Znajści
Ałharytmičny łacinski varyjant
10.02.2024 / 17:19RusŁacBieł

Na čempijanacie śvietu z vyški skoknuŭ u vadu 100-hadovy spartsmien 

U čempijanacie śvietu pa vodnych vidach sportu, jaki ciapier prachodzić u katarskaj Dosie, uziaŭ udzieł unikalny skakun u vadu. Iraniec Tahi Askary pad apładysmienty trybun adpraviŭsia ŭ palot u basiejn z vyški. A niezvyčajnaść u tym, što niadaŭna hety spartsmien adznačyŭ stohadovy jubilej, piša «Sport-ekspriess».

Fota: tehrantimes.com

Tahi Askary debiutavaŭ na mižnarodnych spabornictvach u dalokim 1951 hodzie ŭ Deli. Na pieršych Azijackich hulniach, jakija prajšli tady ŭ Indyi, jon zavajavaŭ bronzavy miedal na trochmietrovym tramplinie i srebra na 10-mietrovaj vyšcy.

Fota: FINA

Pavodle pryznańni vieterana, skački ŭ vadu byli dla jaho lubimym zaniatkam ź junaha ŭzrostu. Dziakujučy im jon atrymaŭ mahčymaść zarablać i dapamahać siamji, ubačyć śviet. Spartyŭnuju karjeru Tahi Askary zaviaršyŭ u 41 hod, čarhovy raz zavajavaŭšy tady załaty miedal čempijanatu Irana.

Fota: FINA

U 1974 hodzie pierad Azijackimi hulniami ŭ Tehieranie 50-hadovy vieteran vyrašyŭ viarnucca ŭ basiejn. Jon prystupiŭ da trenirovak, spadziejučysia vystupić na chatnim turniry. Ale jahonaja mara zastałasia niaździejśnienaj. Askary ŭbačyŭ vystupy kitajskich skakunoŭ i vyrašyŭ admovicca ad svajoj zadumy, bo nie chacieŭ prajhravać na radzimie.

Fota FINA

V voś praz 50 hadoŭ Tahi Askary ŭsio ž uziaŭ udzieł u bujnym mižnarodnym turniry. Na čempijanat śvietu pa vodnych vidach sportu ŭ Dosie jaho zaprasili ŭ jakaści hanarovaha hościa. Adnak takaja rola nie vielmi spadabałasia vieteranu, tamu jon vyrašyŭ pakazać kłas. Pad burnyja apładysmienty Tahi Askary nyrnuŭ ź mietrovaj vyški ŭ basiejn.

Bały jamu, viadoma, nie naličvalisia, vieteran sportu vystupaŭ pa-za konkursam. Ale paśla svajho vystupleńnia samy ŭzrostavy ŭdzielnik čempijanatu śvietu pa vodnych vidach sportu atrymaŭ u padarunak sapraŭdny załaty miedal spabornictvaŭ i niečakana dla ŭsich raspłakaŭsia na pjedestale.

Čytajcie taksama:

Pamierła najstarejšaja vučanica ŭ śviecie. Joj było 100 hadoŭ, i jana naviedvała ŭroki fizkultury

Dažyć da 120 moža stać mahčymaj pierśpiektyvaj

Doŭhažychary ŭ jasnym rozumie. Voś chto moža viedać sakret baraćby z chvarobaj Alchiejmiera

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
21
Панылы сорам
0
Ха-ха
0
Ого
1
Сумна
1
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930