Znajści
Ałharytmičny łacinski varyjant
21.02.2024 / 15:181RusŁacBieł

Va ŭzroście 61 hoda pamior ksiondz Jan Havecki

U apošni čas Jan Havecki byŭ administrataram parafii Maci Božaj Škaplernaj (sv. Judy Tadevuša) u Pryvałkach (dekanat Hrodna-Uschod).

U časie słužeńnia ŭ iviejskaj parafii śviatar staŭ inicyjataram praviadzieńnia tam fiestyvalu kaladnych piesień Gloria in excelsis Deo, jaki ličycca adnoj ź jaskravych relihijnych padziej žyćcia Kaścioła na Biełarusi, piša catholic.by.

Siońnia a 18.00 cieła spačyłaha śviatara budzie pryvieziena dla raźvitańnia ŭ parafijalny kaścioł Maci Božaj Škaplernaj u vioscy Pryvałki (Hrodzienski rajon). U 18.30 — śviataja imša i malitva pry trunie. A 9-j ranicy ŭ čaćvier imša ŭ parafijalnym kaściole ŭ vioscy Pryvałki.

Zatym raźvitańnie projdzie ŭ Hrodnie. 11.00 — prybyćcio ŭ parafijalny kaścioł Maci Božaj Aniolskaj u Hrodnie (Franciškanski). 12.00 — śviataja Imša ŭ Franciškanskim kaściole. 

Paśla imšy — raźvitańnie i pachavańnie na parafijalnych Franciškanskich mohiłkach u Hrodnie (zav. Pieramohi).

Jan Havecki naradziŭsia 28 sakavika 1962 h. u Hrodnie. Preźbiterskaje paśviačeńnie jamu ŭdzialiŭ 27 maja 1990 h. u hrodzienskim farnym kaściole sv. Franciška Ksaveryja, u toj čas pieršaj u Biełarusi małoj bazylicy, siońniašni arcybiskup Tadevuš Kandrusievič.

Paśla paśviačeńnia adzin hod byŭ vikaryjem parafii sv. Jana Chryściciela ŭ Šakiai (Litva). Potym viarnuŭsia na radzimu i ŭ 1991—1996 hh. byŭ probaščam parafii ŭ Trabach, a z 1996 da 2021 h. — probaščam parafii śviatych apostałaŭ Piatra i Paŭła ŭ Iŭi.

U 2022 h. byŭ pryznačany administrataram parafii Maci Božaj Škaplernaj u Pryvałkach (dekanat Hrodna-Uschod).

Ksiondz Jan Havecki byŭ viadomy jak inicyjatar roznych dušpastyrskich inicyjatyŭ. Mienavita jon byŭ hałoŭnym natchnialnikam dekanalnych fiestyvalaŭ kaladak i pastarałak, jakija prachodziać štohod u Domie kultury ŭ Iŭi.

Čytajcie taksama:

Pamior znany ŭkrainski dysident i pravaabaronca Stepan Chmara

U turmie pamior palitviazień Ihar Lednik

Biełaruski scenaryst Kanstancin Vierabjoŭ pamior va ŭzroście 53 hady

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
1
Сумна
23
Абуральна
2
0
Artur/adkazać/
21.02.2024
Wieczny odpoczynek racz mu dać Panie...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera