Jaki rejtynh davieru va Ukrainie ŭ Syrskaha, a jaki ŭ Załužnaha — vyniki apytańnia
Pa stanie na luty 2024 hoda hałoŭnakamandujučamu Uzbrojenych sił Alaksandru Syrskamu vykazali davier 40% ukraincaŭ. Jaho papiarednik Valeryj Załužny zachoŭvaje samy vysoki davier u krainie — 94%. Takija vyniki dało apytańnie Kijeŭskaha mižnarodnaha instytuta sacyjałohii 5-10 lutaha 2024 hoda.
Pa danych apytańnia, Syrskamu daviarajuć 40%, nie daviarajuć — 21%, a 4% majuć niavyznačanyja adnosiny.
Sacyjołahi pry hetym ukazvajuć, što ŭ śniežni i lutym 48% i 35% respandentaŭ ź liku apytanych nie viedali ničoha pra Syrskaha. A siarod tych, chto viedaŭ pra jaho, davier da hałoŭnakamandujučaha vyšejšy.
Najbolš za ŭsich ukraincy daviarajuć byłomu hałoŭnakamandujučamu Valeryju Załužnamu — 94%, nie daviarajuć jamu tolki 5%.
Siarod vajennaha kiraŭnictva ŭzros davier da kiraŭnika HUR Kiryły Budanava, z 60% u śniežni 2023 hoda da 66% u lutym. Nie daviarajuć jamu 19% ź liku apytanych.
874 intervju byli praviedzieny da 8 lutaha ŭklučna, heta značyć da adstaŭki Valeryja Załužnaha. Astatnija 328 intervju byli praviedzieny paśla adstaŭki — 9 i 10 lutaha.
Apytańnie taksama pakazała, što va Ukrainie ŭpieršyniu stała bolš tych, chto ličyć, što kraina ruchajecca ŭ niapravilnym kirunku. 46% u lutym 2024 hoda ličyli napramak ruchu niapravilnym, 44% — pravilnym.
Čytajcie taksama:
«My nie možam sabie dazvolić «miasnych šturmaŭ» — Alaksandr Syrski
Alaksandr Syrski raskazaŭ, za košt čaho źbirajecca pieramahać u vajnie
Zialenski prysvoiŭ Załužnamu zvańnie Hieroja Ukrainy
«Zvalnieńnie Załužnaha aznačaje novy etap u vajnie, Zialenski ryzykuje pamylicca» — The Economist
