Znajści
Ałharytmičny łacinski varyjant
22.02.2024 / 15:439RusŁacBieł

MZS Biełarusi zajaviła, što rezka adreahuje na dziejańni Vilni pa zakryćci pamiežnych punktaŭ

Rašeńnie litoŭskich uładaŭ ab zakryćci z 1 sakavika 2024 hoda jašče dvuch punktaŭ propusku «Katłoŭka — Łavaryški» i «Pryvałka — Rajhard» i abmiežavańni pasažyrskich znosin zjaŭlajecca vyklučna palityčna matyvavanym krokam, u tym liku ŭ ramkach elektaralnych kampanij, jakija nabirajuć abaroty. Tak MZS Biełarusi prakamientavaŭ płany Litvy pa zakryćci dvuch pamiežnych punktaŭ propusku.

«Pad kapirku paŭtarajucca dziejańni Polščy i Łatvii, zroblenyja letaś u kantekście vybaraŭ u hetych krainach. Meta takich manipulacyj adna — štučna stvaryć vobraz voraha z susiedniaj Biełarusi <…> Vielmi niazručnaj dla litoŭskich uładaŭ zastajecca i pavieličeńnie patoku ŭłasnych hramadzian, jakija naviedvajuć Biełaruś pa biaźvizavym režymie i raskazvajuć praŭdu ab našaj krainie», — zajavili ŭ biełaruskim MZS. 

U pres-relizie havorycca, što abhruntavańnie takoha rašeńnia litoŭskim uradam «vyklikaje ŭžo navat nie abureńnie, a chutčej prosta ŭśmiešku».

«Takija pryčyny, jak niebiaśpieka praniknieńnia mihrantaŭ i ahientaŭ KDB u biełaruskich aŭtobusach, prablemy z čerhami, jakija vyrašajucca šlacham zakryćcia pahranpierachodaŭ, arhumienty ab tym, što «susiedzi ž taksama tak robiać», prosta nie patrabujuć kamientaroŭ. Usio heta, darečy, adbyvajecca na supolnaj miažy ES pry maŭklivaj zhodzie Brusiela i inšych krain — členaŭ Jeŭrapiejskaha sajuza», — piša pres-słužba MZS.

U kamientary taksama havorycca, što «Biełaruś budzie vymušana rezka adreahavać na hetyja vielmi niedružalubnyja dziejańni Vilni z ulikam intaresaŭ svaich hramadzian i, nakolki heta mahčyma, žycharoŭ susiednich krain».

«Iznoŭ zaklikajem litoŭski bok admovicca ad praktyki dezynfarmacyi ŭłasnaha nasielnictva, parušeńnia pravoŭ na svabodu pieramiaščeńnia i handlu, kab dahadzić svaim palityčnym ambicyjam», — havorycca ŭ pres-relizie.

Čytajcie taksama:

Pamiežnyja punkty Katłoŭka i Pryvałka na miažy ź Litvoj zakryvajucca z sakavika

Naŭsieda: Miesca Pucina — u Haahskim sudzie

Na litoŭska-biełaruskaj miažy zatrymali charvata — šukaŭ u nas lepšaje žyćcio

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
6
Ха-ха
13
Ого
1
Сумна
3
Абуральна
3
0
bhagawan/adkazać/
22.02.2024
u hetym vypadku biełaruskaje MZS moža chiba što vykazać zakłapočanaść, bo "vy ž sami usio rasumiejecie"
0
Justas mahutni ahient/adkazać/
22.02.2024
[Red. vydalena]
0
Palityčnyja ambicyi/adkazać/
03.03.2024
Tak-tak, mzs biełarusii, čakajem na vašaje "rezkaje reahavańnie". Što zrobicie? Taksama začynicie dva apošnija pierachody ź Litvoj? Ździvicie nas svajoj rašučaściaj dy biazhłuździem, dyplamaty "kałhasnyja"...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930