U Słucku vypravili pamyłku na pamiatnym kamieni ŭ honar piśmieńnika Vasila Vitki
Kamień byŭ pastaŭleny ŭ žniŭni 2023 hoda ŭ novym rajonie horada, na čornaj šyldzie — podpis «Vasi Vitka», bieź litary «ł», piša telehram-kanał «Spadčyna».
Adkaz Słuckaha rajvykankama
Darečy, spačatku ŭ rajvykankamie kazali, što ŭsio pravilna, maŭlaŭ, heta prosta ŭ Vitki podpis byŭ taki.
Marmurovaja šylda na pamiatnym znaku. Fota: «Słucki kraj»
Paśla akazałasia, što tekst nabrany standartnym šryftam Mistral, jaki imituje rukapisny tekst i nijakaha dačynieńnia da podpisu piśmieńnika nie maje.
Sapraŭdny podpis Vasila Vitki (1964 h.) i «podpis» z pamyłkaj na pamiatnym znaku, nabrany šryftam Mistral
Vasil Vitka, sapraŭdnaje imia Cimoch Vasilevič Kryśko (1911 — 1996) — biełaruski paet, pierakładčyk, publicyst, prazaik, litaraturny krytyk, dramaturh, piedahoh, kłasik biełaruskaj dziciačaj litaratury.
Łaŭreat Dziaržaŭnaj premii BSSR (1972) za knihi «Biełaruskaja kałychanka», «Kazki» i «Čytanka-malavanka». U 1978 hodzie ŭznaharodžany dypłomam Mižnarodnaha žury pa premijach Chansa Kryścijana Andersena (1978) z zaniasieńniem proźvišča piśmieńnika ŭ Hanarovy śpis dackaha kazačnika.
Čytajcie taksama:
U Słucku pastavili pamiatny znak z pamyłkaj u imieni piśmieńnika, ale čynoŭniki jaje nie pryznajuć
