Znajści
Ałharytmičny łacinski varyjant
27.02.2024 / 09:242RusŁacBieł

Popyt na valutnyja ŭkłady padaje, a prodažy nieruchomaści bjuć rekordy. U čym pryčyna?

Na rynku nieruchomaści nazirajecca bum, a kolkaść hrošaj, jakija biełarusy zachoŭvajuć na valutnych układach, naadvarot skaračajecca. Daviedalisia ŭ ekanamista, nakolki ŭzajemaźviazany hetyja tendencyi i čamu tak adbyvajecca.

Ilustracyjny zdymak. Fota: «Naša Niva»

Rekordna nizkija staŭki i padarvany davier

Pa stanie na 1 lutaha biahučaha hoda, fizičnyja asoby trymali na valutnych układach 2,971 młrd dalaraŭ. Heta ŭ 2,6 raza mienš, čym na piku ŭ vieraśni 2015 hoda. Tady biełarusy zachoŭvali na valutnych układach 7,844 młrd dalaraŭ.

«U pieryjad sa studzienia 2022-ha pa listapad 2023 hoda abjomy valutnych układaŭ u cełym skaracilisia na 12,8%. Choć dadzieny trend pačaŭsia za niekalki hadoŭ da hetaha, kali paśla 2015 hoda Nacyjanalny bank unios šerah źmienaŭ u valutnuju palityku i ŭziaŭ kurs na pastupovuju dedalaryzacyju, staŭki pa valutnych depazitach u cełym źnižalisia», — kamientuje ekśpiert BEROC Anastasija Łuzhina.

Jašče adnym faktaram, jaki paŭpłyvaŭ na źnižeńnie cikavaści da valutnych układaŭ, ekśpiert nazyvaje situacyju, jakaja skłałasia ŭ pačatku vajny, kali banki pačali ŭvodzić abmiežavańni na źniaćcie valuty.

«Heta padarvała davier układčykaŭ. Paźniej niekatoryja banki stali ŭvodzić vysokija kamisii za absłuhoŭvańnie valutnych rachunkaŭ, na jakich zachoŭvalisia vialikija sumy (bolš za 50 tysiač)».

Staŭki pa valutnych układach skaracilisia da mienš jak 2% hadavych. Što pakazvaje adsutnaść zacikaŭlenaści ŭ valucie z boku bankaŭ. Padobnymi dziejańniami banki padšturchoŭvajuć ludziej da ŭkładaŭ u nacyjanalnaj valucie.

Popyt na rublovyja ŭkłady raście. U pieryjad sa studzienia 2022 hoda pa listapad 2023-ha pryrost skłaŭ amal 53%. Vysoki pracent pryrostu abumoŭleny bolš vysokaj pracentnaj staŭkaj u paraŭnańni z valutnymi depazitami, a taksama naminalnaj devalvacyjaj biełaruskaha rubla.

Pry hetym z ulikam niedavieru da bankaŭskaj sistemy i nacyjanalnaj valuty, chutčej za ŭsio, nie ŭsie trymalniki valutnych układaŭ navažylisia kanviertavać ich u rublovyja.

Ilustracyjny zdymak. Fota: «Naša Niva»

Častku z hetych hrošaj biełarusy mahli ŭkłaści ŭ nieruchomaść. Adnak, na dumku ekśpierta, heta tolki adzin z faktaraŭ, jakija paŭpłyvali na rost popytu na žyllo ŭ Biełarusi.

«Biezumoŭna, častka trymalnikaŭ valutnych układaŭ «zabietanavali» svaje valutnyja źbieražeńni. Ale ŭsio ž na rynak nieruchomaści akazvajuć upłyŭ i inšyja faktary», — ličyć Łuzhina.

Kredyty stali bolš dastupnyja

Važnuju rolu adyhrała źnižeńnie pracentnych stavak pa kredytach na kuplu nieruchomaści.

«Kredyty stali bolš dastupnymi. Mahčyma, častka trymalnikaŭ tych ža valutnych układaŭ mahli źniać hrošy z rachunku i dakredytavacca, pakolki, z adnaho boku, trymać hrošy ŭ valucie pierastała być vyhadna, a z druhoha — kredyt staŭ bolš dastupnymi», — tłumačyć ekśpiert.

Peŭnuju rolu adyhraŭ i adkładzieny popyt, jaki farmavaŭsia ŭ pieršaj pałovie 2022 hoda, kali adrazu paśla pačatku vajny častka pakupnikoŭ pryniała rašeńnie pačakać z kuplaj nieruchomaści.

«Akramia taho, u Biełarusi ŭ cełym zastałosia mała mahčymaściaŭ dla inviestavańnia, što taksama pavyšaje popyt na nieruchomaść siarod tych, chto maje svabodnyja srodki», — ličyć ekśpiert.

Na rost prodažaŭ nieruchomaści ŭ Biełarusi taksama ŭpłyvaje ŭzrosšy popyt z boku zamiežnikaŭ. Dakładnych źviestak pra hramadzianstva pakupnikoŭ niama, ale, jak ličać analityki rynku, cikavaść da nieruchomaści ŭ Biełarusi pavialičyłasia z boku rasijan.

Čytajcie taksama: 

Siaredni zarobak u studzieni śpikiravaŭ adrazu na 280 rubloŭ. Ale nie śpiašajciesia zasmučacca

U Biełarusi mohuć mocna źnizić limity biaspošlinnaha ŭvozu tavaraŭ praz naziemnyja miežy i ŭ pasyłkach

Inšaziemcy nabyli ŭ Biełarusi rekordnuju kolkaść kvater

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
11
Ха-ха
3
Ого
9
Сумна
3
Абуральна
6
1
Symon/adkazać/
27.02.2024
Inviestavać u padsankcyjnuju dyktaturu, jakaja abrała bok ahresara ŭ vajnie suprać ŭsiaho raźvitoha śvietu - heta treba być zusim kuku.
Bankaŭskija ŭnioski - albo prymusova abmianiajuć na fantyki-ablihacyii albo parežuć albo naŭprost zamaroziać. Valutnyja ŭnioski dadatkova mohuć kanviertavać ŭ biełku pa rabaŭnickamu kursu
Inviestavać u nieruchomaść u krainie, adkul ŭciakaje kvalifikavanaja pracoŭnaja siła - heta harantavanaja burbałka. Dadatkova ŭ vypadku raptoŭnaj emihracyi nieruchomaść imknienna robicca nielikvidnaj.
Adziny šlach niešta ŭkładać - heta atrymlivać doŭhaterminovyja tannyja kredyty ŭ biełkie, jakija niepaźbiežna buduć pieratvoranyja ŭ parašok praź inflacyju i devalvacy, i kuplać na ich valutnuju hatoŭku albo vydatkoŭvać ich na biahučaje spažyvańnie.
1
Vład/adkazać/
27.02.2024
Chataskrajniki sami žie i vykarmlivajut diktaturu!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930