenskaj, zastaniecca na svaim miescy. Darečy, padčas budaŭnictva pa rasčyščanaj terytoryi projdzie abjaznaja daroha.

Ułasna budaŭnictva mietro pačniecca ŭžo viasnoj hetaha hoda. Ciapier na druhim učastku treciaj linii viaducca raboty pa pierakładcy inžyniernych kamunikacyj, a da asnoŭnaha etapu budaŭnictva ad stancyi «Jubilejnaja» da «Parku Družby narodaŭ» pačnuć u mai. Usiaho mietrabudaŭcam treba budzie prakłaści kala dzieviaci kiłamietraŭ tunelaŭ u dvuch napramkach.

Fota: Realt.by

Dla prakładki treciaj linii mietro pad ekskavatar u 2023-m hodzie pajšoŭ budynak «Pryjorbanka» i trochpaviarchovaha žyłoha doma na vulicy Mašerava.

Fota: Realt.by

Čytajcie taksama:

Minski mietrapaliten pakazaŭ, jak budzie vyhladać stancyja «Piarespa»

U Minsku znosiać adzin z ofisaŭ Pryjorbanka, na jaho miescy budzie novaja stancyja mietro

Novyja stancyi minskaha mietro pačnuć budavać u traŭni 2024 hoda

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
9
Ха-ха
3
Ого
6
Сумна
12
Абуральна
20
20.01.2024
Ihar'ok ,

niešta ŭ mianie kartka vaša (tipa mir) u bankamiot vašy nie ustaulajecca 

nu mabyć ja tupaja i ručki ŭ mianie kryvyja
4
Babarikaniec/adkazać/
21.01.2024
Ihar, kto takoj Boboriko? On užie davno pokojnik
1
Urodu/adkazać/
22.01.2024
Babarikaniec, eth Čiełoviek, kotoryj pokazał vsiemu miru, čto v Biełarusi nacizm.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930