Znajści
Ałharytmičny łacinski varyjant
24.02.2024 / 09:133RusŁacBieł

«Ałkahol paŭpłyvaŭ na jaje rozum»: eks-prezident Manholii vyśmiejaŭ «damu z MZS RF»

Pa słovach Cachijahijna Ełbehdorža, jamu raspaviali, što ŭdzielniki roznych rasijskich tok-šou «šaleli» z-za jaho dopisu, u jakim jon pakazaŭ kartu Manholii XIII stahodździa, jakaja ŭklučaje terytoryi Rasii.

Były prezident Manholii Cachiahijn Ełbehdorž zajaviŭ, što na publikacyju ŭ sacsietcy X, u jakoj jon vyśmiejaŭ intervju prezidenta Rasii Uładzimira Pucina žurnalistu Takieru Karłsanu, adreahavała «adna dama» ź Ministerstva zamiežnych spraŭ RF. Pra heta jon skazaŭ u efiry prahramy «Pavietra».

«Viedajecie, historyja nie chłusić. A voś Pucin chłusić. Tamu i vyśmiejaŭ heta, vykarystoŭvajučy našu staruju manholskuju kartu. Ja nie čakaŭ, što heta vykliča taki vialiki ažyjataž», — skazaŭ Ełbehdorž.

Pa słovach palityka, papularnaść jaho dopisu pakazała, što nie jon adzin ličyć varjactvam vykarystańnie historyi dla apraŭdańnia ŭzbrojenaha ŭvarvańnia na terytoryju susiedniaj niezaležnaj krainy.

Na pytańnie ab tym, ci byli aficyjnaja reakcyja z boku RF, Ełbehdorž adkazaŭ, što była tolki adna reakcyja ad «adnoj damy» z MZS Rasii [mahčyma, razmova idzie pra Maryju Zacharavu — NN].

Pry hetym jon adznačyŭ, što tak i nie zrazumieŭ, što dakładna jana kazała.

«Ja dumaju, što mocnaja vypiŭka sapraŭdy ŭpłyvaje na rozum čałavieka. Mahčyma, ałkahol paŭpłyvaŭ na jaje rozum», — prapanavaŭ jon.

Sa słoŭ Ełbehdorža, jamu raskazali, što ŭdzielniki roznych rasijskich tok-šou taksama «šaleli» z-za jahonaha dopisu.

Čytajcie taksama:

«Ja znajšoŭ histaryčnuju kartu Manholii». Eks-prezident Manholii patroliŭ Pucina

Kiraŭnik litoŭskaj redakcyi «Sputnika» raskajaŭsia i raskazaŭ pra kuchniu prapahandysckaj sietki, mietadyčki i svaje zarobki

Maryja Zacharava prezientavała pieśniu — muzyku dla jaje napisaŭ viadomy biełaruski kampazitar

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
94
Панылы сорам
1
Ха-ха
45
Ого
2
Сумна
6
Абуральна
10
0
Šlachcič Zavalnia/adkazać/
24.02.2024
Rieśpiekt monhołam
3
toža historyk/adkazać/
24.02.2024
Ełbierhodž krasaŭčyk! Maskva - heta Manholija! Rasieju prydumaŭ Čynhiz Chan!
0
Mamaj/adkazać/
26.02.2024
Manholija ce Jevropa!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930