Znajści
Ałharytmičny łacinski varyjant
01.03.2024 / 17:2711RusŁacBieł

Aryštavali i vystavili na prodaž samuju mahutnuju ŭ Biełarusi soniečnuju elektrastancyju

U Biełarusi z-za daŭhoŭ aryštavali samuju mahutnuju soniečnuju elektrastancyju. Ciapier vielizarny kompleks siarod lasoŭ Čarnobylskaj zony vystaŭleny na prodaž, piša Blizko.by.

U 2018 hodzie ŭ Čerykaŭskim rajonie Mahiloŭskaj vobłaści na zamovu kampanii «Sołar Łend» pačali budavać mahutnuju soniečnuju elektrastancyju. Kompleks raźmiaściŭsia kala adsielenaj vioski Małaja Rečyca. Hetyja ziemli paciarpieli ad Čarnobylskaj AES, tamu nasielenyja punkty adsialili.

Stancyju zapuścili ŭ ekspłuatacyju ŭ listapadzie 2021 hoda. Jaje sumarnaja vyznačanaja mahutnaść składaje 109 MVt pieramiennaha toku i 130 MVt pastajannaha toku, a hadavy abjom vypracoŭki enierhii — 133-138 tysiač MVt*hadzinu.

Na momant zapusku heta była samaja mahutnaja soniečnaja elektrastancyja ŭ krainie, pryčym, miarkujučy pa ŭsim, zastajecca takoj i dahetul. Jaje mahutnaść udvaja pieraŭzychodziła ŭładalnika raniejšaha rekordu.

Voś tak vyhladała čaćviorka najbujniejšych soniečnych stancyj u Biełarusi vosieńniu 2021-ha:

  • «Sołar Łend «(Čerykaŭski rajon Mahiloŭskaj vobłaści): pusk listapad 2021, mahutnaść 109 MVt
  • «Biełarusnafta» pad Rečycaj (Homielskaja vobłaść): pusk kastryčnik 2018, mahutnaść 55 MVt
  • «Sołar II» pad Brahinam (Homielskaja vobłaść): pusk žnivień 2016, mahutnaść 18,48 MVt
  • stancyja pad Miadziełam (Minskaja vobłaść): pusk červień 2016, mahutnaść 5,7 MVt

Na toj momant u krainie pracavali ŭsiaho 70 soniečnych stancyj ahulnaj mahutnaściu 160 MVt. Heta značyć, stancyja pad Čerykavym vydavała prykładna 2/3 mahutnaści ŭsich papiarednich soniečnych stancyj. Dla paraŭnańnia: mahutnaść pieršaha enierhabłoka BiełAES składaje 1.200 MVt (abo kala 11 takich soniečnych stancyj, jak pad Čerykavym).

I voś ciapier hetaja mahutnaja stancyja źjaviłasia na handlovaj placoŭcy «Bielurzabieśpiačeńnie» ŭ raździele aryštavanaj majomaści. Pryčyna — daŭhi TAA «Sołar Łend».

Składniki soniečnaj elektrastancyi znachodziacca ŭ zakładzie. U skład kompleksu ŭvachodziać dziasiatki adzinak roznaha technałahičnaha abstalavańnia.

Startavaja cana łota składaje 79 751 000 rubloŭ (prykładna 24,8 miljona dalaraŭ pa aktualnym kursie). Tarhi startujuć 14 sakavika.

Čytajcie taksama:

U Biełarusi pradajuć samuju sapraŭdnuju hidraelektrastancyju

Da 2050 hoda soniečnaja enierhija maje stać asnoŭnaj krynicaj elektraenierhii. Čamu heta važna

Dola vykapniovaha paliva ŭ enierhietycy źmienšyłasia ŭ Jeŭrasajuzie da histaryčnaha minimumu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
18
Панылы сорам
30
Ха-ха
11
Ого
8
Сумна
36
Абуральна
47
3
Ihoŕ /adkazać/
02.03.2024
Prieždie čiem kommientirovať, vy dla načała dorohije i lubimyje Biełarusy, raźbieritieś, pohuhlitie čja eto stancija była iznačalna, kto inviestor...
0
Maksim Dizajnier/adkazać/
03.03.2024
Ja protiv cientralnoho otupienija, no Mask tožie kryš iz sołniečnych batariej ponastroił. Tak dažie tam choziajeva zakolebaliś riemontirovať povrieždiennyje panieli.
0
Stoun/adkazać/
04.03.2024
Somnievajuŝijsia,biespłatnoj nie možiet byť. Atomnaja stancija stabilno dajet enierhiju nočju dniem letom zimoj , a eta nočju nie rabotajet, zimoj płocho, tuči moŝnosť padajet i tak daleje.  plus dorohoje obsłuživanije, sołniečnyje elemienty nado mieniať. oni nie diešovyje.   
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera