Znajści
Ałharytmičny łacinski varyjant
23.02.2024 / 19:50RusŁacBieł

Na prapahandysckaj vystavie ŭ tomskim dziciačym sadku rasijskaha vajskoŭca zamianili na bajca ŭkrainskaha «Azova»

Da dnia 23 lutaha ŭ adnym ź dziciačych sadkoŭ rasijskaha Tomska zładzili prapahandysckuju vystavu, na jakoj źmiaścili siarod inšaha fota vajskoŭca, jaki trymaje na rukach dziaŭčynku. Vydańnie «Hovorit NieMoskva» zaŭvažyła, što fota heta kramolnaje: na im vyjaŭleny nie rasiejec, a bajec z usich siłaŭ demanizavanaj rasijskaj prapahandaj ukrainskaj bryhady «Azoŭ». Prytym na rukavie hetaha bajca vyrazna vidać šaŭron padraździaleńnia.

Vystavu pad nazvaj «Čto takoje «SVO» i čto takoje «płocho» z fotazdymkami vajskoŭcaŭ i prapahandysckimi vieršami adkryli ŭ Tomskim dziciačym sadzie №30.

Kramolnaja adnosna zadumy vystavy fatahrafija była apublikavanaja na adnym z ukrainskich sajtaŭ jašče jak minimum u 2015 hodzie ŭ padborcy «Tata viarnuŭsia z vajny! Kranalnyja fota ŭkrainskich dziaciej, jakija dačakalisia…»

Pikantnaść situacyi siarod inšaha ŭ tym, što ŭ žniŭni 2022 hoda Viarchoŭny sud Rasii pryznaŭ 12-ju bryhadu śpiecyjalnaha pryznačeńnia «Azoŭ» terarystyčnaj arhanizacyjaj i zabaraniŭ jaje dziejnaść na terytoryi krainy. Da hetaha simvolika bryhady hetak ža była pryznanaja ekstremisckaj i zabaronienaja.

Paśla taho, jak situacyja stała zdabytkam publičnaści, Tomski dziciačy sad №30 vydaliŭ videa z postam pra vystavu. 

Čytajcie taksama:

Raskamnahlad zapatrabavaŭ aštrafavać hazietu «Sibirski chlebarob» za artykuł pra śvinakompleks. Usio z-za Maksima Hałkina

«Saŭki, vatniki, hopniki, čyrvonyja čałaviečki…» Školnikam prapanujuć padumać nad hetymi charaktarystykami savieckaha naroda

Rasijskaha vajenkara Andreja Koca zatrymali ŭ Maskvie z marychuanaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
1
Ха-ха
36
Ого
1
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930