Znajści
Ałharytmičny łacinski varyjant
01.03.2024 / 19:343RusŁacBieł

«Kibiertaburetka» ŭ adkaz na «Kibiertrak» Iłana Maska. U Baranavičach chłopiec stvaraje niezvyčajnuju elektratechniku

Pavieł Ramiejka — vychadziec ź viadomaj u Baranavičach siamji mastakoŭ. U horadzie jaho viedajuć jak stvaralnika rekłamnych šyldaŭ. Ale ŭ chłopca jość niezvyčajnaje chobi, raskazać pra jaki jon pahadziŭsia vydańniu Bar24.

«Usie zvarščyki — tvorčyja ludzi»

Pa prafiesii Pavieł Ramiejka — zvarščyk. Navyki budučaj prafiesii jon pačaŭ asvojvać u vučyliščy, kudy vyrašyŭ pastupać jašče ŭ siomym kłasie škoły.

«Z samaha dziacinstva ja hadzinami kruciŭ rovary, kapaŭsia ŭ instrumientach i roznych žalaziakach. Padoŭhu lubiŭ nazirać za tym, jak chtości varočaje zvaračnym aparatam», — uspaminaje Pavieł.

Advučyŭšysia i adsłužyŭšy ŭ vojsku, chłopiec pačaŭ raźvivać atrymanyja navyki zvarščyka ŭ firmie baćkoŭ, dzie zaniaŭsia vytvorčaściu vonkavaj rekłamy. Ciapier Paŭłu 32 hady. Užo bolš za dziasiatak hadoŭ jon zajmajecca vyrabam i mantažom rekłamnych šyldaŭ, jakija možna sustreć praktyčna va ŭsich kutkach Baranavičaŭ i za ich miežami. Svaju pracu chłopiec lubić i ličyć tvorčaj.

«Praz toje, što ŭ takoj spravie treba zaŭsiody ŭklučać fantaziju, ja ŭpeŭnieny, što ŭsie zvarščyki — heta tvorčyja ludzi», — adznačaje Pavieł.

Adnak z tvorčaściu źviazana nie tolki asnoŭnaja praca chłopca.

«Usio pačałosia z rovara»

U volny ad asnoŭnaj pracy čas Pavieł pastajanna niešta majstruje. Z častak starych rovaraŭ zvarvaje novyja. Stvaraje kaskadzior-pandusy dla skiejtaraŭ i amataraŭ BMX. A adnojčy svaimi rukami chłopiec zbudavaŭ cełuju farbavalnuju kamieru. Pryčym takuju, jakuju možna ŭ luby momant sabrać-razabrać i pry nieabchodnaści pieravieźci.

«U hetaj kamiery my na firmie farbujem elemienty budučych rekłamnych šyldaŭ. Ale jaje pamiery dazvalajuć pafarbavać rovar. Ci navat matacykł», — tłumačyć Pavieł Ramiejka. I dadaje, što hetuju svaju pracu jon ličyć samaj maštabnaj na hety momant.

Adnak hałoŭnaje zachapleńnie Paŭła ciaham apošnich troch hadoŭ źjaŭlajecca vytvorčaść techniki. Chłopiec svaimi rukami stvaraje rozny elektratranspart, jaki, pa jaho słovach, ničym nie sastupaje anałaham na rynku.

«Usio pačałosia z rovara. Lublu hety transpart i katajusia z samaha dziacinstva. Dyk voś, mnie pryjšła ideja madyfikavać rovar. I ja abstalavaŭ jaho matoram», — uspaminaje Pavieł.

Sieŭšy za rul atrymanaj pryłady, havoryć chłopiec, jon adrazu ž «adčuŭ kajf» ad jazdy.

«Heta była nibyta pieršaja pajezdka za rulom mapieda abo matacykła. Uražańnie ad jazdy było vielmi krutym!» — adznačaje Pavieł.

Adkaz Iłanu Masku

Kali na rynku źjavilisia hiraskutary — mudrahielistyja dvuchkołavyja pryłady, staŭšy na jakija možna jeździć choć na vulicy, choć doma — Pavieł taksama nie zmoh prajści mima navinki.

«Adnojčy ŭ internecie ja spantanna natknuŭsia na videaroliki, u jakich narodnyja ŭmielcy stvarali z takich hiraskutaraŭ elektrasamakaty — zusim inšuju pa svajoj sutnaści techniku», — raskazvaje Pavieł Ramiejka.

Technika, jakaja atrymlivałasia ŭ narodnych umielcaŭ ź interneta, vyhladała davoli niadbajna. Adnak z rolikaŭ Pavieł zrazumieŭ, što na asnovie dziciačaha hiraskutara možna stvaryć transpart, jaki padydzie i dla darosłaha.

«Ja kupiŭ hiraskutar i vyrašyŭ pasprabavać niešta zrabić. Adnak mnie chaciełasia zrabić nie samakat, a niešta bolš składanaje i krutoje. Ja zadumaŭ zmajstravać siadziačy transpart, padobny da papularnaha ŭ Amierycy minibajka», — uspaminaje Pavieł.

Biez usialakich čarciažoŭ, aryjentujučysia tolki na pamiery ŭłasnaha cieła, Pavieł pačaŭ stvarać karkas budučaj techniki.

«Ja ŭsio padhaniaŭ pad pamiery svajho cieła, bo heta jak kaścium: hałoŭnaje, kab było maksimalna zručna, — havoryć jon.

Praz dva tydni jahony tvor byŭ hatovy. Pavieł nazvaŭ jaho «Kibiertaburetkaj». Heta byŭ svojeasablivy adkaz znakamitamu «Kibiertraku» (Cybertruck) Iłana Maska.

«Svajaki vydatna viedajuć, što ja zaŭsiody niešta majstruju. Ale ŭsio adno byli ździŭlenyja, kali ŭbačyli, jak ja sieŭ i pajechaŭ na svaim elektrabajku. Jany acanili!» — adznačaje Pavieł.

Elektrakar dla babuli

Pavieł byŭ zadavoleny atrymanym vynikam, ale spyniacca na dasiahnutym nie źbiraŭsia. Naadvarot, jon zrazumieŭ, što ciapier zmoža ŭvasobić usie idei, na jakija tolki chopić fantazii.

Nastupny stvorany im srodak pieramiaščeńnia kardynalna adroźnivaŭsia ad «Kibiertaburetki». Chłopiec vynajšaŭ čatyrochkołavy elektratranspart, abstalavany vialikim bahažnikam. Z vyhladu jon addalena nahadvaŭ nievialiki lohki aŭtamabil bahi.

«Hety «elektrakar» ja pieršapačatkova raspracoŭvaŭ dla majoj babuli. Dumaŭ, joj budzie praściej adpraŭlacca na zakupy ŭ kramu. Ale z pryčyny ŭzrostu joj ciažka kiravać technikaj, tamu mašyna pierajšła ŭ haspadarku našaj firmy. Na joj ja razvožu roznyja hruzy abo prosta katajusia ŭ svajo zadavalnieńnie», — adznačaje Pavieł.

«Važna, kab chobi nie parušała finansavyja limity»

Pavieł zapeŭnivaje, što bolšuju častku svajoj techniki jon stvaraje ź niepatrebnych materyjałaŭ. Niekatoryja ź ich litaralna možna znajści na śmietnicy. Za hrošy, pa sutnaści, chłopiec dakuplaje tolki amartyzatary, koły i akumulatar.

«Za 1500 rubloŭ možna stvaryć techniku ź lepšymi paramietrami i na paradak tańniejšuju, čym u kramie. Vyjdzie vydatny, mahutny elektrasamakat! Ale važna, kab chobi nie parušała finansavyja limity. Usio pavinna być «pa fanu». Hałoŭnaje — nadavać čas svajmu zachapleńniu tolki tady, kali jość nastroj», — pierakanany Pavieł Ramiejka.

Na siońniašni dzień samarobny «aŭtapark» chłopca składajecca ź piaci adzinak techniki. U kožnaj — svajo pryznačeńnie. Chočacca zładzić dryft na śniezie? Jość trochkołavy elektratrajk. Kali chočacca ździvić siabroŭ, možna sieści na elektraminibajk, abstalavany sihnałam ad savieckaj «Vołhi».

«Hety elektraminibajk ja zrabiŭ prosta dziela žartu. Vonkava jon maleniečki, ale pa mahutnaści nie sastupaje svaim starejšym «bratam», — adznačaje chłopiec.

Najnoŭšaj vynachodkaj Paŭła staŭ elektrasamakat u styli kultavaha DeLorean — futurystyčnaha aŭto ź filma «Nazad u budučyniu». Hety bajk, pa słovach chłopca — jahony pracoŭny konik, jakim jon karystajecca praktyčna štodnia.

«Ja doma ŭ ciaple, a robat za aknom prybiraje terytoryju»

Pavieł adznačaje, što jaho ŭvieś čas pytajucca pra toje, čamu jon nie pradaje svaje vyraby.

«Kab zarablać, heta pavinna stać paŭnavartasnym vidam dziejnaści. Dla mianie ž praces stvareńnia čarhovaha samakata — heta prosta kłasnaje i cikavaje chobi», — adznačaje chłopiec.

Pavieł kaža, što ŭžo daŭno pryvyk da ździŭlenych pohladaŭ i reakcyi ludziej na jaho niezvyčajnuju techniku.

«Kab padoŭhu nie raskazvać ludziam adno i toje ž, na svaje vyraby ja śpiecyjalna nanios qr-kod i spasyłki na sacsietki, dzie zaŭsiody možna sačyć za majoj tvorčaściu», — raskazvaje majstar.

U chłopca mnostva płanaŭ pa stvareńni novaj elektratechniki. Naprykład, da nastupnaj zimy Pavieł choča sabrać — ni mnoha ni mała — robata dla ŭborki śniehu.

«Ja ŭžo ŭsio prydumaŭ. Heta budzie robat, jakim možna kiravać dystancyjna z dapamohaj pulta. Ja doma ŭ ciaple, a robat za aknom jeździć i prybiraje terytoryju majho dvara — zručna. Užo pačaŭ kuplać nieabchodnyja dla jaho zapčastki», — padzialiŭsia Pavieł Ramiejka.

Čytajcie taksama:

Chłopčyk z Łuninca stvaraje z kardonu vialikija fury — jaho videa nabirajuć sotni tysiač prahladaŭ

«Pieršaje, što paprasiŭ pieradać ź Biełarusi — indziejski stroj, draŭlanaje kanoe i cipi». Chto takija «biełaruskija indziejcy» i jak jany žyvuć

Niamiecki ruchavik, hidraŭlika, płuh u padarunak. Jak vyhladajuć i kolki kaštujuć biełaruskija traktary-samarobki 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
22
Панылы сорам
0
Ха-ха
1
Ого
2
Сумна
0
Абуральна
0
0
dočka Maksima Dizajniera/adkazać/
01.03.2024
jaki maładziec!
4
Pravdorub /adkazać/
01.03.2024
Kohda słyšu na Kufarie - Baranoviči, otkazyvajuś ot sdiełki!... Horod kidalciev!
3
Žvir/adkazać/
02.03.2024
Chreń suceļnaja. Padobnaje, alie značna liepšaj jakaści, dyzajna, techničnaha rašeńnia, daúno úžo vypuskajecca sieryjna, z usimi siertyfikatami biaspieki, na vahu da 150 kh. pry harantavanaj chutkaści da 50km/h. Košt (u kramie!) - 1500-2000 EU.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930