Znajści
Ałharytmičny łacinski varyjant
21.02.2024 / 01:37RusŁacBieł

Va Ukrainu praz terytoryju Biełarusi viarnuli 11 dziaciej

20 lutaha va Ukrainu z Rasii i časova akupavanych terytoryj udałosia viarnuć 11 ukrainskich dziaciej. Pra heta paviedamiŭ ambudsmien Ukrainy Dźmitryj Łubiniec.

Fota: Ofis ambudsmiena Ukrainy

Pavodle słoŭ Łubinca, viarnuć udałosia šaściarych dziaŭčynak, siarod jakich dźvie rodnyja dvuchhadovyja siastryčki-dvajniatki, i piaciarych chłopčykaŭ. Samamu maleńkamu viernutamu dziciaci — 2 hady, samamu starejšamu — 16 hadoŭ.

«Dvuch dzietak sustrakali z karetaj chutkaj dapamohi, pakolki adno dziciatka zusim nie moža pierasoŭvacca», — adznačyŭ Łubiniec.

Ambudsmien dadaŭ, što viartańnie adbyłosia pry pasiarednictvie Dziaržavy Katar i pry padtrymcy JUNISIEF, a taksama pry sadziejničańni ŭ pracy Dziaržaŭnaj pamiežnaj słužby.

«Na žal, los dziaciej trahičny — jany vymušanyja byli pieražyć akupacyju rodnych haradoŭ, bambavańni i ranieńni, śmierć rodnych. Niekatorych RF prymusova pašpartyzavała i navat znajšła im «apiekunoŭ», — dadaŭ Łubiniec.

Ukrainskija dzieci viarnulisia na radzimu z Rasii praź Biełaruś, miarkujučy pa paviedamleńni napiaredadni dziciačaj ambudsmienki Rasii Maryi Lvovaj-Białovaj, u jakim jana dziakavała za sadziejničańnie Pamiežnamu kamitetu Biełarusi.

Raniej prezident Uładzimir Zialenski zajaviŭ, što Ukraina viedaje pajmienna amal 20 tysiač ukrainskich dziaciej, jakich vykrała Rasija.

17 sakavika 2023 hoda Mižnarodny kryminalny sud u Haazie vydaŭ mižnarodnyja ordary na aryšt prezidenta Rasii Uładzimira Pucina i ŭpaŭnavažanaj pa pravach dziciaci Maryi Lvovaj-Białovaj. Adznačana, što jany, jak miarkujecca, niasuć adkaznaść za vajennaje złačynstva — niezakonnuju departacyju dziaciej i ich niezakonnaje pieramiaščeńnie z akupavanych terytoryj Ukrainy na terytoryju Rasijskaj Fiederacyi.

Čytajcie taksama:

U Biełarusi ŭkrainskich dziaciej vučać: «Tut ty pasłužyš vialikaj Rasii»

«Panična bajałasia jechać u Biełaruś». Siastra ŭkrainskaha padletka, jakoha vyvieźli ŭ Rasiju, raskazała, jak viarnuła brata na radzimu

Padletak z Maryupala, jakoha vyvieźli z Rasii i chacieli zabrać u rasijskaje vojska, viarnuŭsia dadomu 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
0
Ха-ха
0
Ого
0
Сумна
3
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930