Znajści
Ałharytmičny łacinski varyjant
29.02.2024 / 09:381RusŁacBieł

U Minsku adkryjuć škołu z asimietryčnymi voknami

Jana budzie raźmieščana ŭ Novaj Baravoj. Druhaja ŭ rajonie škoła — na 1 125 dziaciej i padletkaŭ — adkryjecca ŭ Centralnym parku.

Tak budzie vyhladać centralny korpus: A-100 Deviełopmient

U žyłym rajonie «Novaja Baravaja» pad Minskam u lipieni 2024 hoda budzie zdadziena škoła ź niezvyčajnym dyzajnam fasadu hałoŭnaha korpusa, kvadratnyja vokny jakoha majuć rozny pamier i raźmieščany asimietryčna, piša «Biełaruś i śviet».

Druhaja ŭ rajonie škoła — na 1 125 dziaciej i padletkaŭ — adkryjecca ŭ Centralnym parku.

Prajekt znachodzicca ŭ vysokaj stadyi hatoŭnaści: sabrany karkas budynka i zakryty vonkavy kontur, viaducca ŭnutranyja raboty. Užo nabirajucca piedahohi.

Kompleks sprajektavany architektarami «A-100 Deviełopmient». Jon składajecca z troch karpusoŭ-prastakutnikaŭ, źlohku razhornutych adzin da adnaho. Kožny korpus maje asobny ŭvachod, a abjadnoŭvajuć ich zašklonyja pierachody-halerei.

Tak budzie vyhladać korpus dla małodšych kłasaŭ. A-100 Deviełopmient

Centralny korpus — hramadski, druhi — dla małodšych kłasaŭ, treci — dla starejšych. Cikava, što kabiniety administracyi asnaściać prazrystymi dźviaryma, kab likvidavać barjer pamiž vučniem i nastaŭnikam.

U škole buduć dźvie spartzały z trybunami, biblijateka, aktavaja zała, stałovaja, hulniavaja i art-rekreacyjnaja zony, amfiteatr dla budučych muzykantaŭ, miedyjacentr dla junych błohieraŭ, miesca dla vystaŭ. Pamiž pavierchami puściać lifty.

Tak vyhladaje centralny korpus zaraz. Fota: A-100 Deviełopmient

U «Novaj Baravoj» užo jość škoła, 5 dziciačych sadoŭ i sportcentr. I ŭsiudy — svaja kancepcyja. Tak, dziciačy sad «Žoŭty žyraf» pryśviečany žyviołam, «Kosmas» — kosmasu, «Dynasad» — dynazaŭram. A ŭ chołach i dvary «Škoły budučyni» znachodziacca navukovyja ekspanaty.

Čytajcie taksama:

Ajcišnik kupiŭ kvateru ŭ babuli, ale zasialicca adrazu nie zmoh. Jana pradała jaje telefonnym afierystam

«Voś i visić kvatera bałastam: kredyt — 1800 rubloŭ na miesiac». Ajcišniki raskazali pra kinutyja ŭ Biełarusi kvatery

Minčanka zdała kvateru i syšła ŭ minus na 1000 rubloŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
2
Ха-ха
0
Ого
1
Сумна
2
Абуральна
1
0
Ziama/adkazać/
29.02.2024
Zala, jana, maja! Žanočy rod!!!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930