Znajści
Ałharytmičny łacinski varyjant
26.02.2024 / 13:0891RusŁacBieł

U Krakavie biełarusam nie dazvolili prysutničać na antyvajennaj akcyi z BČB-ściahami

U druhuju hadavinu pačatku poŭnamaštabnaj vajny va Ukrainie ŭ šmatlikich polskich haradach prajšli antyvajennyja akcyi. Padtrymać ukrainski narod vyjšli i biełarusy. Praŭda, prysutničać na akcyjach sa svajoj simvolikaj u Krakavie im zabaranili. Historyjaj z MOST padzialiŭsia biełarus Jarasłaŭ.

 Antyvajennaja akcyja ŭ Krakavie. Fota z archivu Jarasłava

Akcyja ŭ Krakavie prajšła 24 lutaha a 12:00 na hałoŭnaj płoščy horada. Kala dziasiatka biełarusaŭ ź bieł-čyrvona-biełymi ściahami dałučylisia da ŭkraincaŭ i palakaŭ. Razam jany źbiralisia prajści maršam pa vulicach horada, ale biełarusam zrabić heta pad svaimi ściahami nie dazvolili. 

— Nichto z udzielnikaŭ akcyi nie byŭ suprać biełarusaŭ, asabista nam nichto ničoha nie skazaŭ. A voś arhanizatary — pradstaŭniki hienieralnaha konsulstva Ukrainy — padyšli i skazali prybrać biełaruskija ściahi. Nibyta nie ŭzhodnienaja zahadzia simvolika na akcyi zabaroniena. Padkreślili, što [zabaroniena] simvolika Rasii i Biełarusi, taksama inšych krain, jakija padtrymlivajuć ahresiju va Ukrainie.

 

Biełarusy sprabavali davieści arhanizataram, što ŭ ich u rukach alternatyŭny ściah Biełarusi, narodny, pad jakim biełaruskija dobraachvotniki abaraniajuć Ukrainu i pad jakim biełarusy zmahajucca z režymam Łukašenki.

— Arhanizatary nas nie stali słuchać i paklikali palicyjantaŭ. Palicyjanty patłumačyli, što kali heta ściahi Biełarusi, to, pavodle zajaŭki arhanizataraŭ mitynhu, jany zabaronienyja na ich mierapryjemstvie. 

Biełarusam pryjšłosia apuścić ściahi. Jany adyšlisia dalej ad sceny. Stajali da kanca mitynhu, pakul demanstracyja nie pajšła maršam da ambasady Rasii. 

— Akramia ŭkrainskich i polskich ściahoŭ na praciahu ŭsiaho mierapryjemstva byli ściahi ZŠA, Kazachstana i jašče inšych krain. Ale z boku arhanizataraŭ da ich nie było pretenzii. Kaniešnie, nam było kryŭdna. My ŭsie padtrymlivajem Ukrainu i ŭsiudy prajšła infarmacyja ab hetaj akcyi i maršy. Biełarusy Krakava ź pieršaha dnia vajny pryniali samy aktyŭny ŭdzieł u dapamozie biežancam i ŭ arhanizacyi antyvajennych akcyj u Krakavie. Bolš za toje, ukrainski konsuł taksama spačatku braŭ udzieł u sumiesnych mierapryjemstvach, ale potym rezka źmianiŭ staŭleńnie da biełarusaŭ.

Kali dniom biełarusy Krakava akazalisia niepažadanymi haściami na akcyi, to ŭviečary ich zaprasili ŭžo ŭkrainskija aktyvisty ŭ centr horada na novy mitynh. Tam užo była vialikaja kolkaść bieł-čyrvona-biełych ściahoŭ.

Čytajcie taksama:

Zatrymali supracoŭnikaŭ kampanii, što absłuhoŭvaje ekrany, na jakich pakazali zvarot Cichanoŭskaj

Cichanoŭskaja sustrełasia z pasłom Ukrainy

«Kab nadpis na pomniku byŭ na biełaruskaj movie». Biełaruskija dobraachvotniki pra zapaviet na vypadak hibieli 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
47
Ха-ха
12
Ого
5
Сумна
12
Абуральна
93
0
Abmienny fond /adkazać/
27.02.2024
Ściah, zhodny, tolki niama kamu
0
Woodoo Cult /adkazać/
27.02.2024
Kac, sozdajotsia vpiečatlenije, čto 1-2 diehienierata pišut odno i to žie, pod raznymi nikami. Myśli, kak pod kopirku absolutno. Nie imieja nikakoho poniatija o ludiach, kukariekajut iz Ńju-Jorka, poučaja kak im žiť, i čto hovoriť.
0
Tadieuš Brynza/adkazać/
29.02.2024
Ukraincy - niepobiedimyje ekśpierty choždienija po hrablam, strannymi vyborami pośle normalnoho priezidienta - potom niepojmi čieho, massovoj korrupcijej na vsiech urovniach, vorovstvom hum.pomoŝi i sraču s sojuźnikami i sočuvstvujuŝimi.
Iz poślednieho - eto kohda polskich parłamientarijev i ahrarijev vnieśli v svoj śpisok "mirrotvoriec". Eto tipa błahodarnosť polakam? Vstyd!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930