Znajści
Ałharytmičny łacinski varyjant
21.02.2024 / 10:056RusŁacBieł

«Rasija — moj dom, zachopleny vorahami». Imavierna, zastreliŭsia viadomy Z-błohier-frantavik Andrej «Murz» Marozaŭ

U jaho kanale «Nam pišut iz Janiny» — 100 tysiač padpisantaŭ. Aficyjnaha paćvierdžańnia śmierci Marozava niama, ale jon apublikavaŭ sieryju raźvitalnych pastoŭ sa źniščalnaj krytykaj rasijskaj sistemy i armii.

U adnym z apošnich pastoŭ, jakija Marozaŭ napisaŭ siońnia rankam jon narakaje na «lizacielaŭ dup načalstva» i hienierałaŭ, jakija dziela karjery nie škadujuć sałdat. 

«Mnie nie treba nikudy ŭryvacca. Rasieja — moj dom, zachopleny vorahami. Pasłužlivymi lizacielami dupy načalstva. Hienierałami, hatovymi «pakłaści «tysiačy sałdat, aby «vyznačycca». Žurnalistami, jakija budujuć karjeru na chłuśni z ekrana.

Ja nie stamiŭsia zmahacca z hetym.

Ja zaŭsiody znachodziŭ u sabie novyja siły zmahacca. Daktaram na ŭskryćci, napeŭna, budzie cikava daviedacca, jak ja jašče trymaŭsia na nahach usie hetyja hady z takimi trybuchami. Niejak trymaŭsia. Znajšoŭ by i jašče sił, i jašče, ale ja nie baču sensu zmahacca dalej tymi srodkami, jakija dastupnyja mnie žyvomu. Jany vyčarpanyja, jany stracili efiektyŭnaść, i ja dastaju apošni srodak», — piša Marozaŭ.

Jon zaklikaje skončyć vajnu rasiejskaj pieramohaj.

«Avantura prajdziśvietaŭ, jakija dastajuć słova «ruski» z kišeni tolki tady, kali heta im vyhadna, zakanamierna pravaliłasia — pačałasia vajna. Vaša sprava — zaviaršyć hetuju vajnu poŭnaj vajennaj pieramohaj nad usimi, chto vystupić sa zbrojaj suprać Rasiei, jakaja ŭstała na abaronu ruskich. Dzie heta budzie, u Kijevie ci ŭ Paryžy, ź jakoha francuzskaje kiraŭnictva niadaŭna ŭchvaliła teror suprać našaha mirniaka ŭ Biełharadzie, — pytańnie techničnaje», — piša jon. 

Marozaŭ prosić pachavać jaho «pobač sa svaimi» ŭ tak zvanaj «ŁNR».

U raźvitalnym liście Marozaŭ taksama zaklikaje zabivać ukraincaŭ «jak maha bolš efiektyŭna, ź minimalnymi stratami».

Mienavita «Murz» daŭ ćviarozuju acenku bitvy za Aŭdzieŭku. Jaho prymusili vydalić hety post. 

Čytajcie taksama:

«Poŭnaja źviazda». Łuhanski apałčeniec praročyć katastrofu rasijskaj armii ŭ zimovych bajach

Rasijskamu najomniku, jaki vystupaŭ na scenie z čerapam azoŭca, prastrelili hałavu

Rasijskaha najomnika, jaki vystupaŭ z čerapam azoŭca, mahli zastrelić vahnieraŭcy. Vialiki skandał u Rasii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
15
Панылы сорам
12
Ха-ха
38
Ого
6
Сумна
3
Абуральна
12
2
Omh/adkazać/
21.02.2024
Niejmavierna durny čałaviek. Cudoŭna viedaŭ, bačyŭ, adčuvaŭ štodnia, jakim tatalnym nialudzkim haŭnom źjaŭlajecca ichni orkavy (russkij) mir. Ale na čałaviečy bok tak i nie pierajšoŭ. 

Ale ž chiba nie takaja samaja bolšaść siniepašpartnych? Pryčym, jany navat nie rasiejcy... 
1
smuta /adkazać/
21.02.2024
pačałosia jak ŭ 1917 , smuta jak maskavity kažuć . Cikava, biełarasijanie vykarystajuć jaje,  ci buduć dalej słova čepušyły hladzieć pad coja
0
Kožnamu ruskamu pa dronu ŭ piku/adkazać/
22.02.2024
Kali praŭda, to heta vielmi dobraja navina. Hety maskavit byŭ fanatykam i vielmi niebiaśpiečnym, tamu što jaho praca pa naładžvaneńniu sistem suviazi była davoli efiektyŭnaj.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930