Znajści
Ałharytmičny łacinski varyjant
25.02.2024 / 14:1719RusŁacBieł

Sa studentki ŭ Sieule ŭ mamu ŭ Minsku. Jak dziaŭčyna adna haduje dačku ad karejca

Biełaruska Jana kaliści palacieła vučycca ŭ Paŭdniovuju Kareju i zaciažaryła. Kachany skazaŭ, što nie hatovy budavać siamju, tamu studentka viarnułasia ŭ Biełaruś. A ciapier ščyra raspaviadaje ŭ tyktoku pra toje, jak hadavać dačku z karejskaj źniešnaściu ŭ Minsku. Na jaje błoh padpisana 20 tysiač čałaviek.

Skrynšot videa ŭ instahramie babyliaamg

Voś čym dziaŭčyna dzielicca ŭ błohu.

Janie było 20 hadoŭ, kali jana pa prahramie abmienu vučyłasia va ŭniviersitecie ŭ Paŭdniovaj Karei. Kali błohierka daviedałasia pra ciažarnaść, to była ŭ šoku, ale vyrašyła naradžać. Pieršy trymiestr ciažarnaści dziaŭčyna praviała za miažoj, tamu moža paraŭnać miedycynskuju sistemu tam i na radzimie.

@babyliaamg Čto vy dumajetie nasčiet rańniej bieriemiennosti? Nie zabud́ podpisaťsia, čtoby nie propustiť śledujuŝije vidieo♥️ #otnošienijaskoriejciem#žizńvkorieje#vośpitarijeriebienka#matierinstvo#vośpitanijedietiej#matierinstvotiktok#maťodinočka♬ My Love Mine All Mine - Mitski

— Tata dački zapisaŭ mianie ŭ śpiecyjalnuju balnicu, dzie razmaŭlajuć na anhlijskaj movie — tudy chodziać zamiežniki, — dzielicca jana ŭ tyktoku. — U zaležnaści ad rajona, dzie vy žyviacie, urad daje peŭnuju sumu na viadzieńnie ciažarnaści tam. Dzie bolš dziaciej, naprykład, u Sieule, heta prykładna 750 dalaraŭ. U tych rajonach, dzie vielmi mała dziaciej, mohuć davać u dva razy bolš. I kali heta druhoje ci treciaje dzicia, to suma taksama pavialičvajecca. U mianie strachoŭka pakryvała amal usie vydatki. Ale byŭ niuans. Ty prychodziš da doktara raz na tydzień, raz na dva tydni, i amal kožny raz pryznačajuć UHD. Dla paraŭnańnia: u Biełarusi heta robiać usiaho try razy za ŭsiu ciažarnaść.

Jana sumniavajecca, što ŭ takim častym praviadzieńni UHD byŭ sens. I dumaje, što pytańnie ŭ tym, što strachoŭka pakryvaje tolki adno UHD u trymiestr, a za astatnija ty pavinna płacić sama.

— Balnica tam była na niejkim nierealnym uzroŭni. Heta nielha paraŭnać navat z pryvatnymi miedycynskimi centrami ŭ nas u Biełarusi. Tam było nastolki kamfortna… Vy možacie sabie ŭjavić, što pryjom u hiniekołaha realna kamfortny, biez stresu? Ciabie nakryvajuć pledzikam, 100 razoŭ pytajucca, ci ŭsio dobra.

@babyliaamg

Podpisyvajsia, na mojej stranicie pro Korieju i komfortnoje matierinstvo♥️

♬ original sound - Jana i Lija koriejanka

Ale navat i ŭ supiersučasnaj Karei nie abyšłosia bieź niepryjemnych vypadkaŭ. Jana raskazvaje padpisčykam, što adrazu pačała aktyŭna nabirać vahu z-za asablivaściaŭ arhanizma, choć zvyčajna ŭ pieršy trymiestr płod maleńki i asablivaj prybaŭki vahi ŭ mamy niama. Błohierka pačuła ad doktarki: «Vybačajcie, a vy nie mahli b mienš jeści?»

Darečy, z racyjonam u Karei ŭ Jany byli prablemy i da ciažarnaści. Bolšaść straŭ miascovaj kuchni zdavalisia joj zanadta vostrymi. Dziaŭčyna amal ničoha nie mahła jeści, akramia barbiekiu. Tamu jana razam ź inšymi studentami lubiła chadzić u restaran, dzie jość fiksavanaja płata, ale ty možaš brać miasa, kolki chočaš.

— Jašče ja jeła šmat ramenaŭ i kimpabaŭ, tamu što ŭ internacie niama kuchni — jość tolki mikrachvaloŭka i ty nie možaš niešta pryhatavać. Tamu da ciažarnaści moj racyjon vyhladaŭ prykładna tak. Zranku ja išła ŭ adno i toje ž miesca i nabyvała tam kavu i mafin. Abiedać išła ŭ «Makdonalds» i kuplała sabie čyzburhiery — heta było samaje rodnaje, što možna było znajści.

Pad čas ciažarnaści Jana pačała kuplać sadavinu i aharodninu, a jašče znajšła italjanski restaran i chadziła tolki tudy, bo bolš nidzie nie mahła adšukać zvykłaj ježy.

Naradziła dačku błohierka ŭžo ŭ Biełarusi. Dziaŭčynka atrymała pryhožaje i niezvyčajnaje imia — Lija. Jana adrazu razumieła: dla dziaŭčynki, jakaja budzie napałovu karejankaj, zvyčajnaje imia — naprykład, Maša — nie padydzie.

— U dziacinstvie ja vielmi lubiła čytać knižki i pisać apaviadańni. I adnojčy mnie treba było prydumać imia dla majoj hałoŭnaj hieraini. Ja adkryła zbornik ź imionami i stała šukać. Mnie ničoha nie padabałasia. I raptam ja ŭbačyła imia Lija. Ja była ŭražana. Dumała: «Boža, heta tak pryhoža, ja nikoli takoha nie bačyła». Kali daviedałasia, što ciažarnaja, to vielmi chacieła dziaŭčynku. I adrazu ž stała vybirać imia dla dački. U mianie byli nastupnyja varyjanty: Mija, Łana (tamu, što mnie padabajecca Łana Del Rej), Lija i Macilda (ja tady pierahledzieła film pra paluboŭnicu Mikałaja II). Spyniłasia na Lii, jak na samym dalikatnym i pryhožym dla mianie imia, — raskazvała dziaŭčyna ŭ tyktoku.

@babyliaamg Podpisyvajsia, na mojej stranicie o tom, kak ja vośpityvaju svoju koriejskuju dočku ♥️ #žizńvkorieje#kpop#dorama♬ original sound - Jana i Lija koriejanka

Błohierka była ŭpeŭniena, što kali tata-zamiežnik, to možna budzie zarehistravać dzicia bieź imia pa baćku. Ale ŭ ZAHSie niečakana vyśvietliłasia, što heta niemahčyma. Tamu pryjšłosia chucieńka prydumlać, jak zrabić z karejskaha imia, jakoje dla biełarusaŭ hučyć dziŭna, imia pa baćku. U vyniku atrymałasia Lija Hiunaŭna.

— Ironija ŭ tym, što ja ŭ toj momant drenna viedała karejskuju movu — tamu atrymałasia niešta vielmi dalokaje ad realnaści.

Ad samaha naradžeńnia Jana razmaŭlaje z dačkoj vyklučna na anhlijskaj movie. Pryčyna była adna: kab Lija zmahła razmaŭlać sa svaim tatam-karejcam, kali b toj zachacieŭ ź joj paznajomicca. Rodnyja i siabry Jany razmaŭlajuć ź Lijaj na ruskaj, tamu dziaŭčynka razumieje abiedźvie movy.

Na žal, baćka Lii nie prymaje ŭdziełu ŭ žyćci dački. Jaho baćki taksama nie sprabavali źviazacca z maci svajoj unučki, dzielicca Jana ŭ tyktoku.

— Mahčyma, jany navat nie viedajuć pra jaje isnavańnie. A navat kali viedajuć, to nie prajaŭlajuć nijakaj cikavaści. U karejskim hramadstvie vielmi sočać za svaim honaram, vielmi bajacca asudžeńnia z boku hramadstva. Tamu, što karejskaja babula i dziadula dumajuć na hety kont, my chutčej za ŭsio nikoli navat nie daviedajemsia.

@babyliaamg

Koročie hovoria nikak

♬ Fireplace - Official Sound Studio

Błohierka sprabuje znajomić dačku z karejskaj kulturaj (nakolki heta mahčyma ŭ Minsku). Naprykład, vodzić u karejski restaran, kab taja pakaštavała nacyjanalnyja stravy svajoj druhoj radzimy. Jana sa škadavańniem adznačaje, što ŭ Biełarusi karejskaja kuchni vielmi dalokaja ad aŭtentyčnaj. Doma błohierka taksama sprabuje hatavać niešta karejskaje. Dziaŭčyna hladzić razam ź Lijaj daramy i k-pop klipy. A taksama adznačaje, što šmat pracuje, kab zvazić dačku ŭ Kareju.

Kamientatary davoli časta pytajucca, čamu Jana nie zastałasia ŭ Karei. Pryčyny ŭ hetaha prazaičnyja: zakančvałasia vučebnaja viza (a tata dziciaci ničoha nie rabiŭ, kab niejak vyrašyć pytańnie), treba było viartacca na zaniatki ŭ biełaruskaje VNU… Plus da taho ŭ Biełarusi ŭ baćkoŭ Jany davoli vialiki dom. Hadavać dzicia našmat lahčej, kali maješ dapamohu, a hałava nie balić ab tym, jak apłacić arendnuju kvateru.

@babyliaamg

Sohłasny so mnoj?

♬ original sound - Jana i Lija koriejanka

Akramia hetaha błohierka śćviardžaje, što ŭ lubym vypadku nie chacieła b, kab Lija rasła ŭ Karei.

— Pieršaja pryčyna — heta sistema adukacyi. U Karei vielmi vysokaja kankurencyja, dziaciej uvieś čas paraŭnoŭvajuć, u škołach žorstkaja sistema rejtynhaŭ. Druhaja — tam jana zaŭsiody budzie čužoj. Niahledziačy na toje, što jana napałovu karejanka, jaje b usiudy ŭsprymali jak inšaziemku. A ŭ škole mahli b dražnić i śmiajacca, — dzielicca błohierka ŭ tyktoku.

Jašče Janie nie padabajecca toje, što ŭ Karei nierealistyčnyja standarty pryhažości. Ź junaha ŭzrostu karejcy sprabujuć zrabić skuru bolš biełaj, pastajanna chudniejuć, robiać roznyja płastyčnyja apieracyi, što niehatyŭna ŭpłyvaje na psichiku padletkaŭ.

Čytajcie taksama:

Prymać duš treba, siedziačy na ŭnitazie, a hiniekołah prapanuje ŭkałoć botaks. Biełarusku ździŭlaje žyćcio ŭ Paŭdniovaj Karei

«Pakaštavaŭ biełaruski ramen — makarona ŭ mačy». Japoniec u Minsku viadzie dziŭny tyktok

Svaja domrabotnica i napoj dla patencyi z sakretnaha sortu bulby: biełaruskaja doktarka raspaviadaje pra žyćcio ŭ Afrycy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
17
Панылы сорам
20
Ха-ха
2
Ого
1
Сумна
12
Абуральна
3
5
Vład/adkazać/
25.02.2024
Bakłan, Tak a nafih ta mova nužna? Priestižnaja i vysokoopłačivajemaja rabota tolko s anhlijskim!
1
hbłn/adkazać/
25.02.2024
Vład, a čto, vsio svodico k rabotie? Konkrietiziruju vopros: a čto, vsio svodico k babkam? Nu, ludi raznyje! Kto-to mnohostorońnie raźvit i u nieho raźvityje potriebnosti i intieriesy. A kto-to primitivien, kak nasiekomoje! Komu i kobyła nieviesta! Piramida Masłou, opiať žieš
2
hbłn/adkazać/
25.02.2024
Vład, a nafiha, diejstvitielno, ludi mojut ruki pośle tualeta? Vied́ tak sytnieje! A nafiha ludi nie smorkajuco v zanavieski? 😂🤣🤣 Nieužieli, urovień raźvitija raznyj? Suk, nie možiet byť!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930