Znajści
Ałharytmičny łacinski varyjant
22.02.2024 / 14:091RusŁacBieł

Jaŭhien Pierlin adreahavaŭ na skandał: Ja nikomu nie zdradžvaŭ

Były viadučy biełaruskaha telebačańnia, jaki syšoŭ adtul u 2020 hodzie, apublikavaŭ post u instahramie. U im jon raspavioŭ, jak lubić Minsk, Biełaruś, biełarusaŭ, heta jahony dom, i jon nikomu nie zdradžvaŭ. Vierahodna, heta jahony adkaz prapahandystam, jakija nakinulisia na kramy «Miła» za rekłamu ź Pierlinym. U vyniku rekłamu prybrali.

«Ja zaŭsiody hladzieŭ i hladžu na Minsk zakachanymi vačyma. Heta moj horad. <…> Heta horad, jaki daŭ mnie ŭsio, i ja addaŭ jamu, što moh. Stolki prajektaŭ my zapuścili, stolki pryhažości pakazali ŭ viačernim šou na TB, u ramkach Jeŭrabačańnia i roznych spartyŭnych turniraŭ.

U hetym horadzie žyvuć maje blizkija i siamja. Tut žyvuć maje nastaŭniki, jaki paŭpłyvali na moj šlach. Tut pracujuć vydatnyja lekary, jakija zaŭsiody dapamahajuć na vyšejšym uzroŭni. Tut tak šmat talenavitych maładych ludziej — sa śvietu tvorčaści i naohuł roznych prafiesij. Ja ich zaprašaŭ u svaje teleprajekty i pa hety dzień pakazvaju ŭ svaich sacsietkach. U ich — enierhija, kreatyŭ i taja samaja iskra, jakaja stvaraje», — piša Pierlin.

Jon dadaje, što jaho siońnia asabliva natchniaje, kali jon bačyć novyja prajekty: «Kali chto-niebudź znachodzić siły, padtrymku i enierhiju, kab dać jašče bolš žyćcia Minsku i pakazać, jak tut kruta, dušeŭna i ciopła». 

«Tyja, chto žyvie ŭ Biełarusi, chočuć tolki lepšaha dla svajho doma, siamji i krainy. I ja ŭ tym liku. Tak było zaŭsiody, nie sprabujcie padmianić paniaćci — nikomu ja nie zdradžvaŭ. Zaŭsiody vieryŭ u našych ludziej. My z usim spravimsia! Hałoŭnaje, nie być abyjakavym. Biełaruś — Naš dom. I inšaha ŭ nas niama», — piša jon.

Pierlin byŭ viadučym na BT, syšoŭ adtul u 2020-m. Ciapier viadzie viasielli i karparatyvy.

Čytajcie taksama:

«Nie raz namiakali «aktyvistcy» spynić biełarusafobiju». Azaronak abrynuŭsia na Mirsalimavu

Na kramy «Miła» nakinulisia za rekłamu ź Pierlinym

Marharyta Laŭčuk vystaviła haračyja FOTA z maładym čałaviekam 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
30
Панылы сорам
0
Ха-ха
3
Ого
1
Сумна
2
Абуральна
4
1
Valik/adkazać/
22.02.2024
Zdradzić Łukašenku heta nie zdrada, a pradbačańnie
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930