Znajści
Ałharytmičny łacinski varyjant
21.02.2024 / 17:3511RusŁacBieł

Mastak Kuźmič raskazaŭ, navošta znoŭ viartaŭsia ŭ Biełaruś. Stryžak: Bolš vyvozić jaho nie budziem

Mastak-akcyjanist Alaksiej Kuźmič užo druhi raz viarnuŭsia ŭ Biełaruś paśla taho, jak vyjechaŭ z krainy paśla vybaraŭ. Jon raskazaŭ «Našaj Nivie» pra toje, čamu vypraviŭsia ŭ niebiaśpiečnaje padarožža i jak jano prajšło.

Fota: kuzmich.alexei / Facebook

Kuźmič kaža, što vyrašyŭ viarnucca pa siamiejnych abstavinach — kab raźvitacca ź ciažka chvoraj babulaj.

Alaksiej pryjechaŭ u Minsk 16 śniežnia: «Spadziavaŭsia pabačycca z babulaj — jana jašče była žyvaja. Prosta z aŭtobusa pajechaŭ u balnicu, a tam skazali, što paru hadzin tamu jana pamierła. Viartaŭsia ŭ Biełaruś, kaniečnie, nie naŭprost, ale niedzie zaśviaciŭsia. Chutčej za ŭsio, trapiŭ niedzie na kamieru, chacia i vykonvaŭ miery pieraściarohi — nasiŭ kapiušon, kiepku i masku, ale, napeŭna, niedzie trapiŭsia».

Vyjazdžaŭ Kuźmič z dapamohaj «Bajsoła». U publikacyi kiraŭnik fondu Andrej Stryžak adznačyŭ, što ŭ hetaj historyi «čałaviek nieadnarazova padviarhaŭ siabie niebiaśpiecy, viartajučysia ŭ Biełaruś, što stvaryła nahruzku na evakuacyjnuju słužbu». I adznačyŭ, što nastupny raz «Bajsoł» nie budzie vyvozić Kuźmiča.

U hety ž raz Alaksiej prabyŭ u Biełarusi dva miesiacy. 21 lutaha apynuŭsia ŭ biaśpiecy ŭ adnoj ź jeŭrapiejskich krain:

«Miesiac byŭ u Minsku, a potym mnie pieradali, što mnoj mohuć zajmacca siłaviki. Terminova pajechaŭ u viosku, i praź niekalki dzion infarmacyja pra siłavikoŭ paćvierdziłasia — ja byŭ u raspracoŭcy. 14 studzienia sa Śledčaha kamiteta pryjšli da rodnych, skazali, što zaviedzienaja kryminałka pa artykule «Chulihanstva» za akcyju, jakuju ja ładziŭ na moście na Niamizie vosieńniu 2023-ha.

Mnie prapanavali zdacca — maŭlaŭ, tady mianie nie pasadziać za kraty, a daduć štraf. U ciapierašnich realijach čuć takoje było śmiešna. Dumaju, kali b ja zdaŭsia, zamiest štrafu na mianie naviesili b jašče niekalki kryminalnych spraŭ».

Paśla minułaha viartańnia ŭ Biełaruś Kuźmič taksama atrymlivaŭ pahrozy ad siłavikoŭ. Ale, kaža mastak, pierad druhim pryjezdam jon atrymaŭ infarmacyju, što na jaho nie zaviedzienaja kryminałka i jon nie znachodzicca ŭ vyšuku. 

Ciapier jon nie robić vysnovy pra toje, ci biaśpiečna viartacca na Radzimu: «Nie budu nikomu davać parady. Dumaju, što kožny čałaviek sam za siabie adkazvaje. Mnie [paśla minułaha pryjezdu] pisali i ludzi, zasmučanyja, što ja raskazaŭ pra viartańnie ŭ Biełaruś, i tyja, chto byŭ vielmi ŭdziačny. Jany daviedalisia, što tak možna rabić — pryjechali ŭ Biełaruś, vyrašyli svaje prablemy i źjechali adtul. Niachaj kožny vyrašaje sam, ale pry hetym uzvažvaje ŭsie ryzyki i razumieje, što viartańnie moža pryvieści jak da pacałunkaŭ ad rodnych, tak i da hadoŭ za kratami».

Mastak raskazvaje, što ŭražańni ad ciapierašniaha pryjezdu ŭ jaho składanyja. U pieršaje viartańnie, kaža Kuźmič, jon byŭ na kuražy — pajechaŭ dachaty zakančvać važnuju dla jaho akcyju «Tranzit», rabić mastactva. U hety ž raz mužčyna viedaŭ, što jedzie da ciažkachvoraj babuli.

Abstanoŭka navokał taksama nie spryjała dobramu nastroju:

«Zima, vakoł pachmurna — heta jaŭna nie nastrojvaje na stanoŭčy ład. Ja pryjechaŭ z Bałharyi. Tam chacia i choładna, ale ja paśpieŭ papłavać u mory, a tut apynuŭsia ŭ zusim inšaj prastory. Ale kali ja źjechaŭ u viosku, tam było lepiej — trochi pryjšoŭ u siabie. Bližej da vybaraŭ učastkovy pačaŭ chadzić pa chatach, i možna było jamu trapicca: jon pravieryŭ by maje dakumienty i pabačyŭ, što na mianie zaviedzienaja kryminałka».

Ciapier Alaksiej źbirajecca ŭ Paryž, kab tam zajmacca mastactvam, bo pryznajecca — u Paryžy mastactva jon nie bačyć. Tam, kaža Kuźmič, jon bačyć «miortvaje nasłajeńnie kultur, jakija sčapili hety horad».

Taksama, raskazvaje mastak, za apošni čas jon napisaŭ dźvie knihi: «Adna — «Tranzitny dziońnik», pa padziejach akcyi-hulni «Tranzit» i jaje zakančeńnia. Druhaja — «Imitacyja», datyčna akcyi ŭ Francyi, pachodu na Jelisiejski pałac z butelkaj kaktejla Mołakava, to-bok małaka, kali ja pieranios vobraz biełaruskaj revalucyi ŭ Francyju. Ale kniha nie pra hetuju akcyju, jana, chutčej, adbitak času, u jakim my žyviem».

«Naša Niva» — bastyjon biełaruščyny

PADTRYMAĆ

Čytajcie taksama:

«Nie karystaŭsia telefonam i staraŭsia nie traplać na kamiery». Mastak Alaksiej Kuźmič viarnuŭsia ŭ Biełaruś dziela pierfomansu

Mastak, jaki tajemna zjeździŭ u Biełaruś pa novy pašpart i čarhovy pierfomans, praciahvaje trolić milicyjantaŭ

Z Russia zrabiŭ Belorussia. Mastak Alaksiej Kuźmič zładziŭ novuju dziorzkuju akcyju VIDEA

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
77
Ха-ха
7
Ого
7
Сумна
5
Абуральна
20
1
ABEVE/adkazać/
22.02.2024
SD,vyhladaje, što tak i jość. Spakus padobna što raspalvaje naŭmysna i dapamahaje daśledvać šlachi i kamunikacyju "evakuataraŭ". Režym lubić rabić ahienturaj mastakoŭ, linhvistaŭ, žurnalistaŭ. Kutas pakazaŭ - i užo mastak! Śmierdzi heta trolinham ruskaj śpiecury. Biełarusy, spatkańnia z rodnymi - tolki kali sami ŭ biaśpiecy! Pamierłaja babula nia budzie ščaśliva, kali vy pajedziecie za kraty, nie trapiŭšy na pachavańnie...
0
Maksim Dizajnier/adkazać/
23.02.2024
Anatol Starkou

Tolik, pričiem tut nostalhija?Prijechał s babuškoj pieried śmierťju povidaťsia.Chorošij vnuk i poriadočnyj čiełoviek.No, kak i mnohije chudožniki, nie orhanizovan.
0
Anatol Starkou/adkazać/
23.02.2024
Maksim Dizajnier, Nu, tak. Nastalžy tut ni pry čym. Pahojsaje pa Paryžu i iznoŭ vierniecca ŭ Minsk, bo tam zastałasia dzieŭka po imieni Muza, ź jakoj jon zabyŭsia raźvitacca, jak maje być. A potym znoŭku ŭ Paryž Varašavu ci mo j da mianie ŭ Niu Jork. Mastaki jany takija zmahary za ŭsio i suprać usich u adnym fłakonie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930