Znajści
Ałharytmičny łacinski varyjant
22.02.2024 / 13:511RusŁacBieł

Stołtenbierh: Śmierć Navalnaha — nahoda pavialičyć dapamohu Kijevu

Pa słovach hienieralnaha sakratara NATA, nielha dać Pucinu atrymać pieramohu na poli boju. Jon vykazaŭ mierkavańnie, što najlepšy sposab ušanavać pamiać Navalnaha — pašyryć dapamohu Ukrainie.

Uładzimir Zialenski i Jens Stołtenbierh padčas samitu NATA ŭ Vilni 12 lipienia 2023 hoda. Fota: Mindaugas Kulbis / AP

Hienieralny sakratar NATO Jens Stołtenbierh vykazaŭ mierkavańnie, što śmierć rasijskaha apazicyjaniera Alaksieja Navalnaha i adstupleńnie Uzbrojenych sił Ukrainy (USU) z Aŭdziejeŭki pavinny pryciahnuć uvahu Paŭnočnaatłantyčnaha aljansu i jahonych sajuźnikaŭ da nieabchodnaści ŭzmacnić vajskovuju dapamohu Ukrainie, piša Deutsche Welle.

«Ja ŭpeŭnieny, što najlepšy sposab ušanavać pamiać Navalnaha — nie dać Pucinu atrymać pieramohu na poli boju, zabiaśpiečyć pieravahu Ukrainy», — skazaŭ Stołtenbierh u intervju «Radyjo Svaboda/Radyjo Svabodnaja Jeŭropa».

Pa słovach hienieralnaha sakratara NATA, adychod ukrainskich vojskaŭ z Aŭdziejeŭki paśla miesiacaŭ ciažkich bajoŭ demanstruje, što Ukraina maje patrebu ŭ jašče bolšych abjomach vajskovaj dapamohi, a śmierć Navalnaha ŭ kałonii i zatrymka ekśpiertyzy abstavinaŭ jahonaj hibieli pavinny pryciahnuć jašče bolš pilnuju ŭvahu da aŭtarytarnaha charaktaru kramloŭskaha režymu.

Sajuźniki ZŠA naroščvajuć dapamohu Kijevu

Stołtenbierh adznačyŭ, što pakul zaćviardžeńnie novaha pakietu vajskovaj dapamohi ZŠA Ukrainie na sumu 61 młrd dalaraŭ zatrymlivajecca ŭ Pałacie pradstaŭnikoŭ Kanhresa, inšyja krainy, u tym liku Šviecyja, Kanada i Japonija, naroščvajuć padtrymku Kijevu.

Hienieralny sakratar NATA nie adkazaŭ na pytańnie, kali mienavita USU mohuć atrymać źniščalniki F-16, pastavak jakich Ukraina damahajecca ŭžo amal dva hady.

Jon znoŭ skazaŭ, što ŭsie chaŭruśniki Ukrainy chacieli b, kab F-16 apynulisia va Ukrainie jak maha chutčej, ale adznačyŭ, što treba pakłapacicca taksama ab padrychtoŭcy piłotaŭ i miechanikaŭ. Što tyčycca terminaŭ mahčymych pastavak, to pra heta lepš pytacca vajennych ekśpiertaŭ, reziumavaŭ Jens Stołtenbierh.

Čytajcie taksama:

Bajden nazvaŭ Pucina «zvarjaciełym sukinym synam»

Chrysta Hrozieŭ budzie rasśledavać hibiel Navalnaha

«Dajcie mnie narešcie ŭbačyć majho syna». Maci Alaksieja Navalnaha źviarnułasia da Pucina

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
0
Ха-ха
1
Ого
0
Сумна
0
Абуральна
0
0
Stiekłoff/adkazać/
22.02.2024
Drony ŭžo pieradaŭ? Adna pustaja zajava za druhoj
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera