Znajści
Ałharytmičny łacinski varyjant
21.02.2024 / 11:321RusŁacBieł

Za amal dva hady vajny paćvierdžana hibiel bolš jak 45 tysiač rasijskich vajskoŭcaŭ va Ukrainie

Žurnalisty ŭstanavili imiony 45 123 rasijskich vajskoŭcaŭ, jakija zahinuli na vajnie va Ukrainie. Straty padličyli Ruskaja słužba Bi-bi-si i «Miedyjazona» sumiesna z kamandaj vałancioraŭ. Poŭnamaštabnaje ŭvarvańnie pačałosia amal dva hady tamu, 24 lutaha 2022 hoda.

Ilustracyjnaje fota: Ashley Chan/SOPA Images/LightRocket via Getty Images

Dźvie traciny ŭsich ustanoŭlenych zahinułych — heta tyja, chto da pačatku ŭvarvańnia nie byŭ źviazany z armijaj: dobraachvotniki, mabilizavanyja, byłyja źniavolenyja i «navabrancy» z tak zvanych pryvatnych vajennych kampanij. Z 5406 zahinułych mabilizavanych 80 adsotkaŭ zahinuli za druhi hod vajny.

Pa absalutnaj kolkaści zahinułych lidzirujuć Krasnadarski kraj, Śviardłoŭskaja vobłaść, Baškartastan i Čelabinskaja vobłaść.

Usiaho za 2023 hod žurnalisty ŭstanavili imiony 27 906 zahinułych rasijskich vajskoŭcaŭ, što na 57 adsotkaŭ bolš, čym paćvierdžanyja straty za pieršy hod poŭnamaštabnaha ŭvarvańnia va Ukrainu.

Z kastryčnika 2023 hoda da lutaha 2024 hoda — u pieryjad, kali rasiejskija padraździaleńni nastupali pad Aŭdziejeŭkaj i ŭ susiednich ź joj rajonach Danieckaj vobłaści — daśledčyki paćvierdzili hibiel 6614 rasijskich vajskoŭcaŭ.

Žurnalisty viaduć padlik pa adkrytych krynicach: paviedamleńniach miascovych administracyj, ŚMI i svajakoŭ zahinułych, a taksama pa danych z mohiłak. Realnaja ličba strat, na ich dumku, moža być jak minimum u dva razy vyšejšaj.

Maskva i Kijeŭ nie raskryvajuć straty ŭ vajnie va Ukrainie, raspaviadajučy tolki pra straty praciŭnika. Baki vajennych kanfliktaŭ schilnyja pierabolšvać svaje pośpiechi i pieramianšać niaŭdačy, daśledavańnie Bi-bi-si i «Miedyjazony» — adna z najvažniejšych niezaležnych acenak kolkaści zahinułych.

Čytajcie taksama:

USU trapili pa palihonie pad Vałnavachaj, Z-błohiery kažuć pra 65 zabitych rasiejcaŭ

Žurnalistam viadomyja imiony ŭžo 40 tysiač zahinułych rasijskich vajskoŭcaŭ

Stali viadomyja imiony jašče čatyroch biełarusaŭ-«vahnieraŭcaŭ», jakija zahinuli va Ukrainie. Usie — zavierbavanyja kryminalniki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
1
Ха-ха
0
Ого
0
Сумна
0
Абуральна
0
0
Jo/adkazać/
21.02.2024
Łuchta kaniešnie. Toje, što vykładajecca ŭ internet z kamier bajavych dronaŭ naprykład, nie składaje i 0,1% ad bajavych vyletaŭ. Da hetaha, nie varta stavić ukrainski i rasijski hienštab na adnu došku. Ukraina starajecca rabić padliki pa ŭsich standartach NATA, dzie danyja padćviardžajucca ŭnutranaj vizualnaj infarmacyjaj, albo spadarožnikami. Dadzienyja z pola boju pierapraviararajucca ŭnutranymi strukturami USU. Nie raz ukrainskija dadzienyja padćviardžalisia amierykanskim hienštabam. Tamu roznyja Miedyjazony mohuć korpacca ŭ interneciku, ale łohika takaja, kali z krejsiera Maskva aficyjna pachavali niekalki čałaviek , to krejsier Maskva ŭ paradku razam z usim astatnim ekipažam.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930