Znajści
Ałharytmičny łacinski varyjant
22.02.2024 / 10:38RusŁacBieł

Biełarusaŭ zaprašajuć na dabračynnyja ekskursii, pryśviečanyja Źmitraku Biadulu

Ekskursii projduć 2 sakavika i 6 krasavika.

Muziej historyi biełaruskaj litaratury zaprašaje na ekskursiju, pryśviečanuju adnamu sa znakamitych haspadaroŭ muzieja «Biełaruskaja chatka» (Rabkoraŭskaja, 17, rajon Instytuta kultury) — kłasiku biełaruskaj litaratury Źmitraku Biadulu.

Razam ź siostrami Reniaj i Hieniaj jon pražyŭ u hetym domie z 1915 pa 1918 hady. Tut u kastryčniku 1916 hoda Biadula daŭ prytułak užo chvoramu Maksimu Bahdanoviču, sastupiŭšy jamu samy vialiki pakoj.

Muziej prapanuje cikavaje padarožža pa ekspazicyi doma-muzieja, nazvanaha ŭ honar kłuba minskaj intelihiencyi «Biełaruskaja chatka», siabrami jakoha byli Maksim Bahdanovič, Źmitrok Biadula i inšyja dziejačy biełaruskaj kultury.

«Šmat što pieražyŭ i pamiataje hety budynak. Mnostva daŭnich padziej, ščymlivych uspaminaŭ, chvalujučych historyj hatova paŭstać tut skroź zasłonu času i zahučać dla tych, chto choča słuchać…

Biełaruskaja chatka. Fota: holiday.by

Na ekskursii vy bolš daviedajeciesia pra Źmitraka Biadulu jak talenavitaha piśmieńnika, čyje tvory byli ŭzhadavanyja na biełaruskaj hlebie, napitanyja falkłorna-mifałahičnymi krynicami, napoŭnienyja luboŭju da rodnaj ziamli i biełaruskaha naroda. Vy adkryjecie dla siabie Źmitraka Biadulu jak aktyŭnaha ŭdzielnika litaraturna-hramadskaha ruchu pačatku XX st. u Minsku», — havorycca na staroncy muzieja.

Ekskursija źjaŭlajecca dabračynnaj — zaroblenyja hrošy buduć pieraličany na śpiecyjalny rachunak, dzie akumulujucca srodki na stvareńnie nadmahilnaha manumienta kłasiku.

  • Košt: 20 rub. (heta budzie vaš uniosak u važnuju i hanarovuju spravu).
  • Kali: 02/03/2024, 15:00; 06/04/2024, 15:00.
  • Dzie: h. Minsk, vuł. Rabkoraŭskaja, 19 (filijał «Biełaruskaja chatka»).
  • Zapis pa teł. +375 (17) 363 94 65 abo praz paviedamleńni ŭ sacyjalnych sietkach.

Čytajcie taksama:

Stała viadoma, jak budzie vyhladać nadmahille Źmitraka Biaduli

«Žonka była vyšejšaja na dźvie hałavy. Na vulicu staralisia iści paasobku». Nieviadomyja fakty pra Źmitraka Biadulu

Źmitraka Biadulu pierapachavali ŭ Minsku pad pravasłaŭnym kryžam i ruskamoŭnaj šyldačkaj FOTA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
0
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930