Znajści
Ałharytmičny łacinski varyjant
29.02.2024 / 10:504RusŁacBieł

Siońnia pačynajecca čarhovy sud nad ajcišnikam za danaty. Nie dapamahli ni šmatsottysiačny vodkup, ni prašeńnie ab pamiłavańni

Palitźniavolenaha ajcišnika Alaksandra Zijazetdzinava vosieńniu 2022 hoda ŭžo asudzili pavodle č. 1 art. 361-2 (finansavańnie ekstremisckaj dziejnaści) da troch hadoŭ kałonii za pieravod kryptavaluty ŭ BYPOL. Adbyvać termin jaho nakiravali ŭ škłoŭskuju kałoniju. Ale siońnia ŭ Minskim haradskim sudzie jaho znoŭ sudziać.

Ajcišnika abvinavačvajuć pavodle č. 1 art. 361-2 (finansavańnie ekstremisckaj dziejnaści) i č. 2 art. 290-1 (finansavańnie terarystyčnaj dziejnaści). Ciapier mužčynu pahražaje da 15 hadoŭ kałonii. Spravu budzie razhladać sudździa Alena Šylko, piša «Viasna».

Niekalki miesiacaŭ tamu vyjšaŭ prapahandyscki film ź im, dzie jon raspavioŭ pra vodkup i prašeńnie ab pamiłavańni. 

Letaś vyjšaŭ prapahandyscki film ATN «Apošni pieravod. Bienieficyjar — teraryzm: raskryćcio tych, chto spansuje złačyncaŭ», dzie ŭ tym liku pakazali ŭ kałonii Alaksandra Zijazetdzinava. U palitviaźnia była «žoŭtaja birka» ekstremista.

U filmie zajaŭlałasia, što jaho zatrymali — a paźniej i asudzili na try hady — pa adnym epizodzie pieravodu hrošaj, ale paźniej vyjavili jašče.

«Druhi epizod byŭ [znajšli], kali ja ŭžo tut [u kałonii] znachodziŭsia. Mnie prapanavali pakryć škodu»,— kaža sam Alaksandr.

U filmie pakazali zasakrečanaha apieratyŭnaha supracoŭnika DFR, jaki zajaŭlaje, što Zijazietdzinaŭ «nie byŭ da kanca ščyry sa śledstvam i schavaŭ piać kryptavalutnych płaciažoŭ na 16 tysiač rubloŭ». U vyniku jon pieraličyŭ na rachunki miedycynskich ustanovaŭ «kruhłuju sumu», abmianiaŭšy 31 bitkojn. Tady adzin bitkojn kaštavaŭ 25 tysiač dalaraŭ (to-bok jon moh «achviaravać» dziaržavie tady sumu, ekvivalentnuju 775 tysiačam dalaraŭ).

Akramia hetaha, jon padaŭ chadajnictva Alaksandru Łukašenku ab pamiłavańni. U filmie, jaki vyjšaŭ u kastryčniku, kazali, što jon čakaje rašeńnie. Vidać, jano było admoŭnym. Ciapier jaho znoŭku sudziać — pa jašče bolš ciažkich artykułach.

Padtrymać viaźnia: SIZA-1, 220030, Minsk, Vaładarskaha, 2, Zijazetdzinaŭ Alaksandr Zufarjevič

@nashanivanews U Minsku abłava na advakataŭ. Prychodzili da 10 čałaviek. Nakolki viadoma, rejd zładziŭ KDB #advokat#minsksiejčas#minsk#biełaruś#biełaruśnovosti#novostibiełarusi#našaniva#biełaruskityktok#vminskie♬ Paris - Else

Čytajcie taksama:

Palitviaźnia druhi raz buduć sudzić za danaty, niahledziačy na kaśmičnyja adkupnyja. Zaraz jamu pahražaje da 15 hadoŭ

Jak deananimizujuć uładalnikaŭ kryptakašalkoŭ i što zrabić, kab zaścierahčysia?

Biełarusy raskazali, jak na miažy ich prymušali pryznacca ŭ danatach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
5
Ха-ха
0
Ого
0
Сумна
4
Абуральна
30
1
Vład/adkazać/
29.02.2024
S 800 tys dienieh nafiha ty v Biełarusi žił, parień?
0
Ech/adkazać/
29.02.2024
Biednyj parień
0
Woodoo Cult/adkazać/
02.03.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930