Znajści
Ałharytmičny łacinski varyjant
02.03.2024 / 22:291RusŁacBieł

Vychodzić novaja kulinarnaja kniha Alesia Biełaha, možna zrabić pieradzamovu

Vydaviectva Gutenberg Publisher anansavała chutki vychad novaj knihi viadomaha znaŭcy histaryčnaj kuchni Alesia Biełaha, jakaja maje nazvu «Samy cymus». Nazva simvaličnaja, bo prysutnaje ŭ biełaruskaj movie słova «cymus» — habrejskaha pachodžańnia, a kniha pryśviečanaja adnačasova dźvium kuchniam, — biełaruskaj i habrejskaj, — i ich uzajemadziejańniu. 

«Na śviecie napisana i vydadziena proćma knih pra habrejskuju kuchniu. Samych roznych — surjoznych, viasiołych, lohkich, hruntoŭnych, mudrahielistych, trahičnych… A pra historyju kuchni biełaruskaj knih zusim niašmat. I voś novaja kniha, niezvyčajnaja. Pra habrejskuju i biełaruskuju kuchniu adnačasova. I navat bolej: pra kuchniu troch histaryčnych piersanažaŭ, što da pary žyli na adnoj ziamli: sielanina, pana, miestačkovaha ramieśnika i handlara.

Jak takoje mahčyma? A bo i pan, i žyd, i mužyk — majučy roznuju śviadomaść i roznyja tradycyi — jeli toj samy krupnik. Abo babku. Abo kišku. Choć i hatavali ich krychu pa-roznamu, i jeli pad roznyja nahody. Hetaja kniha — pra znakavyja supolnyja stravy troch kultur. Pra samy cymus», — pradstaŭlaje novaje vydańnie vydaviectva. 

U knizie źmieščanyja 15 narysaŭ i niekalki dziasiatkaŭ aryhinalnych receptaŭ. Vydańnie azdoblena aŭtarskimi ilustracyjami Juryja Taŭbkina.

Papiaredniaja data vychadu knihi — 25 krasavika, ale zamović jaje možna ŭžo ciapier. I pa bolš nizkaj canie, bo paśla vychadu knihi jana pavialičycca. 

Pieradzamović knihu možna na sajcie gutenbergpublisher.eu.

Čytajcie taksama:

Andrej Chadanovič pieršy, Aleś Bieły treci. U Litvie padviali vyniki čytackaha hałasavańnia za najlepšyja knihi hoda

Kniha aŭtara «Našaj Nivy» trapiła ŭ śpis najlepšych non-fikšn knih hoda ŭ Litvie. I jaje možna padtrymać

Z čaho varać i jak nazyvajuć tradycyjnyja biełaruskija supy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
0
Ха-ха
0
Ого
0
Сумна
0
Абуральна
0
5
Žvir/adkazać/
03.03.2024
Vokladku maliavali ŭ Śmilavičach, tam byla vializnaja habrejskaja slabada, i jašče zachavalisia frahmienty vulic z padobnaj zabudovaj. Knihu kypliać nia budu. Byla b to bielaruskamoŭnaja kniha habrejskaj kuchni, dy jašče z praŭdzivaj historyjaj tych stravaŭ i tradycyjaj užyvańnia - inšaja sprava, a heta ž vo ni toje, i nia inšaje - luchta za vašy hrošy...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930