Znajści
Ałharytmičny łacinski varyjant
27.02.2024 / 19:325RusŁacBieł

Insult u 33 hady: sa stvaralnicaj biełaruskaha brenda draŭlanych sumačak zdaryłasia biada

Biełaruski brend Feelingtrees — heta nievialiki siamiejny biznes, jaki isnuje z 2016 hoda. Maryna i Ivan Jeŭžyki stvarajuć aŭtarskija sumki z ustaŭkami draŭniny i epaksidnaj smały z zasušanymi raślinami. Ale niadaŭna ŭ sacsietkach brenda źjaviłasia sumnaje paviedamleńnie: u 33-hadovaj Maryny zdaryŭsia insult.

Skrynšot ryłz u instahramie Feelingtrees

Miarkujučy pa videa, adbyłosia ŭsio kala dvuch miesiacaŭ tamu. I ŭvieś hety čas maładaja žančyna sprabuje adnavicca, a jaje muž adzin praciahvaje stvarać sumački.

U ryłsie paviedamlajecca, što siarod parušeńniaŭ, ź jakimi Maryna sutyknułasia, byŭ umierany parez pravaj ruki ź pieravahaj u kiści i vyjaŭlenaja matornaja afazija, jakaja supravadžałasia parušeńniem maŭleńnia. Niahledziačy na toje, što prablem z nahami nie było, daktary zabaranili pieršy tydzień navat sprabavać padymacca z łožka.

Ciapier Maryna adčuvaje siabie našmat lepš, tamu moža raspaviadać padpisčykam, jakimi byli hetyja dva niaprostyja miesiacy paśla insultu.

— Paśla insultu ja adčuvała siabie absalutna biezdapamožnaj, ja nie mahła nijak vykazvać svaje dumki, skazać pra niešta ci paprasić kahości ab dapamozie. U mianie vielmi mocna kružyłasia hałava i ja ŭvieś čas chacieła spać.

Maryna Jeŭžyk. Fota ź instahrama Feelingtrees

Žančyna kaža, što nie było adčuvańnia samoty, tamu što dvojčy ŭ dzień jaje naviedvaŭ muž, a ŭvieś astatni čas raźmierkavali pamiž saboj siabry. Kab dapamahčy Marynie znoŭ pačać havaryć, siabry rabili joj śpiecyjalny masaž.

Jana taksama raspaviała, što tydni, praviedzienyja ŭ adździaleńni nieŭrałohii, uspaminaje z žacham.

— Hetaje adździaleńnie napoŭniena stracham, cišynioj, jakuju mohuć parušać dzikija kryki pacyjentaŭ. Za dva miesiacy hety samy ciažki čas: pieršy tydzień ty prosta nie razumieješ, što ty i dzie ty, na druhim tydni prychodzić uśviedamleńnie, a na treci tydzień ty chočaš chutčej adtul syści.

Kamientatary sprabujuć padtrymać dyzajnierku i adnačasova ździŭlajucca tamu, jak «pamaładzieŭ» insult. Niechta śćviardžaje, što heta adbyłosia paśla pandemii karanavirusu. Ale Maryna adkazvaje, što nie chvareła na kavid, a taksama nie rabiła pryščepak ad hetaj chvaroby.

Pryčyny jaje insultu miedyki sprabujuć vyśvietlić. A pakul Maryna piša, što joj treba navučycca adpačyvać.

Čytajcie taksama:

U Hrodzienskaj univiersiteckaj klinicy dla vyjaŭleńnia insultaŭ stali vykarystoŭvać štučny intelekt

U ZŠA ŭchvalili pieršy ŭ śviecie preparat na asnovie redahavańnia hienaŭ

U dziaciej, jakija zadoŭha siadziać pierad televizaram ci ŭ telefonie, bolšaja ryzyka źjaŭleńnia sardečnych chvarob

Hanna Stafanovič

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
3
Ха-ха
4
Ого
6
Сумна
79
Абуральна
8
2
Abarmot/adkazać/
27.02.2024
Sam takoj žie trudoholik. Diejstvitielno nado učiťsia otdychať
0
ja/adkazać/
27.02.2024
Dieržiś, dievočka. Nie padaj duchom. Ty popravišsia.  
0
Byvajet/adkazać/
28.02.2024
Soniejka,
Da nikto nie pomołodieł, posmotritie statistiku. Jeśli by načali publikovať vsie u koho insult pośle 50 ili 60, to Vy by i nie zamietili etoj staťji.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930