Znajści
Ałharytmičny łacinski varyjant
03.03.2024 / 17:086RusŁacBieł

Śviet čakaje druhi «kitajski šok» z napłyvam tannych tavaraŭ

Kitaj dla rašeńnia ekanamičnych prablem naroščvaje vypusk tavaraŭ, značna pieravyšajučy ŭnutrany popyt. Krainy śvietu ŭ druhi raz pieražyvuć napłyŭ kitajskaha impartu, pišaThe Wall Street Journal. Dvaccać hadoŭ tamu heta razburyła zavody na Zachadzie.

Fota: AP

Suśvietnaja ekanomika pieražyła ŭ kancy 1990-ch i pačatku 2000-ch «kitajski šok» — bum impartu tannych tavaraŭ kitajskaj vytvorčaści. Ekanamisty miarkujuć, što chutka varta čakać paŭtareńnie hetaha pieryjadu, pierakazvaje asnoŭnaje z artykuła WSJ RBK.

Piekin padvojvaje ekspart, kab ažyvić zapavoleny ekanamičny rost, zavody ŭžo vypuskajuć bolš aŭtamabilaŭ, techniki i bytavoj elektroniki, čym nieabchodna dla ŭnutranaha rynku. Kitajskija kampanii z aporaj na dziaržaŭnyja kredyty pieranasyčajuć zamiežnyja rynki pradukcyjaj, jakuju nie zmahli pradać unutry krainy. Adnojčy heta dapamahło Kitaju strymać inflacyju na nizkim uzroŭni, niekatoryja ekanamisty čakajuć, što ŭ druhi raz deflacyjny efiekt akažacca navat macniejšym.

Pieršy «kitajski šok» adbyŭsia paśla sieryi libieralnych reformaŭ u 1990-ch hadach i ŭstupleńnia Kitaja ŭ Suśvietnuju handlovuju arhanizacyju ŭ 2001 hodzie. Heta pryniesła i vyhady dla ZŠA: spažyvieckija ceny na amierykanskim rynku padali, pryčym najbolšuju vyhadu adčuli amierykancy ź nizkim abo siarednim uzroŭniem zarobku.

Adnak ZŠA, Jeŭrasajuz i Japonija nie žadajuć paŭtareńnia situacyi pačatku 2000-ch hadoŭ, kali bum kitajskaha impartu razburyŭ mnohija miascovyja vytvorčaści, piša vydańnie. Pieršy «kitajski šok» pryvioŭ da taho, što ZŠA stracili bolš za 2 młn pracoŭnych miescaŭ z 1999 pa 2011 hod, pakolki vytvorcy mebli, cacak i adzieńnia nie vytrymali kankurencyi. Zachodnija krainy vydzielili miljardy dalaraŭ na padtrymku stratehičnych halin i ŭviali albo pahražajuć uvieści taryfy na impart z Kitaja.

U vypadku paŭtareńnia situacyi miarkujuć što, novy «kitajski šok» budzie inšym, Ciapier aściarohi zachodnich krain bolš fundamientalnyja, bo Kitaj kankuruje ŭ vypusku vysokatechnałahičnaj pradukcyi — aŭtamabilaŭ, kampjutarnych čypaŭ i składanym mašynabudavańni — halinach z bolš vysokim dabaŭlenym koštam, jakija ličacca važnymi dla technałahičnaha lidarstva.

U minułym hodzie ekanomika Kitaja vyrasła na 5,2%, heta nizki pakazčyk pa jaje mierkach, adznačaje WSJ. Ekanamisty čakajuć dalejšaha jaje zapavoleńnia na fonie zaciažnoha kryzisu na rynku nieruchomaści, skaračeńnia inviestycyj i padzieńnia spažyvieckich vydatkaŭ. Jak aceńvajuć u Capital Economics, štohadovy rost kitajskaha VUP zamarudzicca da 2% za šeść hadoŭ — da 2030 hoda.

Ułady Kitaj imknucca zabiaśpiečyć «ekanamičny pieravarot», inviestujučy srodki ŭ zavody, pierš za ŭsio ŭ vytvorčaść paŭpravadnikoŭ, aŭtamabilaŭ, abstalavańnia dla adnaŭlalnych krynic enierhii, aerakaśmičnuju pramysłovaść, i pradajučy liški za miažu.

Prablemy ŭ kitajskaj ekanomicy ŭ značnaj stupieni tłumačacca aŭtarytarnymi tendencyjami staršyni krainy Si Czińpinia.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
1
Ха-ха
10
Ого
3
Сумна
3
Абуральна
28
2
Abiraja mienšaje zło/adkazać/
03.03.2024
Toj čas, kali lepiej kupiš biełaruskaje, čym kitajskaje.
1
dumajut odnim dniom sorvať babki/adkazać/
03.03.2024
bum impartu tannych tavaraŭ kitajskaj vytvorčaści. Ekanamisty miarkujuć

začiem priniali Kitaj v VTO?  "samoubijcy"....Ciena niefti i haza u Kitaja, i v Jevropie mnoho raznyje.
0
babrujčanin/adkazać/
04.03.2024
U kancy 80 ad japoncau patrabavali Štaty kab ijena nabyła realny kurs Japonija źniščyła " autapram " Štatau Li Jakoka hiendyrektar " forda" krajślera navat zarobak sabie u1$ uziau knihu napisau.Dariečy kniha cikavaja ...Tak i Kitaj " papiarovy cmok drakon" składzie kryły..
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930