Znajści
Ałharytmičny łacinski varyjant
22.02.2024 / 23:053RusŁacBieł

Budynak byłoj słonimskaj sinahohi nabyŭ za biescań rasijanin

Atrymaŭ novaha ŭładalnika pomnik baročnaj architektury ŭ Słonimie. Budynak byłoj sinahohi, pabudavany ŭ 1648 hodzie, pradali na aŭkcyjonie ŭsiaho za 42 rubli. U «BUTB-majomaść» raskazali, chto staŭ novym uładalnikam abjekta z historyjaj, jaki pradavali z krasavika minułaha hoda.

Fota: BUTB

U pačatku 2020 hoda pamiatny budynak byŭ užo pradadzieny za 30 tysiač rubloŭ, abo 9300 dalaraŭ pa kursie. Haspadyniaj sinahohi stała dziciačaja piśmieńnica i piedahoh ź Minska Iłona Karavajeva (psieŭdanim Ryŭz Iaana). Pa słovach žančyny, kupla stała daninaj pavahi jaje blizkim svajakam, jakija paśla vajny žyli ŭ Słonimie.

Budynak sinahohi byŭ u avaryjnym stanie, tamu na jaje rekanstrukcyju patrabavałasia bolš za 50 000 dalaraŭ. Žančyna nie zmahła sabrać patrebnuju sumu, tamu pomnik architektury viarnuli miascovamu rajvykankamu.

Karavajevaj vielmi nie pašancavała ŭ tym liku i tamu, što ŭziałasia realizoŭvać svaju zadumu jana ŭ vielmi niespryjalny čas. Jakraz tady pačałasia pandemija karanavirusu, tady vybary z pratestami, a potym zachodnija sankcyi i vajna va Ukrainie. U takich umovach zasnavany Karavajevaj fond «Ratujučy spadčynu» za čas svajoj pracy sabraŭ usiaho 2700 rubloŭ, što było kroplaj u mory patrebaŭ. A paśla pačatku vajny va Ukrainie achviaravańni ad biełarusaŭ spynilisia, a finansavańnie mižnarodnymi arhanizacyjami, pa słovach Karavajevaj, stała niemahčymym z-za sankcyj, «pakolki ź biełaruskimi bankami zachodni bok nie supracoŭničaje ci nie ryzykuje supracoŭničać». 

Siońnia stała viadoma, što novym haspadarom Słonimskaj sinahohi staŭ rasijanin, asoba jakoha nie raskryvajecca. U «BUTB-majomaść» rastłumačyli: jon byŭ adzinym pretendentam na kuplu abjekta, tamu cana akazałasia simvaličnaj — usiaho 42 rubli.

Ciapier novy ŭładalnik maje piać hadoŭ na toje, kab uvieści budynak u ekspłuatacyju. Pry prodažy staviłasia ŭmova zachavać u pracesie adnaŭleńnia ŭsie mastackija, stylistyčnyja i kanstruktyŭnyja asablivaści hetaha budynka. 

Čytajcie taksama:

Na aŭkcyjon za adnosna nievialikija hrošy vystavili siadzibu XIX stahodździa, jakoj vałodała lehiendarnaja biełaruskaja miecenatka

Aršaniec vystaviŭ na aŭkcyjon praterminavanuju zhuščonku

Na aŭkcyjon vystavili ŭnikalny łot: barysaŭskija zapałki, što pieražyli vajnu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
4
Ха-ха
4
Ого
1
Сумна
15
Абуральна
10
0
Azartnyja hulni z łukašystami/adkazać/
23.02.2024
42 BYN heta tolki płata za ŭvachod, kab vyjści prydziecca pradavać majomaść. Maskal małady, biazhłuzdy nia viedaje historyi druhich jinviestaraŭ'.
0
Bondarieva /adkazać/
23.02.2024
Usłovija skorieje vsieho: 2 hoda na vvod v ekspłuataciju. Odnako inviestor eto vriemia potratit dažie nie na projekt, a na połučienije razriešienija na projektirovanije i stroitielstvo. Łučšie srazu znať kakoj budiet štraf
0
Žora/adkazać/
23.02.2024
Papiarednija pretendenty ci zrabili choć prajekt?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930