Pasły krain ES admovilisia ad sustrečy z Łaŭrovym pierad vybarami prezidenta Rasii
Ministr zamiežnych spraŭ Rasii Siarhiej Łaŭroŭ paviedamiŭ, što zaprasiŭ niadaŭna pasłoŭ Jeŭrasajuza dla razmovy pierad vybarami prezidenta Rasii, adnak tyja admovilisia ad hetaj prapanovy za dva dni da sustrečy.
Siarhiej Łaŭroŭ. Fota: MZS Rasii
Łaŭroŭ udakładniŭ, što ŭ Maskvy nazapasiłasia šmat materyjałaŭ pra toje, jak pasły ES rychtujucca da vybaraŭ prezidenta RF. U pryvatnaści, jany datyčacca taho, jakija miechanizmy ŭmiašańnia płanujuć vykarystoŭvać dypłamatyčnyja viedamstvy ES i čym jany majuć namier skarystacca ŭ jakaści padtrymki «niesistemnych apazicyjanieraŭ», čym nie majuć prava zajmacca, piša «Sputnik».
«My, sabraŭšy takuju infarmacyju, zaprasili ŭsich pasłoŭ Jeŭrapiejskaha Sajuza, napeŭna, tydni paŭtary tamu, na sustreču sa mnoj, na jakoj ja prosta chacieŭ, jak ministr zamiežnych spraŭ, pasłam, kiraŭnikam dypłamatyčnych misij raskazać pra toje, što my raim ź lepšych pamknieńniaŭ nie zajmacca hetym», — skazaŭ Łaŭroŭ
Adnak, ź jahonych słoŭ, za dva dni da pryznačanaha mierapryjemstva pasły Jeŭrasajuza dasłali notu pra toje, što jany «vyrašyli nie chadzić».
U suviazi z hetym Łaŭroŭ aburyŭsia, ci možna sabie ŭjavić adnosiny ź dziaržavami na dypłamatyčnym uzroŭni, čyje pasły bajacca pryjści na sustreču ź ministram krainy, u jakoj jany akredytavanyja.
Čytajcie taksama:
Łaŭroŭ pryhraziŭ Pašynianu: Zajavy Jerevana prymušajuć Rasiju zadumacca pra svaje praktyčnyja kroki
Łaŭroŭ: Biełaruś i Rasija plačom da plača adkažuć NATA
Viarchoŭny sud Rasii kančatkova adchiliŭ skarhu Nadzieždzina ab niadopusku da prezidenckich vybaraŭ
